Loading...
Tuesday

Barua kwa Mkurugenzi wa CRDB kuhusu kadhia baada ya mabadiliko yaliyofanywa

Nami nikiri kuwa nilipatwa na kadhia hii lakini kwa kuwa nilipata msaada wa rafiki, nilihudumiwa haraka na mhusika wa CRDB ingawaje swali langu lilibakia kuwa, je, ni wangapi wenye marafiki wanaoweza kuwahudumia kwa kujuana kupitia marafiki?

Niliuliza katika makundi kadhaa ya WhatsApp ambapo ni mwanachama, na kati ya hayo, watu wawili walilalamikia usumbufu huo pia. Mmoja aliyeko Botswana alinifahamisha kuwa kwa bahati nzuri alikuweko mwakilishi wa CRDB nchini humo kikazi, hivyo walimpelekea mashauri yao na kusaidiwa.

Ufuatao ni ujumbe wa Evarist Chahali kuhusu suala ilo hilo...
Naomba anayefahamiana na Mkurugenzi Mtendaji wa CRDB, Dkt Charles Kimei, amfikishie ujumbe huu kwa njia yoyote mwafaka.

Ndugu Dkt Kimei,

Nakuandikia barua hii ya wazi nikiwa na masikitiko makubwa kutokana na huduma zisizoridhisha za benki unayoiongoza. Nimekuwa mteja wa benki yenu kwa zaidi ya miaka kumi sasa, nikitumia huduma ya Tanzanite Account, maalum kwa ajili ya Watanzania wanaoishi nje ya nchi.

Tarehe 20/09/2016 nilitumiwa barua pepe kutoka kwa Msimamizi wa Huduma ya Benki kwa kutumia Intaneti (Supervisor Internet Banking), Bi Sarah Nzowa ikieleza kuwa uboreshaji (upgrade) wa huduma za kibenki kwa kutumia intaneti ulikamilika tarehe 19/09/2016 na kuwa tayari kwa matumizi saa 12 jioni (kwa saa za Tanzania). Hata hivyo, alieleza Bi Sarah, kulijitokeza matatizo ya kiufundi, na licha ya kuomba radhi kwa usumbufu uliojitokeza, alifahamisha kuwa wateja wangejulishwa pindi matatizo hayo yakitatuliwa


Siku moja baadaye, tarehe 21/09/2016 nilitumia barua-pepe nyingine yenye maelezo ya jinsi ya kuingia kwenye akaunti yangu. Nilielezwa pia kuwa tarakimu za siri (one time key) za kuniwezsha kuingia kwenye akaunti yangu zimeshatumwa kwa SMS kwa namba yangu ya simu inayoishia na namba ***2957, na kama sijapata tarakimu hiyo ya siri basi niwasiliane na benki kwa barua-pepe ibank@crdbbank.com.




Nilipoangalia SMS zangu sikuona ujumbe wowote kutoka Tanzania. Nikadhani kwamba labda SMS hiyo itakuja mara baada ya kufuata maelekezo ya kuingia kwenye akaunti yangu. Nikafanya hivo, hakuna SMS iliyotumwa kwangu. Baada ya hapo nikatuma barua pepe kwa anwani ibank@crdbbank.com. Hiyo ilikuwa tarehe 21/09/2016






Kuonyesha kuwa wahusika huko CRDB sio watu makini, katika jibu lao kwangu wakaniomba niwapatie namba yangu ya simu japo awali walieleza kuwa nitapata tarakimu ya siri kwa namba niliyosajili kwa benki hiyo.





Sijawahi kuitaarifa CRDB kuwa nimebadili namba yangu ya simu, sasa ni kituko kusikia wakiniomba niwapatie namba yangu ya simu. Je walipoteza namba yangu niliyoisajili kwao? Sidhani, kwa sababu katika email ya awali walieleza kuwa tarakimu ya siri ingetumwa kwa namba yangu yenye kuishia namba ***2957. Kama wanayo, kwanini waombe tena niwatumie namba yangu? Je hii haitoshi kumpa hofu mteja kuhusu usalama wa habari (data) zake katika benki hiyo?


Sikujibiwa. Nikawaandikia tena na tena na tena, lakini sijajibiwa hadi wakati ninaandika makala hii.























Baadaye nikasema labda nijaribu kuwasiliana na benki hiyo kupitia akaunti yao katika mtandao wa kijamii wa Twitter, lakini ilikuwa kazi bure kama sehemu ya maongezi yetu inavyoonyesha hapo chini. Pia nilijaribu kutumia huduma ya mwasiliano ya maongezi (chat service) kwenye tovuti ya benk hiyo lakini nilitumia zaidi ya masaa mawili bila kupata mtu wa kuongea nami. Pia nilijaribu kutumua SMS kwa namba ya huduma kwa wateja, sikujibiwa. Nikajaribu kutuma ujumbe kwa Whatsapp, pia sikujibiwa

@Chahali
Habari Evarist pole kwa usumbufu ulio upata umetuma email kwa kutumia jina gani tuifuatilie tafadhali— CRDB Bank Plc (@CRDBBankPlc) September 26, 2016

@CRDBBankPlc Acheni udanganyifu. Hiyo namba mliyoitaji kwenye email ***2957 mmeitoa wapi kama hamjaipata? Wahuni nyie pic.twitter.com/UDVeoXZevs— Evarist Chahali (@Chahali) September 26, 2016

Nilichobaini baada ya kujaribu kuwasiliana na CRDB huko Twitter ni kwamba kuna wananchi kadhaa ambao pia hawaridhishi na huduma za benki hiyo. Kwa lugha nyingine, mie sio mwathirika pekee wa huduma za kiwango cha chini za benki hiyo.

Sasa naomba nilikabidhi suala hili kwako Dokta Kimei. Haikubaliki kabisa kwa mteja wenu kunyimwa huduma za kibenki katika intaneti (internet banking) kwa takriban wiki nzima sasa kwa sababu ya uzembe tu.

Kwenu wasomaji wa makala hii, ninaomba kuwafahamisha kuwa kama kuna mtu yeyote amekumbana na huduma mbovu iwe kwa hawa jamaa wa CRDB au huduma yoyote ile - na ana ushahidi - basi naomba uwasiliane nami ili angalau tuwafikishie ujumbe wa husika hadharani namna hii, na pengine kuwaumbua kwa uzembe wao au huduma zao mbovu. Kukalia kimya huduma mbovu ni sawa na kuridhika nazo. Huduma bora kwa mteja sio suala la fadhila bali haki na stahili ya mteja.

2 comments :

  1. Tupeane pole Mr. Evarist,

    Kadhia hii nami imenikumba, imenisikitisha na inaendelea kunisikitisha as inaonyesha hakuna anayejali kuhusiana na suala hili. Nimetuma emails nyingi sana, pamoja na kupiga simu ila hakuna lililokuwa mpaka sasa. Huu ni zaidi ya uzembe.

    Kwa kweli inakatisha sana tamaa na moyo wangu umekufa ganzi kwa hii benki. Kiukweli naangalia njia mbadala wa kufanya mabadiliko ya kuendelea kutumia benki yao. Better to try another bank.

    So dissapointed.

    ReplyDelete
  2. Tupeane pole Mr. Evarist.

    Hupo peke yako. This is a very dissapointing matter for sure. Sijawahi shuhudia huduma mbovu kama hii inayotokea sasa. Nimesikitishwa na naendelea kusikitishwa mpaka leo kwa kuwa mbali na kufanya jitihada ya kutuma emails na kupiga simu mara kadhaa, hakuna aliyejali kulishughulikia tatizo langu.

    I am so disappointed kwa kweli.

    ReplyDelete

Note: Only a member of this blog may post a comment.

 
Toggle Footer
TOP