Loading...
Wednesday

Taarifa ya Mbowe kuhusu madai ya NHC

MALI za Mwenyekiti wa CHADEMA, Freeman Mbowe, ziko hatarini kukamatwa iwapo atashindwa kulipa deni la sh. bilioni 1.150 anazodaiwa na Shirika la Nyumba la Taifa (NHC).
Mbowe ambaye ametajwa kuwa miongoni mwa wadaiwa sugu wa NHC na anatakiwa kulipa deni la pango la nyumba ya umma iliyopo Club Bilicanas, Dar es Salaam.

Awali, Mbowe alikuwa na ubia na NHC kuhusu nyumba hiyo, lakini hivi sasa ubia huo umevunjwa, hivyo itabaki kuwa ya umma na kama atashindwa kulilipa deni lake ndani ya mwezi huu, atachukuliwa hatua za kisheria, ikiwa ni pamoja na mali zake kukamatwa.

TAARIFA YA MHE. FREEMAN AIKAELI MBOWE KUHUSU MADAI YA NHC.

Nimepata taarifa ya mkutano wa Mkurugenzi Mkuu wa Shirika la Nyumba la Taifa (NHC) na Waandishi wa habari kuhusu kilichoitwa "wadaiwa sugu" wa NHC ambapo katika orodha hiyo kampuni ambayo nina hisa ya Mbowe Hotels Co. Ltd imeorodheshwa kama mdaiwa anayedaiwa zaidi ya Shilingi Bilioni moja.

Nakiri kuwepo kwa mgogoro wa kibiashara wa miaka mingi baina ya Kampuni hii na NHC. Aidha kampuni hii imekuwa ikilipa kodi stahiki kwa NHC kwa mujibu wa makubaliano yetu ya kibiashara.

Kumekuwepo na ukakasi wa muda mrefu kuhusiana na mkataba wetu wa umiliki, uendelezaji na uendeshaji wa jengo hili unaochagizwa na msimamo wangu wa kisiasa.

Haki na Uhuru wetu wa kufanya biashara kama raia wengine umekuwa ukiingiliwa mara kwa mara katika mazingira yanayoambatana na Vitisho kiasi ambacho Maamuzi kadhaa hayafanyiki kwa hofu ya kisiasa kwamba "Itakuwa kumwongezea nguvu Mpinzani".

Hivyo, ningependa umma wa Watanzania uelewe kuwa sidaiwi na Shirika la Nyumba la Taifa (NHC).

Kufuatia utata huu wanasheria wa Kampuni wanashughulikia jambo hili kwa taratibu za kibiashara na kisheria.

Naomba kuweka wazi kwa yeyote anayehusika. Sitafungwa fikra, sitafungwa mdomo na sitaacha kuutetea Ukweli, Haki na Demokrasia katika nchi hii kwa misingi ya "kulinda kinachodhaniwa ni maslahi yangu ya kibiashara".

Wafanyabiashara wengi wanafungwa fikra na midomo ndani ya nchi hii kwa kuogopa hila na ghiliba za watawala.

Ni heri kufa masikini nikiwa nimesimamia ukweli, kuliko kuishi tajiri niliyetawaliwa na ubinafsi, woga, hofu na ubatili.

Natambua kuna jitihada za kutumia kila silaha na kila hila dhidi yetu katika kipindi hiki.

Mwisho, Natoa rai kwa wanachama na wapenzi wa Haki katika Taifa hili, wasiogope. Haki itaweza kucheleweshwa kwa muda tu, lakini kamwe haiwezi kuzuiwa. Binadamu akikufungia mlango Mungu wa Haki atakufungulia dirisha.

Ubatili ni wa mpito lakini Haki ni ya milele.

Imetolewa
Leo Jumatano Agosti 24,2016
Na:
Freeman Aikaeli Mbowe
Mfanyabiashara.

1 comments :

  1. Mabilioni ya ESCRO vigogo ccm, yaliyowekwa hadharani yameyeyuka. Ni ccm.
    Pesa v
    Za vyombo vya alama nikono kupitia kampuni tata kushirikiana na jeshi limeyeyuka.
    Ccm mnajenga chuki, mnapendelea na kuwalinda vigogo wote waliohusika na upotoshahi wa Taifa hili, kufilisi umma ambampo mnajidai mnatumbua na kuficha na kufunika ukweli wa mambo.viongozi wakuu mafisadi wapo ccm mbona Magufuli hafui dafu kuwatumbua na kuwaweka hadharani wakafungwa na mulipa mali kama dagaa wadogo aliowapapasa.
    Nihawa ccm wameihujumu nchi kupitia chama na kuruhusu wawemezaji muingia mikataba tata. Ukawa wanawapiga vita muwatumbue mnamalizia kuwanyanyasa bambikia kesi .kesi kuu zinatetewa na wanasheria wakuu wote wa nchi hamzifikishi mbali. Mko radhi kuingiza nchi vitani kutetea vigogo. Mnawangiza watanzania kwenye vita kukingia vigogo na ukweli wa mambo.. viongozi wengi ndani ya ccm mnajua hili mnajua matabaka na vikundi mnaogopa na muomba kanisa, misikiti wasaidie kwani hamzijui sheria? ,viongozi mnaogopa watu wachache mko radhi kuangamiza Taifa, watoro, maskini, vilema, watu wasio na hatia kisa ni kulindana michama , na badala ya kulinda umma.mnatumia vyombo vya umma, polisi, jeshi, mahakama kuu za nchi vibaya na kinyume cha sheria huku mkitunza maslahi binafsi ya wachache na wawekezaji wa mataifa makuu mlioingia nao mikataba tata kuhujumu.Tanzania.
    Hili ni swala Tata sana na kubwa kwa taifa hili kwa sasa. Ni swala zito na linaangamiza mali ya nchi na watanzania wote.

    ReplyDelete

 
Toggle Footer
TOP