Polisi yamfukuza askari wake aliyemtorosha mtuhumiwa

JESHI la Polisi, Mkoa wa Simiyu, limemfukuza kazi askari polisi mmoja kwa tuhuma za kumtorosha mtuhumiwa wa mauaji.

Pia, askari wengine saba mkoani hapa wanaendelea kushikiliwa na jeshi hilo kwa tuhuma za kuwatorosha watuhumiwa watatu wa mauaji na ujangili waliotoboa ukuta wa chumba cha mahabusu hivi karibuni na kutoroka wilayani Meatu.

Taarifa hiyo ilitolewa mjini hapa jana na Kamanda wa Polisi, Mkoa wa Simiyu, Onesmo Lyanga, alipokuwa akizungumza na waandishi wa habari.

Kamanda Lyanga alimtaja askari polisi aliyefukuzwa kazi kuwa ni mwenye namba za usajili, F3817, PC Benjamin aliyekuwa akifaya kazi katika Kituo cha Polisi Luguru, Wilaya ya Itilima.

Kwa mujibu wa Kamanda Lyanga, mtuhumiwa aliyetoroshwa na polisi huyo alifahamika kwa jina la Kwandu Maduhu.
“Februari 27 mwaka huu, katika Kituo cha Polisi Lugulu, askari mwenye namba F 3817 PC Benjamin, alimtorosha mtuhumiwa wa kesi ya mauaji, Kwandu Maduhu (70), mkazi wa Kijiji cha Gambasingu, wilayani Itilima. Kwa hiyo, huyo askari amefukuzwa kazi kwa sababu amelitia aibu Jeshi la Polisi na atafikishwa mahakamani wakati wowote. Katika lile tukio la kutoroka kwa watuhumiwa wa ujangili wilayani Meatu, tunaendelea kuwashikilia askari saba wanaodaiwa kuhusika katika tukio hilo. Kwa kifupi ni kwamba, watuhumiwa hao waliotoroka siyo waliohusika kutungua helkopta na kusababisha kifo cha rubani Rogers Gower, raia wa Uingereza kama baadhi ya vyombo vya habari vilivyoripoti. Kuhusu askari wanaoshikiliwa baada ya watuhumiwa hao kutoroka, Kamanda Lyanga aliwataja kuwa ni mwenye namba D 5582 Koplo Peter, mwenye namba F9840, anayeitwa Husein, mwenye namba G4806 PC John na mwenye namba G8602 PC Yassin. Wengine ni mwenye namba WP 11257 PC Khadija, mwenye namba G8371 PC Adam na askari mwingine mwenye namba za usajili H8410 PC Kher,” 
alisema Kamanda Lyanga.

Watuhumiwa hao wa ujangili, walitoroka Januari 19 mwaka huu, majira ya usiku wakiwa katika Kituo cha Polisi cha Wilaya ya Meatu mkoani hapa.

Waliotoroka ni Chiluli Sitta (28), mkazi wa Kijiji cha Mwasungula aliyekuwa akikabiliwa na kesi ya mauaji. Wengine ni Paschal Masanja (18) na baba yake, Masanja Ndegule (45), wote wakazi wa Kijiji cha Sapa ambao walikuwa wakituhumiwa na umiliki wa meno ya tembo kinyume cha sheria.

Katibu Mkuu wa CHADEMA ni Dk Vincent Mashinji





Vincent B. Mashinji, MD, (Clinical Advisor & TB/HIV lead, UMSOM-IHV)
Vincent B. Mashinji, MD, (Clinical Advisor & TB/HIV lead, UMSOM-IHV)
Vincent Mashinji, daktari wa binadamu (MD) ameteuliwa kuwa Katibu Mkuu mpya wa Chama cha Demokrasia na Maendeleo (CHADEMA) na kisha kupitishwa na Baraza Kuu la CHADEMA, katika kikao chake kilichokaa jijini Mwanza.

Dk Mashinji anachukua mikoba iliyoachwa na Dk Wilbrod Slaa aliyejiengua katika chama hicho mwaka jana, miezi michache tu kabla ya kufanyika kwa Uchaguzi Mkuu wa Tanzania 2015, baada ya chama hicho kumpitisha Edward Lowassa aliyetokea CCM kuwa mgombea kiti cha Urais wa Tanzania kupitia vyama vinavyounda UKAWA (Umoja wa Katiba ya Wananchi).

Katika Kikao cha Baraza Kuu kilichofanyika usku wa Jumamosi, Machi 12, 2015 Mwenyekiti wa chama, Freeman Mbowe alilitangaza jina la Dk. Mashinji ambalo liliungwa mkono na wajumbe wa baraza.

Jina la Dk. Mashinji halikuwa miongoni mwa wanachama wa CHADEMA ambao walikuwa wanatarajiwa kumrithi Dk. Slaa kwani waliokuwa wanatabiriwa kukalia kiti hicho walitajwa kuwa ni Salum Ally Mwalimu, Frederick Sumaye, Benson Kigaila, John Mnyika, Dk. Marcus Albanie na Prof. Mwesiga Baregu.

Akizungumzia uteuzi wake, Dk Mashinji alisema Mbowe alimwalika katika chakula cha mchana (bila kutaja siku) na kumdokeza juu ya kumpa nafasi hiyo. “...sikuamini lakini Mbowe akaendelea kunisisitizia.” Aliesema Mashinji.

Dk. Mashinji anakuwa katibu mkuu wa nne wa CHADEMA tangu chama hicho kianzishwe baada ya Bob Makani, Dk. Walid Aman Kabourou na Dk Slaa.

Mara baada ya kuchaguliwa, Dk Mashinji aliwataka wanachama wa CHADEMA kushirikiana katika kujenga mfumo badala ya kuliacha jukumu hilo kwa watu wachache tu.

Dk Mashinji ambaye alishiriki katika kuandaa Ilani ya Uchaguzi ya CHADEMA na UKAWA kwa ujumla katika Uchaguzi Mkuu uliopita, aliahidi kujifunza na kusema kuwa atashaurika.

‘Kipaumbele chetu ni katiba ya wananchi. Ni kitu cha kwanza tutakachokisimamia. Tunachohitaji kwa sasa ni kufumua mfumo wa kiutawala kwa kuwa kumekuwa na mwingiliano wa kimajukumu. Kingine ni kwenda kuuwezesha umma uweze kutambua haki zao na uwe tayari kutetea haki zao," alisema Dk Mashinji,

Wasifu wa Mhe. Dk Mashinji...


Gavana Ndullu: Tatizo watu wanaongea vitu ambavyo hawavijui!

SIKU moja baada ya Rais John Magufuli kueleza kutoridhishwa na mwenendo wa ajira za watumishi wa Benki Kuu ya Tanzania (BoT) na ulipaji wa malimbikizo ya madeni ya Serikali, Gavana Benno Ndulu ametoa kauli inayojibu hoja zilizoibuliwa na Rais.

Akizungumza na "MTANZANIA Jumamosi" jana kupitia simu ya kiganjani kuhusu utekelezaji wa hoja na maagizo ya Rais, Gavana Ndulu alisema lipo tatizo la watu kuongea mambo ambayo hawayajui na kwamba hoja na maagizo ya Rais Magufuli anayafanyia kazi.

Juzi Rais Magufuli alifanya ziara ya kushtukiza BoT ambapo pamoja na mambo mengine alimwagiza Gavana Ndulu kusitisha malipo ya malimbikizo ya madeni ya Serikali yanayofikia Sh bilioni 925 hadi hapo utakapofanyika uhakiki.

Sambamba na agizo hilo, pia alimtaka Gavana Ndulu kupitia upya orodha ya wafanyakazi wa BoT na kuwaondoa wale wote ambao hawana ulazima wa kuwepo katika ajira.

Akizungumzia agizo la kuhakikiwa upya kwa malipo ya malimbikizo ya madeni ya Serikali, Gavana Ndulu alisema malipo yaliyotajwa na Rais Magufuli kama malimbikizo siyo hundi bali ni mapendekezo ya wizara na idara mbalimbali za Serikali yanayopitishwa katika bajeti kwa ajili ya matumizi.

“Hakuna fedha zilizorudi Hazina, tatizo watu wanaongea vitu ambavyo hawavijui, hivi ‘exchequer’ mnajua maana yake ni nini? Mnaandika cheque (hundi).

“Zile ni ‘exchequer’ haya ni mapendekezo ambayo wizara na taasisi mbalimbali wanapewa mamlaka ya kutumia. Hutolewa baada ya bajeti na zinapotolewa ile ni ruhusa ya kutumia na si kulipa, unalipa kama zipo fedha, sisi hatuna na kama hamna fedha huwezi kulipa,” alisema Gavana Ndulu.

Alifafanua kuwa taasisi hiyo ambayo ni mhimili mkuu wa uchumi wa taifa, hutoa malipo ya mapendekezo endapo wizara zinazoomba malipo hayo zina fedha katika akaunti zao na si vinginevyo.

“Wao wakipata ruhusa Hazina sisi kama benki lazima tuangalie kama wana fedha za kutumia katika akaunti zao, kama hawana tunaacha. Hata wewe huwezi kwenda benki kutoa fedha wakati akaunti yako haina kitu, hatuwezi kulipa fedha ambazo hatuna,” alisema Gavana Ndulu.

Alisisitiza kuwa hata agizo la Rais Magufuli la kufanya uhakiki wa madeni hayo likitekelezwa na Hazina, bado BoT haiwezi kuidhinisha malipo iwapo mlipwaji hatakuwa na fedha.

Alipoulizwa kuhusu utekelezaji wa agizo la Rais la kupitia upya orodha ya watumishi wa BoT na kuwaondoa wasio na ulazima, alisema hana taarifa za kuwapo kwa watumishi wa aina hiyo.

“Hilo jambo ni la kuniuliza mimi au yeye? (Rais Magufuli), nilisema nitalifanyia kazi na kuhakiki hicho kilichosemwa, yeye amepata taarifa, tutalifanyia kazi ‘unless’ (labda) kama mna ‘information’ (taarifa) mnaweza kutupa. Unaweza kuja hata Jumatatu na ‘document’ (nyaraka) tuzifanyie kazi lakini mimi lazima nilifanyie kazi kwanza maana sina hizo taarifa,” alisema Gavana Ndulu.

Alisema BoT kama taasisi kazi watakayoifanya ni kuhakiki watumishi baada ya hapo ikibainika kuwepo tatizo la aina yoyote watatoa taarifa.

Taarifa zaidi kutoka ndani ya BoT zimeeleza kuwa wakati Rais Magufuli akiagiza kuondolewa kwa wafanyakazi wasiokuwa na ulazima, taasisi hiyo inakabiliwa na upungufu wa watumishi wa kitengo cha utafiti.

BoT ina wafanyakazi 1,391 katika matawi yake sita yaliyopo nchi nzima kwenye mikoa ya Arusha, Mtwara, Dodoma, Mbeya, Mwanza na Zanzibar.

Wakati huo huo, taarifa zilizolifikia MTANZANIA Jumamosi kutoka ndani ya BoT zilieleza kuwa ipo vita ya chini kwa chini inayopiganwa na baadhi ya watumishi waandamizi wa taasisi wanaowania kurithi nafasi ya Gavana Ndulu ambaye anatarajiwa kustaafu kwa mujibu wa sheria wakati wowote kuanzia sasa.

Gavana Ndulu ambaye ana umri wa miaka 66 sasa aliteuliwa kushika wadhifa huo Januari 8, 2008 akichukua nafasi ya marehemu, Daudi Ballali.

Viongozi wakubwa walitetea wauza madawa? Shikuba, Chonji na Mama Leila nilikuwa nasumbuka nao - Nzowa

SIKU moja baada ya vyombo vya habari kuripoti hatua ya Marekani kutaifisha mali za mfanyabiashara wa dawa za kulevya, Ali Khatib Haji Hassan, maarufu kama ‘Shikuba’ pamoja na mtandao wake wa kimataifa, aliyekuwa Kamishina wa Kitengo cha Kudhibiti na Kupambana na Dawa za Kulevya, Godfrey Nzowa, amesema alitikiswa na bilionea huyo.

Nzowa alitoa kauli hiyo baada ya kutafutwa na gazeti la MTANZANIA ili kupata maoni yake, hasa ikizingatiwa kwamba ndiye aliyeongoza kikosi kilichomkamata Shikuba akiwa Uwanja wa Ndege wa Kimataifa wa Julius Nyerere (JNIA), baada ya kusakwa kwa miaka miwili hapa nchini akituhumiwa kusafirisha dawa aina ya heroin kiasi cha kilogramu 212.

Kamishna huyo mstaafu, Nzowa, alisema kwa muda wa miaka 16 aliyofanya kazi katika kitengo hicho alisumbuliwa na watu watatu ambao aliwaita vinara wa dawa za kulevya.

Aliwataja vinara hao kuwa ni pamoja na Shikuba, Mwamalela na Chonji.

“Kwa muda wa miaka 16 ya kitengo changu huyu Shikuba, Chonji (Muharami Abdallah) na Mama Leila (Mwanaidi Mfundo) ambaye naye Marekani walitangaza kama hivi, ni wakubwa. Na kila mara nilikuwa nasumbuka nao,” anasema Nzowa.

Katika moja ya taarifa ambazo ziliwahi kutolewa na gazeti moja la wiki, zilisema Mwanaidi anafahamika nchini Kenya na Marekani kwa jina la Naima Mohamed Nyakinywa au Naima Nyakinywa.

Taarifa hiyo ilidai kuwa, Mei 2011, Rais wa Marekani, Barack Obama, alimtangaza Mama Leila kuwa muuza ‘unga’ mkuu duniani, hivyo akapigwa marufuku kuingia nchini Marekani.

Katika mahojiano hayo, Nzowa alisema anakumbuka Januari 2012 ambayo ilikuwa ni mara ya kwanza kwa mtego wao kunasa na kukamata mali zilizodaiwa kuwa ni za Shikuba ambazo ni dawa za heroin kilo 212 zilizokuwa na thamani ya zaidi ya Sh bilioni 10.

Katika kamata hiyo, iliyofanyika mkoani Lindi, Nzowa anasema Shikuba alifanikiwa kutorokea Afrika Kusini, lakini walifanikiwa kukamata gari lake la thamani aina ya Jeep.

“Baada ya kutukimbia ‘niliji-commit’ mahakamani kuwa huyu mtu ni hatari achunguzwe na ndipo alikamatwa na hivi sasa yuko mkoani Lindi chini ya ulinzi ambako ana kesi ya kujibu kuhusu tuhuma hizo. Hilo gari lake linatumika kama kielelezo,” alisema Nzowa.

Alisema anaishukuru Marekani kwa kuona mali hizo na kuzitaifisha, kwani hata katika vikao vilivyoshirikisha nchi mbalimbali duniani alivyohudhuria kama mwangalizi walizungumzia suala la kuwakamata watu wa aina hiyo na kutaifisha mali zao.

“Tulivyokwenda Roma- Italia na Moscow –Urusi tulizungumzia hilo. Mimi nilikuwa nakwenda kama Observer (mwangalizi) katika mikutano hiyo kwa kuwa sisi siyo wanachama, lakini walikuwa wanatualika kutokana na jitihada zetu katika kupambana na dawa za kulevya,” alisema Nzowa.

Nzowa alisema walianza kukamata wafanyabiashara wadogo mwaka 2010 na waligundua kiasi kidogo tu walichokamata kiliwahusisha mamia ya watu.

“Katika kete tano tulizozikamata zilikuwa zikiwahusisha watu zaidi ya 200, baada ya hapo tuligundua mtandao ni mpana na tunapaswa kujielekeza kwa hao wakubwa zaidi kuliko wadogo, hivyo tukaanza kazi na hao wakubwa,” alisema Nzowa.

Taarifa iliyotolewa na Wizara ya Fedha ya Marekani kupitia ofisi yake ya Udhibiti wa Mali Haramu za Raia wa Kigeni (OFAC) na kuchapishwa jana na gazeti hili ilieleza Shikuba na taasisi yake wameangukia katika sheria za nchi hiyo za kudhibiti mapapa wa unga wa kigeni (Kingpin Act).

Mbali na sababu hizo za kisheria, Marekani ilisema bilionea huyo amekuwa akitumia faida haramu kutokana na biashara zake chafu kuhonga maofisa wa serikali ya Tanzania ili asikamatwe na kushtakiwa.

Kwa sababu hiyo, mali zote za Shikuba na taasisi zake zilizo ndani ya mipaka ya Marekani au ambazo ziko chini ya raia wa taifa hilo, zimetaifishwa huku raia wa Marekani wakionywa kuhusiana nazo.

Kutokana na tuhuma za kuhongwa maofisa hao, gazeti hili lilimtafuta Waziri wa Mambo ya Nje na Ushirikiano wa Afrika Mashariki, Kanda na Kimataifa, Balozi Augustino Mahiga, ambaye alisema hawezi kuzungumzia hilo kwa madai kuwa linaweza kujibiwa vyema na Wizara ya Mambo ya Ndani.

“Unajua wenzetu wa Wizara ya Mambo ya Ndani wana habari zaidi, mimi wa nje sina taarifa za ndani, huyo jamaa nimesoma habari zake amekuwa akijishughulisha ndani ya miaka 10, unajiuliza ilikuwaje? Mtu kupata International Criminal lazima una mtandao,” alisema Mahiga.

MTANZANIA Jumamosi lilimtafuta Waziri wa Mambo ya Ndani, Charles Kitwanga, pasipo mafanikio.

Hata alipopigiwa simu zaidi ya mara tatu na zaidi akitumiwa ujumbe mfupi wa maneno ili kupata kauli yake, bado hakuweza kujibu.

Shikuba alikamatwa mwaka 2014 katika Uwanja wa JNIA baada ya kusakwa kwa zaidi ya miaka miwili na polisi kutokana na tuhuma za dawa za kulevya, huku akidaiwa kuwa na mtandao mkubwa Afrika Mashariki, China, Brazil, Canada, Japan, Marekani na hata Uingereza.

---------- MWISHO WA TAARIFA YA GAZETI LA MTANZANIA -------------

Kiongozi wa Wizara amtetea Shikuba, ‘bilionea wa dawa za kulevya’


Baadhi ya viongozi wakubwa katika Serikali ya Rais Kikwete wametajwa kuwa ndiyo chanzo cha kudhoofisha juhudi za kupambana na vita dhidi ya mihadarati kwa kuwakumbatia watuhumiwa waliokamatwa.

Mmoja wa vigogo hao anayefanya kazi katika wizara nyeti, ametajwa 'kumpigania' bilionea aliyekamatwa hivi karibuni jijini Dar es Salaam akituhumiwa kuhusika na shehena ya kilo 210 za dawa za kulevya aina ya heroin zinazokisiwa kuwa na thamani ya Sh bilioni 10 ambazo zilikamatwa nchini mwaka 2012 mkoani Lindi.

Tayari bilionea huyo, Ali Khatib Haji 'Shikuba' ameshafunguliwa mashitaka, kesi yake ikiunguruma katika Mahakama ya Hakimu Mkazi mkoani Lindi.

Kwa mara ya kwanza alipandishwa kizimbani Machi 13 mwaka huu akiunganishwa na watuhumiwa wengine, Maureen Liyumba, Othman Mohammed Nyamvi au maarufu kwa jina la Ismail Adam na Upendo Mohammed Cheusi ambaye kwa sasa ni marehemu.

Kwa mara ya pili wanatarajiwa kupandishwa kizimbani kesho mbele ya Kaimu Hakimu Mfawidhi wa Mahakama ya Mkoa wa Lindi, Allu Nzowa.

Habari za uhakika ambazo mwandishi amezipata zinasema tangu kukamatwa kwa Shikuba, kigogo huyo amekuwa akihaha kutaka kumnusuru mfanyabiashara huyo maarufu dhidi ya kesi inayomkabili.
Kukamatwa kwa Shikuba kumethibitishwa na Kamanda wa Polisi wa Kikosi cha Kudhibiti Dawa za Kulevya Tanzania, Godfrey Nzowa.

"Ni kweli tumemkamata. Juhudi zetu zimefanikiwa kukamata mmoja wa watu wazito wanaohusishwa na biashara hii," alisema.

Ingawa `mzigo' anaohusishwa nao Shikuba ulikamatwa mwaka 2012, inaelezwa hakukamatwa kutokana na mfanyabiashara huyo kuwa mafichoni nchini Afrika Kusini na kwamba akiwa huko, alitumia hila na kupata hati nyingine ya kusafiria iliyotolewa Februari 28, mwaka huu, hivyo kurejea nchini alikokumbana na vijana wa Nzowa mara baada ya kutua kwa ndege ya shirika la Ndege la Afrika Kusini, South African Airways.

Mara baada ya kumkamatwa, alisafirishwa chini ya ulinzi mkali wa jeshi la polisi hadi mkoani Lindi.

Job: Programme Manager – Tanzania (Sense International’s programmes)

Organization: Sense International
Country: United Republic of Tanzania
Closing date: 15 Mar 2016

Lawama kwa serikali Ruvuma kwa kutokumlipa mke wa mfanyakazi aliyetoweka 2005

Benedict Mlaponi
Benedict Mlaponi
Picnani ni Benedict Mlaponi aliyekuwa mfanyakazi wa hospitali ya mkoa wa Ruvuma aliyepotea tangu tarehe13/10/2005 na mpaka wa leo, haijulikani aliko.

Mara ya mwisho aliaga kuwa anasafiri kikazi kuelekea Dar es Salaam na alipata ruhusa kutoka kwa mkuu wake wa kazi (Dk Wella kwa wakati huo), na toka wakati huo mpaka leo (mwaka 2016) hajapatikana na haijulikani kama yuko hai au amekufa.

Benedict Mlaponi ameacha watoto 5 na mke, Angetruda Milinga.

Benedict Mlaponi kazini alikokua ameajiriwa bila kujua lililompata waliandika barua ya kumfukuza kazi.  Mkewe Angetruda Milinga alifungua kesi ya mirathi baada ya kutoa ripoti polisi. Mahakama iliamuru Angetruda Milinga alipwe fedha ya mirathi, lakini serikali ya mkoa wa Ruvuma haijafanya hivyo.

Swali la mke na familia kwa watanzania ni kuwa, Benedict Mlaponi alikuwa akifanya kazi serikalini, ni kwa nini asilipwe mafao ya mirathi wakati kesi ilishapitia na kuelezwa kuwa mumewe amefariki kwa mazingira ya kutatanisha?

Ombi la mke kwa Rais wa Jamhuri ya Muungano wa Tanzania ni kumsaidia mjane huyu

Kasulu yasimamisha maafisa 3 wa wakala wa misitu

KAMATI ya Ulinzi na Usalama ya Wilaya ya Kasulu mkoani Kigoma, imewasimamisha kazi na kuwakamata maafisa watatu wa Wakala wa Misitu Tanzania, TFS, katika wilaya hiyo kosa la kufanya udanganyifu katika uvunaji wa mazao ya misitu wilayani humo kufuatia kukamata zaidi ya mbao elfu moja zikiwa zimevunwa kinyume cha sheria.

Akizungumza baada ya ukaguzi wa ghafla uliofanywa katika kijiji cha Mvugwe na kukamata mbao hizo, Mwenyekiti wa kamati hiyo ambaye pia ni Mkuu wa Wilaya ya Kasulu, Gerald Guninita, amewataja maafisa hao kuwa ni Meneja wa Wakala wa Misitu Wilaya ya Kasulu Donald Slaa, na wafanyakazi wawili wa TFS William Skoi na Jonathan Kaiza.

Alisema mbao zilizokamatwa zimebainika kutogongwa muhuri wa serikali ambao hugongwa kwenye mbao na kwamba kibali cha mmoja wa wafanyabiashara kinaonyesha anatakiwa kuwa na mbao 150 lakini amekutwa akiwa na zaidi ya mbao 700.

Aidha alisemaa uchunguzi wa awali umeonyesha kuwa maafisa hao walikwenda kuhalalisha mbao hizo kwa kugonga muhuri sehemu ya mbao hizo nyumbani kwa mfanyabiashara badala ya kugonga zikiwa porini baada ya kupasuliwa kama sheria zinavyotaka.

Alisema kutokana na hali hiyo kamati ya ulinzi na usalama wilaya imejiridhisha kuwa maafisa hao wamekwenda kinyume cha sheria na taratibu hivyo wamekabidhiwa polisi ili wachunguze na kuwafungulia mashtaka na kwamba vitendo vinavyofanywa na maafisa hao ni hujuma kwa kuwa walikuwa wakishirikiana na wafanyabiashara kuvuna raslimali misitu katika wilaya hiyo.

Aliongeza kuwa pamoja na maafisa hao polisi pia inamshikilia mfanyabiashara Fera Jumanne na wanamtafuta Kenedy Masatu kuhusiana na tuhuma za kuvuna mbao bila kibali.

Hata hivyo akizungumza na waandishi wa habari mfanyabiashara Kenedy Masatu, alisema ana vibali vyote vinavyomruhusu kufanya biashara hiyo na kwamba hatua ya baadhi ya mbao kugongwa muhuri na nyingine kutogongwa inatokana na uwingi ambapo mgongaji hulazimika kugonga asilimia kubwa ili kuhalalisha nyingine.

”Hapa kuna mbao nyingi ni vigumu kugonga zote kutokana na mazingira yake lakini asilimia 99 ya mbao zimegongwa hivyo na ambazo hazijagongwa ni kutokana na kuwa katika mazingira yasiyofaa” alisema mfanyabiashara huyo.

---

FikraPevu: Nyalandu anastahili kuwajibishwa



JANUARI 29, 2016 majangili wakitumia silaha nzito ya kivita aina ya AK47 walimpiga risasi na kumuua rubani Kapteni Roger Gower (37), pamoja na kuiangusha helikopta ambayo ilikuwa ikifanya doria katika pori la akiba la Maswa wilayani Meatu katika Mkoa wa Simiyu.

Kapteni Gower, raia wa Uingereza, alikuwa akiongoza chopa hiyo iliyokodiwa na kampuni ya Mwiba Holdings Ltd akiwa na msaidizi Nicky Bester, raia wa Afrika Kusini katika harakati za kuwasaka majangili walioua tembo watatu kwenye pori hilo.

Watu tisa walikamatwa na kushtakiwa wakihusishwa na tukio hilo. Washtakiwa hao ni Iddy Mashaka (49), Shija Mjika (38), Njile Gunga (28), Dotto Pangali (42), Moses Mandagu (48), Dotto Huya (45), Mwigulu Kanga (40), Mapolu Njige (50) na Mange Barumu (47).

Tayari Mahakama ya Wilaya ya Bariadi imekwishawahukumu washtakiwa wanne kati ya tisa kifungo cha jumla ya miaka 70 jela kutokana na tukio hilo huku washtakiwa wengine kesi zao zikiendelea. Hukumu hiyo ilitolewa Februari 11, 2016 na Hakimu Mary Mrio wa mahakama hiyo.

Lakini Njile Gunga, anayedaiwa kuitungua chopa hiyo amehukumiwa kifungo cha miaka 20 jela, huku akiwa anakabiliwa na kesi mbili ikiwemo ya mauaji pamoja na uhujumu uchumi ambazo zitasikilizwa katika Mahakama Kuu.

Wakati huu ambao Tanzania na dunia nzima inapambana kwa nguvu zote na ujangili, kamwe hakuna anayeweza kufurahia kuona majangili wakitanua wanavyotaka, lakizi zaidi hakuna aliye tayari kushuhudia damu isiyo na hatia ikimwagwa katika ardhi ambayo inafahamika kuwa ‘kisiwa cha amani’.

Mfuko wa Uhifadhi wa Friedkin (Friedkin Conservation Fund – FCF) wa Marekani unashirikiana na serikali ya Tanzania katika kukabiliana na majangili.

Licha ya kudunguliwa kwa chopa hiyo, lakini kumekuwepo na mambo mengi, yakihusu mfuko huo wa FCF pamoja na waziri wa zamani wa Maliasili na Utalii, Lazaro Samuel Nyalandu.

Taarifa mbalimbali ziliibuka mapema mwezi Februari 2016 kwamba wamiliki wa mfuko wa FCF ndio pia wanamiliki kampuni za uwindaji wa kitalii za Mwiba Holdings Ltd, Tanzania Game Trackers Safaris (TGTS) Ltd na Wengert Windrose Safaris. Mwiba Holdings Ltd ndiyo yenye leseni ya kuwinda katika Ranchi ya Wanyamapori ya Mwiba.

Kwa mujibu wa taarifa hizo, kumbukumbu zilizopo Wizara ya Maliasili na Utalii zinasema kampuni ya Mwiba Holdings Ltd ni miongoni mwa watuhumiwa wakubwa wa ujangili na kwamba kumekuwapo matukio kadhaa ya wafanyakazi wa kampuni hiyo kukamatwa wakiwa wameua wanyamapori na kukutwa na nyara za Serikali.

Lakini pamoja na kukamatwa kwao, kwa mujibu wa taarifa hizo, daima kesi zinazoihusu kampuni hiyo zimekwama kutokana na kinachotajwa kuwa ni urafiki wao wa karibu na Nyalandu, hasa wakati alipokuwa akiiongoza wizara hiyo.

Inaelezwa kwamba, wakati Nyalandu alipokwenda kutangaza nia ya kuwania urais na hata alipokuwa kwenye kampeni za ubunge, alikuwa akitumia helikopta inayodaiwa kutolewa na Wamarekani hao, taarifa ambazo hazikuwahi kukanushwa.

FikraPevu iliripoti Machi 26, 2015 kuhusu kukamatwa kwa gari la kampuni ya Wengert Windrose Safaris, lenye namba za usajili T 655 ARR ambalo lilikuwa na shehena ya magunia 11 ya dawa za kulevya aina ya bangi iliyokuwa ikisafirishwa kwenda nchi jirani ya Kenya.

Tukio hilo liliripotiwa na hata Kamanda wa Polisi Mkoa wa Arusha, Liberatus Sabas, alikiri vijana wake kukamata shehena hiyo katika Wilaya ya Longido saa tano usiku na kumtaja dereva wa gari hilo, Sanka Faustine na maofisa wengine wa kampuni hiyo ambao walitiwa mbaroni.

“Mtuhumiwa mmoja amekamatwa na tunategemea kukamilisha upelelezi ili kumfikisha mahakamani. Tumemkamata katika mpaka wa Tanzania na Kenya akiwa katika harakati za kuvuka mpaka,” FikraPevuilimkariri Kamanda Sabas akisema.

Kampuni ya Wengert Windrose Safaris inamilikiwa na raia kutoka Marekani na ndiyo inayomiliki Kitalu cha Uwindaji wa Kitalii cha North Natron hapa nchini, ikiwa ni pamoja na kufanya doria katika mapori ya Akiba ya Kizigo, Maswa, Moyowosi, Ugalla na Pori Tengefu la Ziwa Natron.

Taarifa Zaidi kuhusu uswahiba wa Nyalandu na Wamarekani hao zinaeleza kuwa, akiwa waziri alimwamuru Kaimu Mkurugenzi wa Idara ya Wanyamapori wa wakati huo, Paul Sarakikya, kutoa Leseni ya Rais kwa familia ya Tom Friedkin (mmiliki wa kampuni hizi) kuwinda wanyamapori 700 katika vitalu nane na eneo la wazi la Makao. Leseni hizo zilitolewa bure bila kulipiwa hata senti.

Miongoni mwa wanyamapori waliokuwa kwenye orodha ya kuwindwa ni tembo, ambao wako hatarini kutoweka.

Lakini taarifa zinasema, Nyalandu alikiuka kifungu cha 38(7) cha Sheria ya Wanyamapori Namba 5 ya mwaka 2009 kwa kupuuza ukomo wa idadi ya vitalu vitano kwa kampuni moja baada ya kuimilikisha kampuni ya TGTS vitalu nane pamoja na eneo la wazi.

Lakini pia, pamoja na kutoa Leseni ya Rais (isivyo halali), Wamarekani hao waliwaleta watoto wadogo wenye umri chini ya miaka 18 kinyume cha kifungu cha 43(3) cha sharia hiyo.

Katika hali ambayo FikraPevu inaona kuna haja ya serikali kuchunguza ufisadi huo, inaelezwa kwamba Nyalandu alitoa vitalu hivyo kinyemela wakati sheria inaagiza kwamba kitalu kinapobaki wazi sharti kitangazwe kwanza na waombaji washindanishwe katika mfumo na utaratibu ulio wa haki na uwazi, kwa kuzingatia Kanuni ya Uwindaji wa Kitalii 18(1).

Kukamatwa kwa gari la kampuni ya uwindaji yenye uswahiba na Nyalandu likiwa na dawa za kulevya ni kashfa kubwa pamoja na jitihada zilizofanywa kukanusha na kuitakasa kampuni hiyo ya Wengert Windrose Safaris.

Watanzania wengi hawawezi kuamini kwamba Nyalandu ni muadilifu ikiwa taarifa zenyewe zinaonyesha wazi kwamba alikuwa akitumia madaraka yake vibaya kwa nia ya ‘kuwatumikia waliomtuma’.

Kitendo cha yeye kupewa chopa afanyie kampeni wakati wa uchaguzi nacho kinaongeza chumvi kwenye kidonda na kutia muhuri mashaka ya Watanzania dhidi ya uadilifu wa Mbunge huyo wa Singida Kaskazini (CCM), ambaye juhudi zake za kuikaribia wizara hiyo kwa kurejea tena kwenye Kamati ya Bunge ya Ardhi, Maliasili na Utalii zinadaiwa kukwama alipojikuta akipelekwa kwenye Kamati ya Huduma za Jamii.

Kumbukumbu zilizopo zinaeleza kwamba, wakati alipokuwa kwenye Kamati hiyo katika Bunge la 9, wakati huo ikiongozwa na Job Ndugai, ziliibuliwa tuhuma kwamba Shirika la Hifadhi za Taifa (TANAPA) lilimpatia mamilioni ya fedha kupitia mradi wa ujirani mwema kwa ajili ya huduma za jamii katika eneo lake, fedha zambazo wachambuzi wa mambo walieleza kwamba zilimsaidia katika uchaguzi mkuu wa mwaka 2010.

Wakati akiwa Waziri wa Maliasili na Utalii yapo madudu mengi yanayodaiwa kufanywa Nyalandu ikiwemo kuandaa mkataba na bilionea Howard Buffet wa Marekani unaodaiwa kuweka sharti kuwa ili tajiri huyo atoe misaada ya uhifadhi kwa Tanzania ni lazima yeye Nyalandu aendelee kuongoza Wizara ya Maliasili na Utalii.

Yapo madai pia kwamba, uamuzi wake wa kumfukuza Mkurugenzi wa Wanyamapori, Profesa Alex Songorwa na msaidizi wake Profesa Jafary Kidengesho ulitokana na shinikizo la Wamarekani wenye kampuni za uwindaji nchini baada ya kukwama kuwaweka mfukoni wasomi hao waliosaidia kuleta mabadiliko ya kiutendaji ndani ya Idara hiyo.

Kuambatana na msanii Anti Ezekiel hadi Marekani kwa gharama za serikali kwa maelezo kwamba alikwenda kusaidia kutangaza utalii nchini humo ni kashfa ambayo ilimchafua na kuichafua serikali nzima.

Pamoja na taarifa hizo kukanushwa, lakini bado wananchi wanaona kuwa mwanasiasa na kiongozi huyo hakuwa mwadilifu, achilia mbali kuisababishia Mamlaka ya Ngorongoro (NCAA) hasara ya Shs. 15 bilioni kutokana na kushinikiza mamlaka hiyo pamoja na Shirika la Hifadhi za Taifa (TANAPA) kutoza kiingilio mara moja bila kujali mtu ameingia hifadhini mara ngapi.

Kitendo cha kukaidi hukumu ya mahakama kinatajwa kuigharimu serikali hasara ya Shs. 80 bilioni katika kesi iliyofunguliwa kuhusu tozo kwenye hoteli zilizoko hifadhini, lakini bado mamlaka husika zikakaa kimya na kumwangalia tu.

“Hayupo kwenye uongozi, lakini bado serikali inao uwezo wa kuchunguza na kumshughulikia katika staili ile ile ya ‘kutumbua majipu’ kutokana na ukweli kwamba rasilimali alizokuwa akisimamia ni za umma na ikiwa ametumia madaraka yake vibaya hawezi kukwepa mkondo wa sheria,” baadhi ya wadau wa utalii wameieleza FikraPevu.

---
Makala kutoka FikraPevu

Waziri wa Elimu azuia ‘ulaji’ wa bilioni 4/- za semina ya siku 4

Waziri wa Elimu, Mafunzo ya Ufundi na Teknolojia, Profesa Joyce Ndalichako amezuia ‘ulaji’ wa Sh4 bilioni zilizokuwa zitumike kwa ajili ya semina ya siku nne.

Akizungumza wakati akifunga mkutano mkuu wa tatu wa maofisa elimu mkoa na wilaya nchini, Profesa Ndalichako alisema amezuia mafunzo yaliyokuwa yagharimu Sh4 bilioni ambayo mtu mmoja alitengewa Sh4 milioni kwa ajili ya semina ya siku nne.

“Ina maana kila mtu alikuwa alipwe shilingi milioni moja kwa siku. Kweli hatuoni aibu kutumia fedha hizo kwa mafunzo. Watu walewale wanaokwenda kwa mafunzo yaleyale,” alisema. Alisema wakati hayo yote yakitendeka, wanafunzi wananyeshewa mvua kwa kukosa madarasa na wanakaa chini kwa kukosa madawati.

Profesa Ndalichako, pia alisema amegundua ufisadi katika Sh66 bilioni zilizotengwa kwa ajili ya mafunzo, ujenzi na ukarabati wa miundombinu ya shule nchini.

Alisema Novemba mwaka jana, Serikali ilitoa Sh63 bilioni katika mikoa yote nchini, kwa ajili ya ujenzi na ukarabati wa miundombinu.

Profesa Ndalichako alisema baadhi ya fedha hizo zilitolewa bila kufuata utaratibu sahihi, hivyo kufanya wengine kutofahamu kama kuna fedha kama hizo zilitolewa.

“Kuanzia Jumatatu nitapeleka orodha na kiasi cha fedha kilichopelekwa kwa Ma-RC (wakuu wa mikoa) na Ma-DC (wakuu Wilaya) nchini ili mzione. Fedha zitawatokea puani…cha mtu sumu, kama ulikula fedha hizo uhakikishe unazirejesha.”

Bila kumtaja jina, Profesa Ndalichako alisema kuna mtu alitumia Sh60 milioni kukarabati darasa moja la shule ya msingi.

“Hiyo ni ukarabati wa darasa tu la shule za msingi. Wale waliokula fedha hizo nawaambia zitawatokea puani, hatuwezi kuwavumilia,” alisema.

Akimkaribisha mgeni rasmi, Mwenyekiti wa Maofisa Elimu wa Wilaya na Mikoa (Redeoa), Juma Kaponda alishauri walimu wa shule za msingi waimarishwe kwa maarifa na lugha ya Kingereza.

Hata hivyo, alisema ni vyema stashahada ya elimu ya msingi ifundishwe kwa Kingereza.

Taarifa ya habari ChannelTEN, Machi 12, 2016






Bunge laeleza sababu za Bulaya kukamatwa Mwanza usiku na kumsafirisha hadi Dar







Mbunge wa jimbo la Bunda Mjini, Esther Bulaya (Chadema), alikamatwa juzi usiku akiwa akiwa hotelini jijini hapa na kusafirishwa jana kama mhalifu kwenda Dar es Salaam, kwa amri ya Bunge.

Bulaya alikamatwa wakati vikao vya Kamati Kuu na Baraza Kuu la Chama cha Demokrasia na Maendeleo (Chadema) vikiendelea.

Baada ya kukamatwa, Bulaya aliwekwa mahabusu ya Kituo Kikuu cha Polisi Mwanza, kabla ya jana saa 4.30 asubuhi kupakiwa kwenye gari la polisi chini ya ulinzi mkali hadi uwanja wa ndege wa Mwanza, kwa ajili ya kupelekwa Dar kujibu tuhuma zinazomkabili.

Bulaya alisindikizwa na magari kadhaa ya polisi likiwamo Toyota Landcruiser T 387 DCP ya Ofisa Upelelezi wa Mkoa, PT 3643 na T 916 ASC.

Kwa mujibu wa habari kutoka kwa watu wa karibu na Mbunge huyo, Bulaya alikamatwa kutokana na amri ya Spika wa Bunge, Job Ndugai, kwa madai kwamba hakuhudhuria kwenye Kamati ya Maadili ya Bunge iliyomuita kumuhoji.

“Siku ambayo Bulaya alitakiwa kwenda kuhojiwa na Kamati ya Maadili ya Bunge, alikuwa mgonjwa na taarifa ziliwasilishwa kwenye kamati hiyo, lakini tunashangazwa na Spika Ndugai kutoa kibali cha kukamatwa,” alisema mmoja wa viongozi wa Chadema aliyeomba kutotajwa jina.

Akizungumza na Nipashe Jumapili, kiongozi huyo wa Chadema alisema lengo la Ndugai ni kuvuruga vikao vya chama ambavyo vinaendelea jijini Mwanza ili kumpata Katibu Mkuu atakayerithi mikoba ya Dk. Wilbroad Slaa.

Akizungumzia kadhia ya kukamatwa kwa Bulaya, Mbunge wa Kawe, Halima Mdee (Chadema), alisema jana kuwa wanafanya utaratibu wa kumwekea dhamana mwenzao.

“Ndiyo tunaingia hapa, hatujafahamu tatizo lililosababisha mwenzetu kukamatwa, lakini tunataka kuzungumza na mkuu wa kituo ili tuelewe kama kuna uwezekano wa kuachiwa kwa dhamana ama la,” alisema Mdee.

Katika Kituo cha Kikuu cha Polisi Mwanza, Jeshi la Polisi liliimarisha ulinzi mkali na wananchi walioruhusiwa kukatisha eneo hilo ni wale waliokuwa wakipeleka chakula kwa jamaa zao.

RPC KAMUGISHA 

Kamanda wa Polisi Mkoa wa Mwanza, Justus Kamugisha, alisema vijana wake walimkamata Bulaya baada ya kupata waranti kutoka Dar es Salaam.

“Hapa tunapozungumza, tayari Bulaya tumemsafirisha kuelekea Dar es Salaam, wanakomhitaji na taarifa zaidi zinaweza kupatikana huko,” alisema Kamugisha.

MWENYEKITI MBOWE

Naye Mwenyekiti wa Chadema Taifa, Freeman Mbowe, akihutubia Baraza Kuu, pamoja na mambo mengine alielezea jinsi polisi walivyovamia hoteli aliyokuwa amefikia Bulaya.

Alisema baada ya majibizano ya muda mrefu, aliamuru viongozi wa Chadema waruhusu Bulaya kukamatwa ili kuondoa purukushani hizo.
"Polisi walionyesha barua kutoka kwa Spika Job Ndugai aliyeagiza mbunge huyo akamatwe popote alipo nchini," alisema Mbowe.

"Kosa lake ni kupinga kuzuiwa kurushwa moja kwa moja vipindi vya Bunge na alishindwa kwenda kwa kuwa tarehe zilizopagwa alikuwa kwenye kesi yake mjini Bunda."

Mbowe ambaye ni kiongozi wa kambi rasmi ya upinzani bungeni alisema wabunge wengine waliotakiwa kuhojiwa na Kamati ya Bunge ya Kudumu ya Maadili ni Tundu Lissu, Paulin Gekuli na Godbless Lema.

NAIBU SPIKA

Naibu Spika wa Bunge, Dk. Akson Tulia, alipoombwa na gazeti hili kuzungumzwa kukamatwa kwa Bulaya, alisema atafutwe Ndugai, ambaye hata hivyo licha ya jitihada za kumtafuta kwa simu yake ya mkononi, hakupatikana hewani.

Naye Katibu wa Bunge, Thomas Kashilila, alipotafutwa kupitia simu yake ya mkononi, alikata simu na kutuma ujumbe mdogo wa maneno ‘Nitumie ujumbe nitarudi kwako punde’, lakini pamoja na kutumiwa ujumbe hakuweza kujibu chochote licha ya kupigwa mara kwa mara simu yake.

International Conference on (Re)making bodies: The structures and dynamics of aesthetics and aspirations in an evolving Africa

Humanities Program
International Conference
 On
 (Re)making bodies:
The structures and dynamics of aesthetics and aspirations in an evolving Africa
 Date:   23-25 August 2016                Venue: Casablanca, Morocco

Application deadline: 15 March 2016

CODESRIA’s Program on Humanities seeks to foster work in the Humanities and engender conversations between scholars in the Humanities and the Social Sciences on themes of interest to the Council with the goal of producing theoretical and conceptual insights that often escape lenses peculiar to any one of these two fields of knowledge.

The (re)making of bodies, often portrayed more grotesquely today in the practices of skin bleaching and the enhancement and reduction of various parts of the body are increasingly pervasive practices in Africa that have generated much debate and discussion. The health implications of these practices and the markets that underpin them have received attention both among scholars and in the popular press. Further, discussion has focused on the implications and effects of these practices on identities and hierarchies of being at a global as well as local level.

CODESRIA’s conference on ‘(Re)making bodies’ seeks to assemble a group of scholars in the Humanities and the Social Sciences to explore the (re)making of bodies and  the structure and dynamics of aesthetics and aspirations in an evolving Africa. Recognizing that the (re)making bodies in Africa is not a new phenomenon, it is hoped that these conversations will escape the temptation to only dwell on the present to insert these practices within the variegated histories of an expansive continent that has been in constant contact with the rest of the world.CODESRIA invites abstracts on the following sub-themes from African and Diaspora scholars that are interested in participating in this conference:
·         The evolving meanings and understandings of beauty, wellbeing and Africanity in an Africa in the (re)making
·         The intersection of the (re)making of bodies and the (re)making of aesthetics and aspirations in Africa
·         Contested vistas of sensuality, beauty, wellness and wellbeing and the (re)making of African bodies
·         Hierarchies of being and the (re)making of the being that is seen
·         Nativist and cosmopolitan flirtations and alibis in the location of the (re)making of bodies in the structures and dynamics of aesthetics and aspirations
·         (Re)making bodies as a set of gendered practices
·         The social embeddedness of the (re)making of bodies
·         The economics of aesthetics and the aesthetics of an economy of (re)making bodies
·         Virtual aesthetic communities

Those interested in participating in the conference are invited to send an abstract of no more than 300 words and a CV with full contact details including email addresses and phone numbers to CODESRIA no later than March 15, 2016. Authors of abstracts selected will be informed of their selection by April 15, 2016 and should be ready to submit full papers by 31 May, 2016. All documents should be sent in Word format by email to [email protected]snPlease use the subject line ‘Humanities Program’ when sending your email.

Humanities Program
CODESRIA
BP 3304, CP 18524
Dakar, Senegal
Tel: +221 - 33 825 9822/23
Fax: +221- 33 824 1289