[video] Rais Kikwete 'alivyomfunda' Diamond huko Ikulu

Gavana ashinikizwa kujiuzulu kutokana na historia ya mchumba wake

The back story is that four-term Gov. John Kitzhaber has increasingly found himself in a politically precarious position over an influence peddling scandal involving the state's first lady Cylvia Hayes.

  • This all started last fall, when Hayes admitted that in her younger years she "received about $5,000 to marry an Ethiopian man who wanted a green card."
  • A few days after that, reports surfaced that Hayes had agreed to buy a $245,000-piece of property that she and another man planned to use to run an illegal marijuana growing operation.
  • Then in February, The Oregonian ran a story that said that two long-time associates of Kitzhaber "helped create jobs for first lady Hayes with groups hoping to influence Oregon's state energy policy."

Mshindi wa tweet ya milioni 10/= za Mengi atajwa

Mshindi wa shilingi milioni 10/= katika shindano la wazo bora la biashara linaloendeshwa na Mwenyekiti wa Makampuni ya IPP Media, Reginald Mengi kupitia kwenye mtandao wa kijamii wa twitter ametangazwa na wengine kumi wamejinyakulia kitita cha Sh milioni moja.

Fredrick Shayo, mhitimu wa chuo kikuu na mjasiriamali anayejishughulisha na ufugaji wa kuku wa kienyeji ndiye aliyetangazwa kuwa mshindi kati ya washiriki 1,680 waliotuma maombi yao na kuingia katika kinyang'anyiro hicho cha kuwania Sh milioni 10 kama mtaji wa kuendeleza wazo bora la biashara.

Akizungumza katika hafla fupi ya kumtangaza mshindi wa shindano hilo, Dk Mengi aliwaasa vijana kutochagua kazi kwani kila kazi ina malipo.

“Vijana wengi ambao hawana kazi wanachagua kazi. Kila mtu anatakiwa afanye kazi ilimradi inampatia mshahara na baada ya hapo utakuwa na mtaji wa kujiendeleza katika shughuli nyingine na hata kufungua kampuni,” 
alisema Mengi.

Alisema wapo Watanzania wanaowakatisha tamaa wengine kwa kusema Watanzania hawawezi kuwa mamilionea. Kitu ambacho si kweli kwani kuwa na mali nyingi kunatokana na juhudi ya kazi na pia ni baraka kutoka kwa Mungu.

“Mimi nawashangaa sana baadhi ya watu wanaosema hakuna mtu anaweza kuwa milionea hapa Tanzania. Kwa maana hiyo wanasubiri mamilionea kutoka nje ya nchi ili waweze kuwapigia magoti. Hii ni kuwakatisha tamaa vijana wenye ari ya kujituma na kutaka kuwa matajiri,” 
alisema.

Kwa upande wa mshindi wa shindano hilo Shayo alisema amefurahi sana kushinda kiasi hicho cha pesa kwani kitamsaidia kuongeza uzalishaji wa kuku wa kienyeji na kuuza katika maeneo mengi na kuwasaidia wengine kuongeza ufugaji wa kuku.

Washindi wengine walioingia kumi bora walizawadiwa kila mmoja Sh milioni moja kama pongezi ya kuwa wabunifu na kuwatia moyo wasikate tamaa na shughuli zao za ujasiriamali wanazozifanya.

  • HabariLeo

Sehemu ya II: Mazungumzo na Balozi Mstaafu, Nyang'anyi


Karibu sana na asante kwa kujiunga nasi katika kipindi hiki cha HUYU NA YULE

Tumepata fursa ya kuongea na Mhe. Balozi Mustafa Nyang'anyi

Tumefanya mazungumzo naye ya sehemu nne, kueleza safari yake kimaisha

Tunaendelea na sehemu ya pili ya mazungumzo yetu, ambapo Mhe Balozi Nyang'anyi anaanza kuelezea namna

  1. Alivyoingia kwenye siasa (ubunge mwaka 1970)
  2. Alivyopata taarifa za kwanza za uteuzi wake serikalini. Hapa napo pana mvuto wake kusikiliza. 
  3. Nafasi alizoshika kama naibu waziri na waziri kamili
  4. Nafasi ya ukuu wa mkoa
  5. Na hata harakati zake na pia alivyopata nafasi ya kuja kusoma Chuo Kikuu Havard

KARIBU

Kama ulikosa sehemu ya kwanza ya mazungumzo yetu, bonyeza READ MORE

Japan yashukuriwa kwa kuchangia miradi Tanzania

Balozi wa Japan nchini, Mh. Masaki Okada (kulia) na Mkurugenzi Mtendaji wa Hospitali ya Taifa Muhimbili Dkt. Hussein Kidanto wakitiliana saini mkataba wa fedha za ruzuku shilingi milioni 70/ zilizotolewa na serikali ya Japan kwa ajili ya kununua magari mawili ya wagonjwa (ambulance). Tukio hilo lilishuhudiwa na viongozi wa Hospitali ya Taifa Muhimbili pamoja na Mkurugenzi wa Hospitali hiyo aliyemaliza muda wake Dkt. Marina Njelekela.
(picha: Zainul Mzige/modewjiblog).

Waziri wa Ujenzi Dk. John Magufuli ameishukuru Japan kupitia Balozi wake alioko nchini kwa kusaidia miradi inayochangia maendeleo ya moja kwa moja hususani afya, elimu na maji.

Dk. Magufuli alisema hayo jana katika makazi ya Balozi wa Japan Nchini, Masaki Okada yaliyopo Masaki Jijini Dar es Salaam wakati wa kutiliana na saini za mkataba wa fedha za ruzuku zitakazoenda kusaidia maendeleo kwa jamii ikiwemo Jimbo la Chato na Hospitali ya Taifa ya Muhimbili.

Katika hafla hiyo, Dk. Magufuli aliambatana na viongozi mbalimbali akiwemo Mkuu wa Wilaya na Mkurugenzi wa Wilaya ya Chato, pamoja na Wakurugenzi wa Hospitali ya Taifa ya Muhimbili akiwemo Mkurugenzi wa zamani wa hospitali hiyo Dk. Marina Njelekela pamoja na wa sasa Dk. Hussein Kidanto.

Dk. Magufuli alishuhudia utiaji wa saini wa mikataba hiyo ambapo Balozi Okada alitoa kiasi cha sh milioni 70, kwa ajili ya ununuzi wa magari ya kisasa ya kubebea wagonjwa (Ambulance) kwa Hospitali ya Taifa ya Muhimbili ambayo mpaka sasa inadaiwa wana Ambulance moja pekee.

Mbali na kiasi hicho cha fedha, Pia Dk. Magufuli alishuhudia utiaji wa saini huo ambapo Balozi huyo alitoa sh milioni 165, kwa ajili ya kujenga kiwanda cha kukamulia mafuta ya Alizeti yenye viwango vya Kimataifa.

Dk. Magufuli alishukuru kwa niaba ya Serikali na pia akiwa kama Mbunge wa Chato, alisema Japan imekuwa mstari wa mbele katika kusaidia juhudi za maendeleo kwa wananchi mbalimbali wa mijini na vijijini.

Hata hiyvo Dk. Magufuli alishtushwa na hali ya Hospitali hiyo ya Taifa kuwa na Ambulance moja pekee wakati wao Halmashahuri ya Chato hadi sasa wameweza kuwa na Ambulance tatu.

“Nimeshtushwa sana na hili la kusikia kuwa mna Ambulance moja pekee. Yaani hata Chato pale tuna Ambulance tatu. Naomba Mkurugenzi mpya, uendelee kuomba kwa mabalozi wengine ili tuweze kupata Ambulance nyingi zaidi pia wanahabari mtusaidie kwa hili.” Alisema Dk. Magufuli.

Kwa upande wake, Mkurugenzi wa Chato, alipogeza Japan, kwa msaada wao kwani utaenda kusaidia Halmashauri ya Chato kama ulivyokusudiwa.

“Wakazi wa Chato ni wakulima, wafugaji na wavuvi, hivyo kwa msaada huu pia utakuwa chachu ya maendeleo hasa kwa kilimo cha Alizeti.” Alisema Mkurugenzi huyo.




Balozi wa Japan nchini, Mh. Masaki Okada (kulia) na Mkurugenzi wa Halmashauri ya wilaya ya Chato mkoani Geita, Ndugu Clement Berege wakitiliana saini mkataba wa fedha za ruzuku shilingi milioni 165 kwa ajili ya kujengea kiwanda cha kukamulia mafuta ya Alizeti wilayani Chato mkoani Geita.



Balozi Okada na Mkurugenzi Dkt. Kidanto wakibadilishana hati za mikataba hiyo.



Mbunge wa Chato ambaye pia ni Waziri wa Ujenzi, Dk. John Magufuli akitoa shukrani kwa serikali ya Japan inayowakilishwa na Balozi Masaki Okada baada ya kushuhudia utiaji saini wa mikataba ya fedha za ruzuku shilingi milioni 235 sawa na dola za Kimarekani 136,015 zilizotolewa na serikali ya Japan.

Japan imekuwa ikisaidia mara kwa mara wilaya ya Chato, ambapo mwaka 2013, Japan walitembelea huko na kujionea shida mbalimbali kwa wakulima wa Alizeti hivyo wameona kusaidia msaada huo.

Mbali na kusaidia mashine hiyo ya Alizeti Japan pia imekuwa ikisaidia maendeleo mbalimbali ikiwemo shule za msingi, Sekondari na huduma za afya kwa Hospitali iikwemo wodi ya akina mama.



Mkuu wa wilaya ya Chato, Bw. Rodrick Mpogolo akizungumza kwenye hafla hiyo ambapo pia alimshukuru Balozi Mh. Masaki Okada kwa kutengeneza ajira wilayani kwake kupitia msaada huo.



Pichani juu na chini ni baadhi ya wageni waalikwa na waandishi wa habari waliohudhuria hafla hiyo fupi iliyofanyika nyumbani kwa Balozi Mh. Masaki Okada jana jijini Dar.





Mbunge wa Chato ambaye pia ni Waziri wa Ujenzi, Dk. John Magufuli akiteta jambo na Balozi wa Japan nchini, Mh. Masaki Okada mara baada ya hafla fupi ya utiaji saini wa mikataba ya fedha za ruzuku kwa ajili ya kuendeleza miradi inayochangia maendeleo ya moja kwa moja nchini.



Waziri wa Japan nchini, Mh. Masaki Okada akiwa kwenye picha ya pamoja na uongozi wa Hospitali ya Taifa ya Muhimbili mara baada ya kuhitimisha zoezi la utiaji saini wa mkataba wa fedha za ruzuku kwa ajili ya kununua magari mawili ya wagonjwa (ambulance) zilizotolewa na serikali ya Japan.



Balozi wa Japan nchini, Mh. Masaki Okada katika picha ya pamoja na Mbunge wa Chato ambaye pia ni Waziri wa Ujenzi, Dk. John Magufuli pamoja na viongozi wa halmashauri ya Chato.

  • Taarifa tumeshirikishwa na MoBlog Team

Polisi yasema itatumia nguvu kuzuia maandamano ya JUVI-CUF


 Jeshi la Polisi Kanda Maalum ya Dar es Salaam limezuia maandamano ya Jumuiya ya Umoja wa Vijana wa Chama cha Wananchi (JUVICUF) na kusema watakaoandamana
kesho nguvu ya dola itatumika

Akizungumza na waandishi wa habari leo, Kamanda wa Polisi wa Kanda Maalum ya Dar es Salaam, Kamishna wa Jeshi la Polisi (CP), Suleiman Kova amesema wamewashauri vijana hao na waliosema wataandamana hivyo ni lazima nguvu itumike kuzima maandamano hayo kutokana na kuzuia kufanyika kwa shughuli nyingine.

Kova amesema kusudi la maandamano hayo ni ukiukaji wa haki za binadamu kwa jeshi la polisi pamoja na Tume ya Uchaguzi kuongeza siku za kuandikisha kutoka siku saba hadi 14, ambapo waliwashauri kwenda kwa viongozi hao, lakini wameshindwa kufanya hivyo. Wametakiwa wakate rufaa kwa Waziri wa Mambo ya Ndani ili wafanye maandamano, lakin nalo wamekataa.

“Mambo haya yote yakutaka kufanya maandamano yanazungumzika lakini wanataka kufanya hivyo ni lazima nguvu itumike kuzima kuacha kila mtu anafanya kitu anachotaka ni kufanya nchi isitawalike na sisi tunafanya nchi itawalike kwa watu kufuata taratibu”
amesema Kamishina Kova.

Amesema kuwa Jeshi la Polisi wa Kanda Maalum ya Dar es Salaam kwa kesho wamejipanga katika kuhakikisha maandamano ya vijana hao hayafanyiki na kwa watakaothubutu, nguvu ya polisi itakuwa juu.

Maamuzi ya Kikao cha Kamati Kuu ya ACT



Katika kujiandaa vema na uchaguzi mkuu wa Raisi,Wabunge,Wawakilishi na Madiwani utakaofanyika 2015, kamati kuu ya ACT TANZANIA, Imekutana tarehe 8/2/2015 makao makuu ya chama jijini Dar-Es-Salaam.

Kamati kuu imekutana chini ya Mwenyekiti wa muda Shaabani Mambo imejadili kwa kina na kufikia maamuzi muhimu yafuatayo;

  • Moja maandalizi ya chama kuhusu shughuli za kueneza chama na matayarisho yote muhimu ya uchaguzi mkuu na kukubaliana kuendelea vema kwa maandalizi hayo.
  • Pili maendeleo ya uchaguzi wa ndani wa chama Kamati Kuu imeridhia na kujiridhisha na kazi za viongozi wa Mikoa na Majimbo ambapo mpaka sasa Majimbo 96 na Mikoa 19 wametimiza vigezo na kanuni za chama kuweza kufanya chaguzi katika ngazi zao.
  • Tatu kamati kuu imejadili na kutoa msimamo juu hali ya kisiasa nchini na imelaani matendo ya mauaji yanayoendelea ya askari polisi na raia wanaouwawa mfano Mwenyekiti wa Kitongoji wa ACT huko Mpanda.
  • Nne kamati kuu imelaani matukio ya matumizi ya nguvu yanayofanywa na jeshi la polisi dhidi ya viongozi wa kisiasa hapa nchini.

Mwisho kamati kuu imewataka wanachama na viongozi wa ngazi zote kushiliki vema katika uchaguzi wa chama unaoendelea kwa bidii na weledi mkubwa.

Pamoja na salam za kizalendo za ACT-TANZANIA TAIFA KWANZA: Mohammed massaga.

Naibu Katibu Mkuu Bara.
Tarehe 10/2/2015.

Safari Lager yaileta Safari Wezeshwa 2015

Kufahamu zaidi ingia: www.wezeshwa.co.tz