BOFYA HAPA kutengeneza tovuti yako BURE. Create a website for FREE. CLICK HERE! Free hosting and no ads.

 
Ukitizama video ya wimbo wa mwanamuziki Akon wa Oh Africa alioutunga mahsusi kwa ajili ya kombe la Dunia la mpira wa miguu Afrika Kusini 2010, utaziona rangi za bendera ya Taifa la Tanzania.

Zifuatazo hapa ni picha nilizokamata toka kwenye video hiyo ambayo unaweza kuisikiliza kwenye ukurasa wa videos (bofya hapa) au kusikiliza audio kwenye ukurasa wa audios (bofya hapa).
Ni katika kutizama wimbo huo nimejiuliza ikiwa wahusika wa Utalii Tanzania wanaweza kuipa kipaumbele (promotion) video hii ili kujipatia sifa ya kuitangaza nchi kwa bendera inayoonekana humo. Isije ikawa tuna'omba Mungu' siku tu Akon ashukiwe na Malaika akurupuke atutungie tangazo atuletee aseme hili hapa kwa ajili yenu kuboresha utalii. Loh! kwa kupenda vya bwerere? huenda twashindwa bure.

Nadhani ni fursa nzuri ya kutumia video hiyo yenye mahadhi ya Kiafrika kujipatia-ujiko (sifa) bure. Nataka kujiaminisha kuwa wapo wabunifu wa sekta ya utalii wanaoweza kuifanyia kazi hii na sidhani kama Akon atakataa ikiwa atatakwa ruhusa na ridhaa ya kutumia video hiyo. Tusiiwekee ukomo kwa kudhania kuwa haiwezekani, tujaribu kwa juhudi kwanza na tuache kupenda vya mreremko.
 


Comments

anonymous
17/02/2010 7:31am

Watu wetu wa utalii hawako creative kiasi hicho. I do n't think if that will be possible. They are not serious! kama wewe ni mtazamaji wa CNN channel utakuwa umeliona tangazo linaloelezea Tanzania. Tangazo hili ni "too short" na halieleweki hata kwa sisi watanzania wenyewe, je asiye mtanzania atalielewa kweli?? Linganisha tangazo letu na lile la Angola ambalo ukiliangalia tu unapata picha halisi Angola ni nchi ya vipi na kuna nini. Hawaelewi kwamba matangazo kama haya yana mchango mkubwa sana katika suala zima la promotion ya nchi. Nasema tena, they are not serious!!!

Reply
paesulta
17/02/2010 10:45pm

Habari za kazi?
ni hivi karibuni nilitoa kiji-mada katika blog ya michuzi na pia mtandao wa jamii forum under heading.."You tube na mtandao;Tanzania is more than bongo flava",ambapo ingawa si muandishi mzuri nilijaribu kuelezea kwa jinsi watanzania tulivyolala katika suala zima la kujitangaza kupitia mtandaoni nikitilia mkazo kupitia youtube ambapo kujitangaza ni bure kabisa,kwa maana ya kuanzisha channel yako hapo mtandaoni.kikubwa unachopata katika you tube uki-search Tanzania ni bongo flava peke yake,ambayo si kitu kibaya lakini we're more than that.kwa kifupi tu ni kwamba kwa kweli tunashindwa kutumia fulsa hii ya kutumia mtandao ambayo ni njia rahisi sana ya kujitangaza kimataifa.mfano mwingine tembelea eastafricantube,huko nako tumejaza video za mapuka,bongo flava pekee.mtandao kwetu sisi umekuwa ni sehemu ya burudani tu na si vinginevyo...
utaniambia kuwa kuna website nyingi tu za kuitangaza Tanzania nje ya youtube,lakini jaribu kutembelea website zetu nyingi,kwa kweli hazijitoshelezi na haziko kamili kwa namana yeyote ile.mara nyingi hata update hazifanyiki,wahusika wanaianzisha na baada ya hapo ndio wanasahau kabisa.
Tukirudi kwenye hii video ya Akon,naona ni vigumu sana kwa wahusika hasa wa idara za utalii kuliangalia hili na kujaribu kuli-exploit,kwani tumejenga dhana moja Tanzania kuwa kama hakuna posho,basi hakuna mtu atajituma kufanya chochote.angalia mara nyingi zinapoandaliwa warsha mbalimbali za manufaa na mashirika yasiyo ya kiserikali,kama hawatoi posho kwa washiriki basi hakuna atakaeudhuri,lakini kukiwa na posho basi kila mtu atakwenda...
Tuamke na tujaribu ku-exploit hii opportunity ya mtandao kwa manufaa ya nchi yetu.Hongera kwa wadau wote ambao wameanzisha blog mbalimbali ingawa nyingi zinafanana katika contents na nyingi zinachukua contests za nyingine,lakini wamefungua ukurasa mpya wa uapatikanaji habari na matukio ya Tanzania kupitia mtandaoni,kitu ambacho kimeleta ushindani na challenge kwa main stream media za Tanzania kuji-engage katika suala zima la kujitangaza mtandaoni,kwani tunakumbuka kuwa miaka kama miwili hivi ya nyuma ilikuwa ukifungua kurasa zao mtandaoni unapata habari ambazo zina kama mwezi na zidi,inakuwa kama miaka ile sie tuliokulia mikoani,tulikuwa tunapata magazeti toka Dar mara moja au mbili kwa mwezi...
MUNGU IBARIKI TANZANIA

Reply



Leave a Reply