@Mzee,
Hilo la kuchanganya lugha au kutumia lugha ya watu kwa lafudhi yetu ni kweli ni tatizo la jamii, na mtu anapojitahidi kukaribia lafudhi ya lugha husika, huambiwa, 'unajidai' kumbe wanasahau kuwa inabidi 'kujidai' ili ueleweke na kwamba japo 'unajidai' hufanyi kwa kusudi la 'kuringa' kwani siku zote ni kweli kuwa, cha kuiga si sawa na orijino vile vile nguo ya kuazima haisitiri matako. Mbona wageni wakitoka kwao wakaja kwetu hujitahidi 'kujidai' kuongea katika lafudhi yetu? Hivyo basi, tusichoke kujifunza. Tafauti zetu za matamshi si hoja ikiwa tutajidahidi kuyatamka maneno hayo vyema na kwa kujaribu lafudhi ili kuweza kuwakilisha ujumbe wetu bila kudhaniwa 'ndivyo sivyo'.

Mtu unazungumza na ukimaliza wanajiuliza, alikuwa akisema lugha gani? Anajibiwa, lugha yako.

Basi, ndiyo tena Kiingereza cha Marekani, cha Uingereza, cha Australia, cha New Zealand, cha India, cha Afrika Kusini, cha Afrika nk nk. yooote hayo ni matokeo ya lafudhi tafauti lakini walao yanaeleweka. Nilishangaa baba mmoja Mwingereza alisema alipohamia Marekani ilibidi kujumuika katika darasa la 'phonetic' ili aweze kutamka na kusema maneno kama Wamarekani wa Mashariki (kumbe ipo tafauti pia kati ya Kiingereza cha Marekani wa Mashariki na Magharibi, Kusini na Kaskazini na wanataniana kama sisi tunavyotaniana kati ya Kiswahili cha Kisukuma, Kichagga, Kisambaa, Kihaya, Kimakonde nk.)