Da'Subi - Kiswahili chako nawe. Ni mara yangu ya kwanza kulisikia neno shega. Safi sana!

Inaonekana watu wana mwamko safari hii. Ingetia matumaini kama vyama hivi vya upinzani vingekuwa vimeanza maandalizi mapema kwa kujitandaza na kujiimarisha hasa wilayani na vijijini ambako ndiko hasa waliko wapiga kura wengi. Hii tabia ya kukurupuka dakika za mwisho na kuanza kuhangaika na helikopita huko na huko haisaidii cho chote bila kujiandaa vizuri na kujitandaza.

Prof: wakati fulani nilipokuwa naandikia magazeti ya BTL, tuliwahi kupambana na mhariri wangu pale nilipomuuliza kwanini gazeti la Majira, lilikuwa linaandika habari ambazo zilikuwa zinatakiwa kutoka katika gazeti (lililokufa) la Maisha.

Hoja yangu wakati huo ilikuwa kwamba, kwanini gazeti la Majira ambalo ni gazeti serious, liandike habari za mitaani maarufu kama za Udaku, ambazo zilikuwa na nafasi katika gazeti la Maisha.

Mhariri wangu wakati huo, Bw. Joseph Kulangwa, aliniuliza "Nani aliyekwambia kuwa wasomaji wetu wote wa Majira ni serious, wasiopenda huo mnaouita udaku?"

Nimekikumbuka kisa hiki baada ya kukutana na msamiati shega hapa kwa Subi, na namna alivyojibu kwa kusema karibu katika kiswahili cha mitaani.