Navyofikiri mimi, binadamu anatawaliwa kifikra kwa aidha IMANI ya dini rasmi zilizokubalika kimataifa au IMANI ya mila aliyokulia, aidha ikubalike au isikubalike kimataifa. Baadhi ya watu, mila ndiyo msingi wa dini na imani yao, yaani mila kwanza kisha masuala ya dini rasmi yatafuata baadaye, wakati wengine ni kinyume cha hivyo, yaani dini rasmi iliyokubaliwa kwanza kisha mila na desturi zitakubalika ikiwa hazipishani na dini.

Sasa hapo ndipo pagumu kwa pande mbili hizi kukubaliana hata katika mambo ya msingi kabisa ambayo upande mmoja wanaona ni sawa kabisa na wanashangaa ni kwa vipi upande unaowapinga hauelewi, nao upande unaopinga unashindwa kujua ni kwa jinsi gani wenzao hawaoni kuwa wanachokifanya hakifai kabisa katika jamii.

Dunia moja, mitizamo tofauti. Kaazi kweli kweli.