Loading...
Tuesday

Taarifa iliyotolewa na Jeshi la Polisi kuhusu mikutano na maandamano ya kisiasa

JAMHURI YA MUUNGANO WA TANZANIA

WIZARA YA MAMBO YA NDANI YA NCHI

JESHI LA POLISI TANZANIA
 
Anuani ya Simu “MKUUPOLISI”                                                                                                                                                                                                                                                                                 Ofisi ya  Inspekta  Jenerali wa Polisi,
Telephone: (022) 2110734                                                                             Makao Makuu ya Polisi,
Fax Na. (022) 2135556                                                                                  S.L.P. 9141,
Unapojibu tafadhali taja:                                                                                DAR ES SALAAM.
                              
                                                                  07/06/2016
 
TAARIFA YA JESHI LA POLISI KWA VYOMBO VYA HABARI
 
Ndugu zangu waandishi wa habari,

Katika siku za hivi karibuni, Jeshi la Polisi nchini, limepokea taarifa kutoka kwa baadhi ya vyama vya siasa wakitaka kufanya mikutano na maandamano. Hata hivyo, Jeshi la Polisi kupitia vyanzo vyake vya mbalimbali vya habari limebaini kuwa mikutano hiyo ina lengo la kuwahamasisha wananchi kutotii sheria za nchi (Civil disorder).

Aidha vyama vingine vya siasa vimeonyesha dhamira ya kupinga kile ambacho kitasemwa na wapinzani wao.

Vyanzo hivyo vya habari vimebainisha kwamba upo uwezekano mkubwa wa kutokea vurugu baina ya makundi mawili ya kisiasa.

Kwa hali hiyo, Jeshi la Polisi nchini linapiga marufuku maandamano na mikutano ya hadhara kuanzia tarehe 07/06/2016 hadi hapo hali ya usalama itakapotengemaa.

Jeshi la Polisi linawataka wanasiasa kuacha mara moja kuwashinikiza wananchi kutotii sheria za nchi.

Jeshi la Polisi halitasita kumchukulia hatua kali za kisheria mtu yeyote au chama chochote cha siasa kitakachokaidi agizo hili.

Aidha Jeshi la Polisi linawataka wananchi kuwa makini na wanasiasa wenye lengo la kutaka kuvuruga amani ya nchi hii na badala yake linawasihi waendelee kushirikiana katika kujenga umoja wa nchi hii.

Asanteni sana kwa kunisikiliza .

Imetolewa na:-
Nsato M. Mssanzya – CP
Kamishina wa Polisi Operesheni na Mafunzo
Makao Makuu ya Polisi.

1 comments :

  1. Jeshi la polisi linapewa mamlaka tu. Halinasheria hizi bali wamipewa sheria kazi yao kuhakikisha usslama.

    ReplyDelete

Note: Only a member of this blog may post a comment.

 
Toggle Footer
TOP