BOFYA HAPA kutengeneza tovuti yako BURE. Create a website for FREE. CLICK HERE! Free hosting and no ads.

 
Shule ya Bloomington High huko nchini Marekani imeongeza rasmi lugha ya Kiswahili katika lugha  kuu tano za kigeni. Suala hili limenifanya nijiulize sababu hasa ya kufanya hivi na hatimaye nimejiaminisha kuwa, lengo la kufanya hivi huenda ni kutaka vijana na watu wa Taifa la Marekani kuelewa lugha mbalimbali za dunia kadiri wanavyoweza ili waweze kuwasiliana na watu wa mataifa mbalimbali kwa urahisi zaidi. Pengine laweza kuwepo lengo lililojificha la kuwataka raia wake wajifunze lugha mbalimbali, lakini ukweli haupingiki ya kuwa haiwezekani kumzuia mtu kujifunza lugha nyingine ikiwa amekusudia, nasi cha msingi  tunachoweza kukifanya ni kujifunza lugha zao ili kuweza kuwasiliana na watu wengi zaidi katika shughuli mbalimbali.

Faida za kujifunza lugha za kigeni ni nyingi. Baadhi ya faida hizo ni pamoja na:
  • Lugha inashikilia nafasi ya kwanza kati ya mojawapo ya vyanzo vya hali ya juu kabisa vya mawasiliano.
  • Kujifunza lugha ngeni ni kujua jinsi ya kuwasiliana na watu wa jamii husika ili kukidhi mahitaji kadhaa.
  • Lugha husaidia watu kupata ajira katika maeneo kadha wa kadha kama ualimu, ukalimani, biashara nk.
  • Kuijua lugha ngeni husaidia kung'amua siri za wazungumzaji, aghalabu, siri hizi zaweza kuwa mbaya. Hivyo, mtu anapoifahamu lugha ya watu wengine inakuwa vigumu kumsema kwa siri. Umuhimu huu wa kuijua siri ya mwenzio ndiyo unaohitajika katika ulimwengu huu uliogubikwa na matukio ya uhalifu na ugaidi wa kimataifa hivyo ikiwa kuna watu wana lengo baya na nchi fulani, basi inakuwa rahisi sana kuweza kunyaka maongezi na kufahamu mipango ya kihalifu na hivyo kukabiliana nayo.
Kifuatacho ni kipande cha utambulisho wa mafunzo ya lugha ya Kiswahili katika jimbo la Indiana, Marekani.
Swahili language and culture for Indiana high schools

June 7 – July 2, 2010
The main goal of the STARTALK Swahili student program is to introduce Swahili to Bloomington High schools, initially, as a nonresidential program. In the future we would like to offer it as a residential program and make it available to all Indiana high schools. The program will integrate the 5Cs of the National Foreign language Standards with a focus on the C of Communication and the C of Cultures. This will be a four week program with each week focusing on a particular cultural theme such as greetings, extended family, traditional clothes, food, and story telling. The first week will focus on greetings, introductions and talking about family members. The second week, students will learn about different kinds of food, ingredients required, and how to shop and bargain for them at the market. Week three will introduce students to the art of story telling using children’s stories and folktales. The last week of the four week program will concentrate on clothing with a focus on different uses of the traditional cloth, the kanga, and its sayings for indirect communication. This intensive program will be the equivalent of one semester of Swahili and students will get foreign language credits.

812-855-3323 • aomar@indiana.edu • www.indiana.edu/~afrilang
 


Comments

Syanaloli
08/04/2010 9:56pm

Je ungewashauri nini watanzania wanaoibeza lugha yao hiyo inayoshika kasi katika nchi nyingi za Kiafrika na ulaya na sasahapa marekani.Wewe umeona hapo Indiana.Minnesota University pana kitivo cha Lugha ya kiswahili(Credit kabisa) na hata vyuo vikuu vingine hapa Marekani vinafundisha Kiswahili.Mimimwenyewe miaka ya 2001-2002 nilifundisha Kiswahili katika baadhi ya high school kule Ujerumani Munich.Hapa marekani community ya Waamerica weusi wamechagua lugha ya Kiswahili kuwa lugha ya ya pili baada ya Kiingereza na wapo wanajifunza kwa bidii sana.

Wabongo walio hapa Marekani wanabeza Kiswahili na kuwaongelesha watoto wao Kiingereza. Hawajui kuwa Kiingereza wanakipata shuleni na kwenye social gethering amabko watajifunza .Na nyumbani wawapo na wazazi inabidi wazazi wakazane kuwafunza na kuwaongelesha kiswahili ili wasije kuwa wageni wa lugha ambayo wazazi wao wamezaliwa na kukuzwa nayo. Asante kwa hoja yako nzuri Subi.

Reply
Albert Paul link
09/04/2010 8:30am

Hii ni changamoto kwetu sisi ambao Kiswahili ni lugha yetu mama.Sisi tulilazimishwa kujifunza kiingereza na kwa kuhofia sayansi na technologia pamoja na ajira za ndani na nje ya nchi tukakipa kiingereza msisitizo mkubwa na kukibeza kiswahili.

Uamuzi wa chuo hiki na vyuo vingine ni ishara kuwa kiswahili sasa kinatambulika duniani na kuthaminiwa. Na sasa ni dhahiri kuwa kiswahili kitatumika kwenye sehemu ambazo mwanzo sisi watumiaji wa kiswahili tuliona kama ni ndoto. Kwenye programs mbalimbali za kompyuta,simu n.k naamini kiswahili hakitakuwa tena kigeni.

Ukweli ni kuwa ni asilimia ndogo sana ya wale waongeao Kiwahili tumekuwa mstari wa mbele ktk kuitangaza na kuikuza lugha yetu kwenye jukwaa la kimataifa. Ajabu sana,ndio kama hivi watu kwa nia zao na mipango yao,wanaona umuhimu na kuanza kujifunza kiswahili.

Binafsi nafurahi kwa kuamini kuwa malengo yao ya kujifunza Kiswahili ni mazuri na yenye kila wema. Watanzania ni wakati wetu nasi tuchangamke kwani naamini ajira zitakuwepo za kutosha za kufundisha kiswahili kwenye vyuo hivi.
Wenye uwezo hima hima, hala hala.

Reply
Alwiya S. Omar link
04/06/2010 8:12am

Natumai nyote hamjambo. Nikefuarahi kusoma maoni yenu. Program hii itawawezesha wanafunzi wa shule za sekondari za Bloomington, Indiana kujifunza lugha yetu na kuelewa tamaduni za watu wa Afrika ya Mashariki. Mimi ni mkurugenzi wa programu hii. Nitafundisha pia pamoja na walimu wengine wawili - Abdulwahid Mazrui na Meg Arenberg.

Reply
Subi|Admin link
04/06/2010 8:22am

aaah, mwalimu Alwiya, salam sana na shukrani kwa kuthibitisha kuhusu hili, hasa kwa kuwa wewe ni mdau katika shule hiyo.
Nimefurahi sana kwa wewe kuacha maoni yako na ikiwa itatokea tukapenda kupata ufafanuzi zaidi au mtu wa kuwasiliana naye hapo moja kwa moja (focal point) kwa lolote lile, basi hatutasita kwa kweli kukutumia ujumbe.
Kiswahili hoyeee!

Reply



Leave a Reply