Naomba kwanza niwape pole wakazi wa Musoma hasa eneo la Buhare kwa msiba mkubwa uliowafika.

Huu ni unyama ambao unahitajika kukemewa kwa nguvu zote na kwa pande zote, namaanisha Viongozi wa dini, Serikali na jamii kwa ujumla.

Tazama damu za watoto wadogo wasio na hatia zimemwagika! Ee Mungu baba tunaelekea wapi sisi wanao? Ni kitu gani wamekosea hawa watu hata uhai wao uondolewe kinyama namna hii? Na hata kama wangekuwa na hatia kuna mahali husika pa kushughulikia.

Wallah naapa, ningelikuwa mimi ndio kiongozi, wote waliokamatwa ikibainika wamehusika, na wao wangekufa kifo kama walichokufa hawa ndugu zetu tena hadharani na mchana kweupe na si usiku kama wao walivyofanya.

kwa sababu kama ni haki za binadamu hata wao wamezivunja kwa kuwachinja wenzao kama wanaandaa kitoweo kwa ajili ya kupeleka kwenye bucha. Lo! kwa nini kama wao wameshindwa kuziheshimu haki za binadamu na kuwakatili wenzao maisha, eti kwa upande wao haki za binadamu zifuatiliwe?

Mwisho, Mwenyezi Mungu zilaze roho za marehemu hao 17 mahali pema Pepo, Raha ya milele uwape Ee Bwana na mwanga wa Milele uwaangazie, Wapumzike kwa amani.
AMINA.

Ni masikitiko, huzuni kubwa sana