Loading...
Monday

Makonda asema, "Kinondoni nina mpango wa kutengeneza mtaa mmoja maalum wenye bar"

PAUL Makonda, Mkuu wa Wilaya ya Kinondoni, ametangaza mpango mpya wa kuanzisha mtaa maalum utakaokuwa ukihusika na biashara ya uuzaji wa vinywaji vikali na baridi baa (bar).

Makonda ameweka wazi mpango huo mapema hii leo jijini Dar es Salaam ikiwa pia ndiyo siku ambayo utekelezwa wa mpango wa walimu wa shule za msingi na sekondari kusafiri bure kupitia usafiri wa umma (daladala) unaanza rasmi.

Mkuu huyo wa wilaya amesema mpango huo ni muendelezo wa ubunifu na uthubutu wa mipango ya maendeleo ambao kwa kiasi kikubwa umekuwa ukikosekana miongoni mwa Watanzania na hivyo kufanya kasi ya maendeleo hapa nchini kuwa ndogo tofauti na matarajio ya wananchi.

“Kinondoni nina mpango wa kutengeneza mtaa mmoja maalum wenye bar tu ili watu wakitaka kwenda kunywa pombe waende mtaa huo bila kubugudhi. Nasubiri muda tu ufike kwa sababu haiwezekani kila eneo liwe na baa mpaka nyuma ya misikiti na nyuma ya makanisa,” ameeleza Makonda.

Wilaya ya Kinondoni ndiyo wilaya yenye watu wengi zaidi hapa nchini ambapo kwa mujibu wa sensa ya watu na makazi ya mwaka 2012 wilaya hiyo ina jumla ya watu milioni 1.7 na kwasasa ikikadiriwa kufikia watu milioni 1.9.

1 comments :

  1. Ni wazo zuri. Kampala wana mtaa wa Kabalagala ni maarufu kwa Bar na Night Clubs!!

    Lakini kwa Kinondoni tayari kuna mwingiliano wa Bar, Club, Kanisa, Msikiti, Hoteli, Hospitali, makazi ya watu, biashara, n.k.

    Barabara ya Shekilango inaweza kutumika kama 'Pilot Project' kwa wazo la Makonda. Vikwazo ni Shule iliyopo Mugabe, Hospitali ya AAR pale Madukani, Kanisa KKKT Kumekucha, Hospitali ya Serikali na Msikiti pale Palestina, shule ya Mapambano na Chuo cha Ustawi wa Jamii.

    ReplyDelete

Note: Only a member of this blog may post a comment.

 
Toggle Footer
TOP