23 Social engineering ATTACKS and How to STOP them

Social Engineering Attacks
Find the text version and details by clicking here (source) - 23 Social Engineering Attacks and How To Stop Them

Nape na Chongolo ni majipu CCM?

  • Gazeti la Uhuru ladidimia chini ya uongozi wao
  • Wadaiwa kuliyumbisha kiuongozi
  • Waweka makaim wasio na uwezo, wabadhirifu
  • Mtambo wa uchapaji wauzwa kinyemela kwa bei ya kutupa
  • Wafanyakazi wadai malimbikizo lukuki ya mishahara, likizo
  • Wastaafu washikilia nyumba za Kampuni hadi walipwe
WAKATI Katibu wa NEC, Itikadi na Uenezi Nape Nnauye, Waziri wa Habari, Vijana, Utamaduni, Sanaa na Michezo, Nape Nnauye akitamba kutumbua majipu katika vyombo vya habari vya Serikali, amedaiwa kushindwa kusimamia ipasavyo kuiinua kampuni ya Uhuru Publications Ltd (UPL), wachapishaji wa Magazeti ya Chama Cha Mapinduzi (CCM), Uhuru, Mzalendo na Burudani.

Uchunguzi uliofanywa na gazeti hili umebaini kwamba, Nape anayeongoza Idara hiyo ya Itikadi na Uenezi yenye jukumu ka kusimamia vyombo vya habari vya CCM kwa takribani miaka mitano sasa, ameshindwa kusimamia ili kuiinua UPL baada ya kujenga uswahiba na kumwamini kupita kiasi Msaidizi wake, Godfrey Chongolo na hivyo kumbwagia usimamizi karibu wote wa kampuni hiyo ya UPL bila kumtamthimini.

Kufuatia hali hiyo, Chongolo ambaye ni Mkurugenzi wa Mawasiliano ya Umma wa CCM, kwa kile kinachoonekana ni kwa kutumia vibaya madaraka yake yakiwemo ya Ukatibu wa Bodi ya Uhuru Media Group inayosimamia vyombo vya habari vya CCM, amedaiwa kuiua UPL, kwa kumshauri vibaya Nape na hivyo kuitumbukiza kampuni hiyo ikiwemo kutokuwa na uongozi imara kwa muda mrefu na badala yake kuweka makaimu wasio na sifa katika nafasi zote za juu ili kupata mwanya wa kufanya analotaka kwenye kampuni hiyo bila kubughudhiwa.

Moja ya mambo yanayodaiwa kufanywa na Chongolo ni kusimamia uuzwaji kinyemela mtambo wa uchapaji wa UPL, uliokuwa ukitumika kuchapisha magazeti ya Uhuru Mzalendo na Burudani wa Modern Newspaper Print (MNP) kwa bei ya kutupa na fedha za mauzo kuwa utata zilikokwenda.

Inaelezwa kwamba, mtambo huo wa uchapishaji ulikuwa ukisimamiwa na kampuni tanzu ya Modern Newspaper Printers (MNP) Limited, lakini kabla ya mtambo huo kuuzwa kampuni hiyo ya MNP ikavunjwa katika mazingira yanayoonyesha kuwa utaratibu haukufuatwa kama ifuatavyo;-
  1. Modern Newspaper Printers (MNP) Limited ni kampuni tanzu iliyoasisiwa na kumilikiwa na Shirika la Magazeti ya Chama (SMC) Limited na baadaye Uhuru Publications Limited (UPL). iliasisiwa mwaka 1995 kwa mkopo maalumu wa Benki ambapo katika ulipwaji wake, wafanyakazi walitakiwa kujifunga mikanda, ndani ya miaka minne, ikiwemo kusimamishwa kwa malipo ya aina mbalimbali ikiwemo likizo, jambo lililoridhiwa na wafanyakazi wakiamini kwamba hatua hiyo italeta maendeleo kwa kampuni na ustawi wao pia.
  2. Kwa kipindi chote cha uwepo wake, menejimenti ya kampuni hiyo tanzu ya MNP, ilikuwa ikiwajibika moja kwa moja kwa Uongozi au Menejimenti ya SMC na baadaye UPL hadi kifo chake.
  3. Hata hivyo, mtambo wa MNP umeuzwa bila wafanyakazi wa UPL kujulishwa, ambapo hata wakati mchakato wa uuzwaji wake ukifanyika hakukuwa na mrejesho wowote hata katika vikao vya kawaida vya wafanyakazi ambavyo vilikuwa na vimekuwa vikifanyika mara kwa mara.
  4. Kutokana na maelezo hayo, uuzwaji wa mtambo huo umewachia wafanyakazi maswali mengi juu yake, hasa ikizingatiwa kwamba kabla ya kununuliwa kwake waliombwa ‘kujifunga mkanda’ ili waweze kununua mtambo huo kwa manufaa ya kampuni, CCM na Watanzania kwa jumla, lakini wakati wa uuzwaji wa mtambo huo ulifanywa kwa siri kubwa, badala yake wafanyakazi walistukia baadhi ya vifaa na baadhi ya makabrasha yaliyokuwa kwenye ofisi ya MNP vikiletwa kuhifadhiwa UPL.
  5. Wafanyakazi wa UPL wanasema hawaridhiki na kile kilichofanyika maana hawajui mtambo ulivyouzwa, umeuzwa bei gani, fedha za uuzwaji wake zimetumikaje na mengi mengineyo yaliyofichika katika mpango huo. Wamekuwa na hadi sasa bado wanaiomba CCM ifanye uchunguzi wa kina kubaini mazingira yaliyosukuma kuuzwa kwa mtambo huo tena kwa siri kubwa, na kuweka hadharani (kama ilivyokuwa wakati wa ununuzi wake) fedha zilizopatikana na zilivyotumika.
  6. Wanasema wanaomba hivyo kwa sababu MNP kabla ya kuvunjwa na kuuzwa mtambo uliokuwa ukiifanya ifanye kazi, fedha zake zilitokana na UPL (wakati huo Shirika la Magazeti ya Chama Limited), hivyo kuna kila sababu ya kufahamu pia kile kilichopatikana baada ya kuuzwa kwake ni kipi na kiko wapi.
  7. Aidha, hofu juu ya mchakato wa uuzwaji kwa mtambo huo kugubikwa na ‘harufu chafu’ ilijionyesha tangu mpango huo ulipofanyika kwa sababu, hata baadhi ya vifaa vilivyokuwa katika ofisi za kampuni hiyo (MNP) kama kompyuta na nyaraka nyinginezo vilipotea katika mazingira ya kutatanisha.
  8. Uvunjwaji wa kampuni tanzu ya MNP ulifanyika pasipo kufuata sheria ikiwemo ya Usajili wa Kampuni inayosimamiwa na Wakala wa Usajili wa Majina na Leseni za Biashara (BRELA) na Mamlaka ya Mapato Tanzania (TRA).
  9. Kutokana na Na. 8 hapo juu, suala hilo tayari limeshaleta matatizo na hata kuiweka njia panda UPL katika utayarishaji wa hesabu zake (Presentation of fixed assets and liaibilities from MNP Subsidiary). Kuendelea kuwepo kwa utata huo, suala hilo linaweza kuleta matatizo zaidi ya kisheria hata kwa mamlaka za nchi likiwemo suala la kodi.
  10. Pamoja na maelezo hayo, pia kuna malalamiko ya waliokuwa watumishi wa MNP ambao wameendelea kulalamikia malipo waliyopewa baada ya hatua ya uuzwaji wa mtambo. Wafanyakazi hao wanadai malipo hayo hayalingani na hali halisi na muda walioitumikia kampuni hiyo. Hili pia inatakiwa ufanyike uchunguzi na matokeo yake yajulikane maana malalamiko yao dhidi ya Chama ni makubwa na huenda yakawa na athari katika siku za usoni.
Uchunguzi umebaini kwamba kufuatia hali ya UPL kutokuwa na mtambo wake inalazimika kuingia gharama kubwa kwa kuchapisha magazeti yake katika mitambo ya watu binafsi ukiwemo wa JAMANA, ambao kila siku inalipa gharama za uchapaji, na kwa mwezi inatumia zaidi ya sh. milioni 55.6 (sh. 55,670,040/=) kwa kuchapisha magazeti ya Uhuru, Mzalendo na Burudani jambo ambalo linaisababishia kampuni madeni kwani kuna kipindi hushindwa kulipa fedha hizo kila siku na badala yake huchapa kwa mkopo jambo ambalo ni hatari kwa kampuni.

UONGOZI MBOVU

Chanzo chetu cha habari hii, kilisema uongozi mbovu ni miongoni tatizo kubwa ndani ya kampuni ya UPL, ambalo ni matokeo yaliyojiri chini ya uongozi wa Nape kama Mkuu wa Idara ya Itikadi na Uenezi na Chongolo kama Mkurugenzi wa Idara ya Mawasiliano ya Umma.

Inaelezwa kwamba, baada ya Mhariri Mtendaji aliyekuwepo, Josiah Mufungo kustaafu, Mnamo Machi 2014, CCM ilimteua aliyekuwa Mhariri Mkuu wa gazeti la Habari leo ambalo ni la Serikali Joseph Kulangwa, kuwa Mhariri Mtendaji wa Uhuru Publications Limited (UPL) ambapo chini ya uongozi wa Mhariri Mtendaji huyo, UPL ilianza kuonyesha matumaini kwa kuwa kiongozi huyo alionyesha kujitahidi kuiinua kampuni kwa kuanza kuziba mianya ya wizi aliokuta umekithiri ndani ya kampuni hasa kwenye Idara ya Biashara ambayo ndio idara inayotegemewa kwa ajili ya kuingiza kipato cha kampuni.

"Katika jitihada zake za kuboresha utedaji kazi na kudhibiti mianya ya wizi, alijaribu kufanya mabadiliko kwa kuwahamisha baadhi ya wakuu wa Idara ikiwemo ya Biashara, lakini alipotangaza hatua hizo, Chongolo, alizuia mabadiliko hayo, kumlinda Meneja Biashara Esther Paul ambaye siyo siri kuwa ni mpenzi wake", Kilisema chanzo chetu cha habari hii na kuongeza, "Kuanzia hapo Chongolo akishirikiana na watumishi wasio waadilifu, alianza kumfitini Kulangwa ili aonekane hafai kuongoza kampuni ya UPL, na kwa kuwa Chongolo ni mtu ambaye Nape alimpa jukumu la kusimamia vyombo vya habari vya CCM akionekana kumwamini sana, hivyo hakutilia shaka ripoti anazopata kutoka kwa Chongolo, naye aliafiki kuwa Kulangwa hafai.

Chanzo kilisema, kutokana na Bodi nayo ya UPL kushindwa kuwa na ubavu wa kuwakatalia Nape na Chongolo wazo lao la kumwondosha UPL Kulangwa kwa sababu hata Bodi yenyewe ya UPL ina walakini mkubwa, bila hata kutafakari kwa makini Juni 23, 2015, Bodi hiyo ilimsimamisha kazi Mhariri Mtendaji huyo hadi sasa.

"Ni ukweli ulio wazi hatua na Nape na Chongolo, kumuondoa Kulangwa kumekuwa ni pigo kwa UPL kwa kuwa si rahisi kumpata Mhariri Mtendaji mwenye sifa kama zake, kuwa mbali na kuwa mbunifu, mwenye kutetea haki na maslahi ya wafanyakazi bila ubaguzi na kuziba mianya ya wizi wa mapato ya kampuni, pia anaijua vizuri kampuni ya UPL kwa kuwa ndipo alipoanzia kazi ya Uandishi wa habari kabla ya kuhamia magazeti ya Majira na baadaye kwenda Habari leo kuwa Mhariri Mkuu", Kilidai chanzo hicho.

Waliongeza kwamba, "katika mda wake mfupi aliokuwa Mhariri Mtendaji katika UPL, Kulangwa alikuwa ameshaanza mikakati ya uwekezaji wa mali za kampuni ikiwemo nyumba tisa (9) zilizopo Dar es salaam, nyumba tatu (3) zilizopo Dodoma, nyumba moja iliyopo Morogoro na Shamba la ekari tatu (3) lililopo Nkuhungu Dodoma, Sasa kufukuzwa kwake kumezima ndoto za UPL kuinuka kwa sababu mbali ya kutegemea ruzuku ya CCM ambayo haipatikani kirahisi, Uwekezaji ndiyo njia pekee na mwafaka ambayo ingeiokoa UPL kutoka kwenye kitanzi cha kufa".

"Ni dhahri kwamba Nape na Chongolo wamechangia sana kuididimiza UPL na hii ilianza tangu mwaka 2012 kwa kumuondoa aliyekuwa Meneja Rasilimali Watu na Utawala Lucas Kisasa na kumpeleka kuwa Mratibu wa Chuo cha Siasa cha Ihemi, Iringa, akiwa amebakiza miezi minane tu ya kustaafu kazi. Hii ilifanyika tu ili kumuondoa ndani ya UPL kwa kuwa alikuwa akisimamia sheria na kuwa na msimamo wa kutokubali kuyumbishwa na viongozi hao", Walidai wafanyakazi hao na kuongeza.

"Mfano mwingine unaothibitisha kuwa Nape na Chongolo wamechangia kuididimiza UPL, ni huu; katika kikao cha wafanyakazi pamoja na Mwenyekiti wa Bodi ya Uhuru Media Group Adam Kimbisa kilichofanyika Juni 26, 2015 katika jengo la Makao Makuu ya Umoja wa Vijana wa CCM, Dar es Salaam, kutuliza mgomo wa wafanyakazi, pamoja na mambo mengine yaliyojadiliwa katika kikao hicho pia wafanyakazi walitoa taarifa kwamba kuna wizi katika Idara ya Biashara na kwa kuthibitisha hilo walikieleza kikao kwamba tayari Meneja wa Biashara Msaidizi Matangazo amesimamishwa kazi kwa ajili ya upotevu wa fedha. Katika hali ya kushangaza Nape alimtetea Meneja huyo kwa kusema kwamba fedha zenyewe alizoiba ni ndogo Sh.672, 000/= tu, sasa je kwa kauli hii kwa nini tusiseme kwamba anafuga wezi ndani ya kampuni kutokana na maslahi anayojua?" KilisemaChanzo chetu hicho cha habari hii.

Chanzo hicho kiliongeza kwamba katika kikao hicho pia kuna wafanyakazi walionyesha ushahidi wa nyaraka juu ya wizi unaofanyika kwenye kitengo cha matangazo, ambapo Mwenyekiti wa Bodi aliagiza ushahidi huo ukabidhiwe kwa Kaimu Mhariri Mtendaji Ramadhani Mkoma, kwa ajili ya kufanyiwa kazi lakini licha ya kukabidhiwa nyaraka hizo hakuna kilichofanyika hadi sasa na wafanyakazi wanaotuhumiwa katika ripoti hizo bado wapo.

Chanzo chetu kinaeleza kwamba baada ya kuondolewa Kulangwa, kampuni kwa sasa inaendeshwa kama ‘shamba la bibi’ kwa kuwa hakuna tena usimamizi thabiti wa taratibu na maslahi ya kampuni, kutokana na kwamba viongozi waliopo wanaonyesha kutojua vilivyo majukumu yao na hawana sifa.

Kinasema, hata Kaimu Mhariri Mtendaji aliyeko sasa Mkoma, amedhirihisha kufanya kazi kwa kutojiamini kuwa yeye ndiye msimamizi mkuu wa kampuni, kwa sababu amekuwa akionyesha kuwa bwana ndiyo kwa kila kinachofanywa na viongozi wa chini yake hata kama hakina tija kwa kampuni, mojawapo ya kutojiamini huko ni pale alipokubali Kaimu Meneja Rasilimali watu Paul Mg’ong’o kukarabati jengo la ofisi kwa gharama ya zaidi ya sh. Milioni saba ( sh. 7,671,000/=) wakati wafanyakazi hawajalipwa mishahara ya miezi mitatu na madeni mengine ya kisheria yakiwemo malipo ya waliostaafu.

"Kwa mfano kuanzia Mei 2011 hadi Juni 2015, kampuni imelimbikiza madeni ya kisheria ya wafanyakazi hadi kufikia zaidi ya sh. Bilioni 1.2, kiasi kwamba baadhi ya wafanyakazi wastaafu anaoishi katika nyumba za kampuni wamegoma kuondoka katika nyumba hizo hadi watakapolipwa fedha zao za kustaafu na madeni mengine, jambo ambalo hapo baadae wanaweza kuzihodhi kabisa nyumba hizo", kilisema chanzo chetu na kuzitaka nyumba zilizomo wastaafu hao wanaoidai Kampuni kuwa ni zilizopo Dar es Salaam, ya kwanza ipo Mwananyamala kwenye Plot Na. 82 Block 45 B, yapili ipo Mikocheni B, plot Na 559 na nyumba plot Na 1307/4 Block G iliyoko Tabata Mawenzi.

Mg’ong’o ambaye ni swahiba yake Chongolo, alilazimisha ukarabati huo ufanyike kwa kile kilichodaiwa kwamba alipata asilimia kumi kutokana na ukarabati huo, na hata vifaa vya ujenzi alikuwa akinunua yeye wakati yupo mnunuzi wa kampuni.

Chanzo chetu kinadai kwamba, kabla ya ukarabati huo, viongozi waliwadanganya wafanyakazi kwamba jengo litakarabatiwa kwa gharama ya sh. milioni 4,040,000/=. jambo ambalo halikuwa kweli, kwa kuwa taarifa zilizopo ni kwamba ukarabati huo umegharimu kiasi cha sh.7,671,000/= na bado ukarabati wenyewe haukukamilika jambo ambalo limekuwa kinyume na linatia mashaka.

"Kaimu Mhariri tendaji Mkoma alipaswa kukataa ukarabati huo kwa kuwa pamoja na kwamba ni kweli mfanyakazi anatakiwa kufanya kazi katika mazingiza mazuri na masafi lakini anatakiwa afanye kazi akiwa ameshiba na kuwa na uhakika wa maisha ya kesho yeye pamoja na familia yake na sio kufanyakazi katika nyumba nzuri akiwa na njaa halafu utegemee ufanisi wa kazi.
Unaweza ukajiuliza swali hili, hivi unaweza kukarabati nyumba yako wakati wanao wamerudishwa nyumbani wakidaiwa ada shuleni? Nadhani kama unaujua umuhimu wa elimu utakubaliana kwamba utalipa kwanza ada na kununua chakula halafu ndipo mambo mengine yatafuata", Kilisema chanzo chetu cha habari.

Chanzo chetu kilidai kuwa pia Meneja Rasmilimali na Utumishi aliyewekwa na uongozi wa Nape na Chongolo, Mg'ong'o ambaye kitaaluma si Mtawalani ila Mnunuzi (procure) naye uongozi wake unaitafuna UPL ikielezwa mifano mbalimbali ikiwemo kuchukua vifaa vya ofisi kupeleka nyumbani kwake na kutokuwa na kipaumbele katika matumizi ya fedha za kampuni.

Inadaiwa hivi karibuni amechukua kompyuta, kiti na meza na kuondoka navyo, jambo ambalo ni kinyumbe na utaratibu wa kiutawala na kiuongozi, na wakati anachukua vifaa hivyo vya kampuni alikataa kusaini na kuandika katika kitabu cha mlinzi kuwa anaondoka na mali hizo jambo ambalo lilimstua mlinzi na kuamua kuweka kumbulumbu hizo yeye mwenyewe.

Katika kutojali vipaumbele amewahi kuidhinisha kila kikao cha menejimenti wanachokaa pawe na posho ya sh 20,000/= pamoja na chips kuku hali akijua kuwa wafanyakazi hawajalipwa mishahara kwa mda mrefu na pia amekuwa akitumia madaraka yake vibaya, kwani pamoja na kupata posho ya usafiri ya sh 830,000/= kila mwezi amekuwa akitumia gari ya ofisi kwa shughuli zake binafsi.

Aidha, anayekaimu nafasi ya Mkaguzi Mkuu Caroline Kissamo pia hana sifa na hawezi kukagua kitu chochote wala kuandika ripoti yoyote kwa kuwa kisheria ripoti yake haitambuliki hadi awe na sifa za ukaguzi ambapo sifa mojawapo ni lazima awe na CPA ambayo hana.

MZIGO WA KULIPA MISHAHARA MARA MBILI KWA NAFASI MOJA

Chanzo hicho cha habari, kilisema, kutokana na maamuzi ya uongozi wa Kina Nape na Chongolo kuwasimamisha kazi viongozi waliokuwepo, kwa muda mrefu sasa kampuni imekuwa na mzigo mkubwa wa ulipaji mishahara mara mbili (Double payment), ambapo Mhariri Mtendaji aliyesimamishwa kazi Kulangwa, na Kaimu Mhariri Mtendaji Mkoma wote wanalipwa kiasi sawa cha mshahara na marupurupu mengine.

Kadhalika Meneja Rasilimali Watu na Utawala aliyesimamishwa Mpondachuma na anayekaimu nafasi yake kwa sasa Mng’ong’o nao wote wanalipwa kwa viwango sawa hali inayoelezwa ni kutokana na UPL kutokuwa na Uongozi makini tangu Bodi ya Wakurugenzi na kwamba kabla ya CCM kufikiria kuisaidia UPL katika suala la mtaji na upatikanaji wa mtambo ni vyema kampuni ikapatiwa viongozi makini, wachapakazi na wenye kujua masuala ya uongozi pia wenye taaluma zinazotakiwa katika kushikilia nafasi hizo katika nafasi zifuatazo:-

(i) Mhariri Mtendaji ambaye ndiye Mkuu wa Kampuni
(ii) Naibu MhaririMtendaji ambaye ndiye mkuu wa Idara ya Habari
(iii) Meneja Rasilimali Watu na Utawala
(iv) Meneja Biashara
(v) Mhasibu Mkuu
(vi) Mkaguzi wa Ndani Mkuu.

Nafasi hizo zinaweza kujazwa kwa CCM kuipatia kampuni watu wenye sifa au kwa kutoa idhini kwa kampuni kutangaza nafasi hizo ili kupata watu wenye, watu hao wakishapatikana ndipo kampuni iwezeshwe, kwani uongozi uliopo sasa hata kampuni ikipewa mtaji wa sh. bilioni 100 hakuna kitakachofanyika.

MADENI HEWA 

Chanzo chetu cha habari kilisema, Ili kampuni iweze kuondokana na baadhi ya wafanyakazi wabadhirifu ni lazima ufanyike ukaguzi wa miaka mitano nyuma, katika Idara ya Biashara ambapo kuna wasiwasi kuwa yapo madeni hewa kwa kipindi kirefu kwa kuwa tangu mwaka 2009 madeni yanasomeka ni bilioni mbili na zaidi hadi leo jambo ambalo linatia mashaka.

Pia ukaguzi huo uhusishe na idara zingine ikiwemo idara ya Fedha kwani kwa kipindi kirefu sasa kumekuwa na tofauti ya mahesabu baina ya idara mbili Biashara na Fedha, kwa kufanya ukaguzi huo itasaidia kuhakiki na kuwa na mahesabu ambayo yako sahihi na ukaguzi huo utasaidia kubaini wabadhilifu na hatua za kisheria ziweze kuchukuliwa dhidi yao. "Suala hilo lilishawasilisha na wafanyakazi kwenye kikao hicho cha 6/06/2015 alichokuwepo Nape na Mwenyekiti wa Bodi Kimbisa lakini hadi sasa hakuna hatua zozote ziizokwishafanywa, jambo ambalo linatia wasiwasi na maswali mengi kwamba kwanini hadi sasa ukaguzi huo haufanyiki?"Kiluliza chanzo chetu cha habari.

Why do we get hangovers? - Explained!


Brit Lab explains hangovers happen because first, alcohol makes us pee more and become dehydrated. Then, its breakdown in the body releases nasty things like acetaldehyde and cytokines, which can be responsible for our general feelings of nausea and headaches. Plus, since the liver is busy processing the alcohol, it can’t produce as much blood sugar during your slumber. As a result, you wake up feeling tired, irritable, and generally feeling like death.

Wizara ya Elimu yashirikiana na Wafadhili kutoa zawadi ya "Lipa Kulingana na Matokeo"


Serikali kwa kushirikiana na wafadhili wa maendeleo wanatekeleza programu inayojulikana kama Lipa Kulingana na Matokeo ambayo inalenga kutoa zawadi kwa Serikali kuu na Halmashauri kulingana na utekelezaji ambapo kwa kuanzia vigezo vifuatavyo vimewekwa kwa ajili ya kupima utendaji wa Halmashauri. Vigezo vilivyowekwa viliangalia Eneo la Ruzuku zinazopelekwa shuleni. 

Katika eneo hili Halmashauri 167 zilipimwa kwa kanuni ya kuchukua fedha iliyopelekwa shuleni.

Eneo lingine lililoangaliwa ni upatikanaji wa Takwimu. Eneo hili liliangalia idadi ya shule zilizopo kwenye Halmashauri ambazo takwimu zake zimekusanywa na kuwekwa mtandaoni.

Aidha, eneo lingine lililoangaliwa ni Uwiano wa Mwalimu kwa Mwanafunzi: Halmashauri zilipimwa kwa idadi ya shule ambazo zilikuwa na walimu wachache na zimeongezewa walimu. Hii ni kwa sababu Halmashauri zinapimwa uwezo wake wa kupunguza walimu kwenye shule zenye walimu wengi kupeleka kwenye shule zenye walimu wachache na pia kupanga walimu wapya kwenye shule zenye uhaba wa walimu.

Jumla ya Kila Halmashauri ilitakiwa ipate dola za kimarekani 7,000. Katika hili Serikali kuu pia inapimwa katika uwezo wake wa kupeleka walimu kwenye Halmashauri na kwa tawkimu zilizokusanywa mwaka 2014 wakati wa kusambaza walimu. Halmashauri 112 zilikuwa na uwiano wa kati ya 1:35 -1:50, Halmashauri 25 zilikuwa na uwiano zaidi ya 1:50 na Halmashauri 27 zilikuwa na uwiano wa chini ya 1:35.

Halmashauri ya zilizofanya vizuri na kupata zawadi ni Mbinga iliyopata shilingi 331,234,275.00, Chato 302,637,899.56, Busega 282,677,815.00, Lushoto 267,403,689.33 Nkasi 262,991,890.00, Liwale 260,836,890.00, Sikonge 244,679,555.61, Mbarali 216,749,648.88, Mpanda 213,341,853.60 na Tabora 185,191,379.60.









Uganda: Kenya-Tanzania row over oil pipeline deal

photo accessed by wavutic.com 03/25/2016 via Mike Mushi's tweet in a conversation from Irenei Kiria's tweet

By Frederic Musisi

Kampala — With one of them set to lose out on the proposed multi-billion dollar crude oil export pipeline deal from Uganda, a rift has developed between neighbouring Kenya and Tanzania.

Tanzanian authorities on Wednesday, it emerged, confiscated the passports of Kenyan energy secretary (minister), Charles Keter, Petroleum principal secretary, Andrew Kamau and energy principal secretary Joseph Njoroge and Lapsset CEO Sylvester Kasuku, and denied them access to the port of Tanga.

The Kenyan officials were in company of the Ugandan team led by Energy Minister Irene Muloni and other technical personnel, who were tasked early this week at a meeting between President Museveni and his counterpart Uhuru Kenyatta to analyse the cost-benefit of the proposed routes for the multi-billion dollar pipeline infrastructure.

According to Daily Nation, our sister newspaper, the Tanzanian "officials took away the travel documents" reportedly in reciprocation of Kenya's failure to invite a team from Tanzania to Lamu port, when the Ugandan team had toured or to the Monday's Nairobi State House talks.

"They [have] also refused us entry into the port of Tanga," Mr Njoroge told Daily Nation.

The Kenyan and Ugandan officials started with the inspection of the port at Lamu, an archipelago in the Indian Ocean. This is the first proposed route destination of the pipeline from the Albertine Graben/Hoima via Kenya's Lokichar oil belt at Lokichar, to the coast.

The route to Lamu is approximately 1,300 km (808 mile) with a tagged cost of $4.5b (approx. Shs14.9t). The port is part of Kenya's ambitious Lamu Port Southern Sudan-Ethiopia Transport (LAPSSET) Corridor project, poised to be the country's second transport corridor after the Mombasa port corridor.

The second proposed route is from Hoima snaking down south to Tanzania via Masaka to Bukoba to the Tanga port at the Indian Ocean. The route measures approximately 1,403kilometer (876-miles) pegged on a cost of $4b (Shs13t), according to earlier studies.

Uganda has since last year been oscillating between her two neighbours with the pipeline deal, one of the key infrastructures required besides a mid-size [30,000 barrels per day] refinery, as the three international oil companies, UK's Tullow, France's Total and China's Cnooc, make preparations to leap to the next phase of field development/production. The pipeline will facilitate exportation of oil to the international market.

Uganda has a long-standing trade relationship with Kenya to the East while Tanzania is a long-standing political/historical ally to the South. Over 90 per cent of Ugandan cargo, according to ministry of Trade data, goes through the Mombasa port and about 2 per cent goes through the Dar es Salaam port.

Ms Muloni could not be reached immediately by her phone number for an update about the ongoing negotiations. The technical team declined to comment on the pipeline discussions and referred the issue to the minister.

However, an official close to the discussions, intimated to this newspaper that following Monday's presidential meeting, the Kenyan side has offered some incentives like dropping all the proposed tariff rates for the oil flow and has also indicated "maximum" security will be guaranteed for the infrastructure.

Kenya had initially protested some preconditions, which left a deal with them hanging, and prompted Uganda to start talks with Tanzania. If guaranteeing security at Lamu was not convincing enough, the official said, Kenya had also put cards on the table for Mombasa port.

By press time yesterday, engagements were ongoing with the Tanzanian side.

At Monday's meeting where Tanzania was not invited between Presidents Museveni and Kenyatta, technical teams from both sides were directed to harmonise presentations.

The benchmarks for the viability of the export route will be determined by least-cost option for a regional integrated pipeline, addressing constructability issues along all routes--existing and planned infrastructure, terrain, and elevations, assessing and confirming proven [oil] reserves.

The two presidents are set to reconvene in two weeks' time over the matter.

THE BACKGROUND

Uganda's current stock tank oil in place stands at 6.5 billion barrels [1.4b recoverable] while in Kenya, Tullow Oil recently completed exploration and appraisal phases in South Lokichar, and only 600 million barrels of oil have been discovered so far. Tanzania's gas reserves on the other hand are estimated at around 55 trillion cubic feet; which all require the pipeline.

Vigogo Kenya wakwama kufanya umafia


MRADI wa ujenzi wa bomba la mafuta ghafi kutoka mkoani Tanga hadi Hoima nchini Uganda, umechukua sura mpya baada ya Serikali ya Tanzania kushtukia umafia wa baadhi ya vigogo wa Serikali ya Kenya.

Kutokana na hali hiyo vigogo hao walijikuta wakikwama na kunyang’anywa hati za kusafiria walipokuwa wakijaribu kuingia kinyemela katika Bandari ya Tanga.

Maofisa hao waandamizi wa Kenya akiwamo Waziri wa Nishati, Charles Keter, walizuiwa huku ujumbe kutoka nchini Uganda, ulioongozwa na Waziri wa Nishati, Irene Muloni, ukiruhusiwa kuendelea na ziara hiyo bila kusumbuliwa.

Maofisa waandamizi wa Kenya walianza safari yao Lamu, ambako walikagua mradi wa ujenzi wa bandari ya Lamu kabla ya kuelekea Bandari ya Tanga.

Safari hiyo ilikuwa sehemu ya operesheni ya kutatua mvutano baina ya Kenya na Uganda kuhusu mpango wa ujenzi wa bomba la kusafirisha mafuta ya Uganda kupitia Kenya au Tanzania.

Tukio hilo limevuta hisia na kuonesha kiu ya Kenya kuutaka mradi huo kwa udi na uvumba na namna inavyoleta mtihani kwa ushirikiano wa Jumuiya ya Afrika Mashariki.

Mamlaka za Tanzania zilichukua nyaraka za kusafiria za Keter, Katibu Mkuu wa Petroli, Andrew Kamau na mwenzake wa Nishati, Joseph Njoroge na Ofisa Mtendaji Mkuu wa Mradi wa Ujenzi wa Miundombinu ya Lamu, Sudan Kusini na Ethiopia (Lapsset), Sylvester Kasuku, wakati wakijaribu kuingia Bandari ya Tanga kwa mgongo wa ujumbe wa Uganda.

Hatua hiyo inaelezwa kuwa ni moja ya mkakati kwa Tanzania kulipiza kisasi kwa kitendo cha Kenya kutowaalika Lamu wala katika mazungumzo yaliyofanyika Ikulu, Nairobi, baina ya marais Uhuru Kenyatta wa Kenya na Yoweri Museveni wa Uganda Jumatatu wiki hii.

Katika kikao hicho maofisa wa Uganda na wawakilishi wa kampuni za mafuta pekee ndiyo walioalikwa katika mkutano wa Nairobi ilihali ikifahamika Tanzania ina maslahi katika mradi huo.

Kutokana na tukio hilo, Kamau alithibitisha hati za kusafiria za maofisa wa Kenya zilichukuliwa wakati walipowasili Tanga kukagua bandari, ambayo imependekezwa kwa upande wa Tanzania kutumika kusafirisha mafuta ghafi kutoka Uganda.

“Kimsingi tu mateka hapa. Wamekataa kuturudishia hati zetu za kusafiria kwa karibu saa moja. Pia wamekataa kuturuhusu kuingia katika bandari ya Tanga,” Kamau alisema alipohojiwa na gazeti la Daily Nation la nchini Kenya.

“Wameruhusu ujumbe wa Uganda tu kuingia bandarini,” alisema. Hati zetu za kusafiria zilirudishwa karibu saa moja baadaye,” alisema.

Mkataba wa Vienna wa mwaka 1961 unalinda viongozi wenye hadhi ya kidiplomasia, wenye hati za kidiplomasia wanaowasili katika bandari ya kigeni kwa kawaida hupewa stahili fulani za kuingia maeneo hayo.

Lengo la kufanya hivyo ni kulinda wanadiplomasia wa kigeni dhidi ya vikwazo visivyo na sababu wakati wakitimiza shughuli zao.

Hata hivyo ni wajibu wa kuituma Wizara ya Mambo kupitia ubalozi ulio karibu, kuitaarifu nchi wenyeji kuhusu ziara ya ujumbe huo.

Katika tukio hilo kufahamika kama Kenya iliijulisha Tanzania kuhusu ziara hiyo.

Wakati wa mkutano wa Jumatatu, Kenya na Uganda zilishindwa kuafikiana kuhusu ujenzi wa bomba hilo kupitia ukanda wa Kaskazini, kutoka Hoima nchini Uganda kupitia Lokichar, hadi Lamu, wakati Rais Museveni alipoibua maswali kuhusu uwezekano wa mradi huo, bandari ya Lamu kuchelewa pamoja na wasiwasi wa kiusalama nchini Kenya.

Kampuni za mafuta zinazoendesha utafiti nchini Uganda zilikuwa zimeonya kuwa mipango ya Uganda kuanza kuvuna mafuta mwaka 2018 inaweza kuchelewa iwapo itaendelea na mpango wa kujenga bomba hilo nchini Kenya.

Kampuni hizo ni Total, Tullow Oil plc na China National Offshore Oil Company (CNOOC).

Hata hivyo, Tullow Oil plc imekana kuwa na mkono katika utafiti huo.

Tullow imeeleza wazi kuhusu mtazamo wao wa njia za kaskazini na kusini kupitia Kenya kuwezekana kiufundi, ambapo kwa mujibu wa taarifa yake kupitisha bomba la mafuta katika njia ya Kaskazini kuna manufaa zaidi kifedha kwa mafuta ghafi ya Kenya na Uganda.

Baada ya mkutano wa Jumatatu, ujumbe wa Uganda ukiongozwa na Muloni, na timu ya Kenya ikiongozwa na Keter zilipewa kazi ya kufanya mikutano ili kuja na msimamo wa pamoja kuhusu bomba la mafuta na kuripoti kwa marais wakati wa mkutano utakaofanyika Kampala nchini Uganda wiki mbili zijazo.

Baada ya kufanya vikao virefu siku ya Jumanne, timu hizo mbili zilielekea Lamu kukagua maendeleo ya ujenzi wa bandari.

Wakiwa Lamu, maofisa walitembelea magati matatu ya kwanza ya bandari yanayotarajiwa kujengwa.

Baadaye walifanya mkutano wa ndani na wadau wa mradi wa Lamu, Lapsset, Mtendaji wa Ardhi wa Kaunti ya Lamu na watalamu wa sekta ya mafuta baadaye msafara huo walielekea Tanga Tanzania.

Waziri wa Mambo ya Nje wa Kenya, Amina Mohamed, alinukuliwa na gazeti la Nation kwamba wizara yake ilimuagiza balozi wa Kenya mjini Dar es Salaam, Chirau Mwakwere, kutatua suala hilo na Serikali ya Tanzania.

“Balozi wetu anawasiliana nao na anajaribu kutatua tatizo hili. Nitakutaarifu baadaye kuhusu yaliyojiri,” alisema kwa njia ya simu.

Hata hivyo Balozi Mwakwere, alisema hafahamu suala lolote.

“Sifahamu unachozungumza. Iwapo nitajua ningekuwa na taarifa. Lakini subiri nifuatilie,” alisema Balozi Mwakwere .

Kauli ya RC Shigella

Kutokana na tukio hilo MTANZANIA ilimtafuta Mkuu wa Mkoa wa Tanga, Martine Shigella, ili kupata ufafanuzi wa suala hilo ambapo alisema hawakuwa na taarifa za ujio wa wageni kutoka Kenya.

“Mgeni anapokuja ni lazima ujue anatoka wapi na anakwenda wapi, sasa anaingia ndani hana maaelezo ya kina utampeleka wapi? Sisi kama mkoa tuliwaambia hatuna taarifa za ujio wao,” alisema RC Shigella.

Taarifa ya serikali: Uhakiki wa orodha ya malipo hautachelewesha mishahara


Maafisa wasimamishwa kazi kwa kushiriki kuiba mafuta ya ndege na mizigo ya wateja JNIA


VITA ya kutumbua majipu kwa watumishi wa Serikali wasiokuwa waaminifu imeendelea kushika kasi, baada ya jana Naibu Waziri wa Mambo ya Ndani, Mhandisi Hamad Masauni kuagiza kusimamishwa kazi mara moja askari watatu wa Jeshi la Zimamoto na Uokoaji kwa tuhuma za wizi wa mafuta ya ndege na mizigo ya abiria.

Waziri Masauni alitoa agizo hilo juzi wakati wa kikao chake na watendaji wa jeshi hilo, baada ya kufanya ziara ya kushtukiza Uwanja wa Ndege wa Kimataifa wa Julius Nyerere (JNIA).

Aliwataja askari hao kuwa ni Halfan Kisana, Mussa Mandauli na Abias Mwanza ambao walipangwa kwa ajili ya kazi maalumu uwanjani hapo.

“Mmenisomea ripoti yenu, nashangaa mmeshindwa kunifafanulia suala la wizi wa mafuta, mmekamata wezi wangapi na kiasi gani cha mafuta yaliyoibiwa. Ninazo taarifa kuwa baadhi ya askari wakiwamo hao niliowataja wanadaiwa kuhusika katika wizi huo.

“Nina taarifa kwamba Kisana na mwenzake Mandauli Oktoba 7, mwaka jana, saa mbili asubuhi wakitumia gari la Mkuu wa Kituo wa Jeshi la Zimamoto aina ya Landrover yenye namba za usajili ST 2948 walikamatwa lango la kuingia kikosi cha Jeshi la Wananchi wa Tanzania (JWTZ), 603 KJ, wakiwa wamepakia madumu 10 yenye ujazo wa lita 20 yakiwa na mafuta ya ndege,” alisema.

Alisema tukio hilo liliripotiwa kituo cha polisi, lakini askari hao hawakuchukuliwa hatua zozote badala yake walipandishwa vyeo.

“Hii haiwezekani, nataka askari hawa wasimamishwe kazi na uchunguzi ufanyike haraka ndani ya siku 14. Maana rubani naye ni binadamu, anakwenda na kuweka mafuta kwenye ndege yake baadae anakuja kuiwasha na kuondoka akijua yapo mafuta ya kutosha, kumbe yameibwa bila yeye kujua, matokeo yake ndege inakwenda kuanguka, hatukubalini na suala hili, lazima hatua zichukuliwe dhidi yao ili iwe fundisho kwa wengine,” alisema.

Katika hatua nyingine, ameliagiza jeshi hilo kuwatafuta wamiliki wa gari lenye namba za usajili T 225 AWM aina ya Saloon GX na gari lenye namba za usajili T 786 AWZ ambayo pia yanadaiwa kutumika kubeba mafuta ya wizi kwa nyakati tofauti.

Alisema gari lenye namba T 786 AWZ lilikutwa limebeba mafuta hayo Januari 8, mwaka huu, huku lenye namba T 225 AWM lilibeba mafuta Januari 13, mwaka huu.

“Na hii yenye namba T 225 AWM nimeiona hapa uwanjani leo (jana), nataka wahusika wote watafutwe, wahojiwe na waeleze yale madumu yaliyokutwa kwenye magari yao walipeleka wapi mafuta, ikibainika wahusika ni askari wenyewe wachukuliwe hatua.

“Kwa sababu hatuwezi kufika mahala tukawa na watu wa usalama ambao nao ni wezi, nasikia kuna baadhi yenu hamtaki kukaguliwa, suala hilo nataka likome mara moja, vinginevyo hawa wanaokataa kukaguliwa wanaweza kutumiwa na watu kupitisha nyara za Serikali zilizoibwa.

“Awali nimewaeleza kwamba mnafanya kazi nzuri ya kulinda usalama, hawa wachache wenu watatuchafua, nimewataja hadharani ili wajue tunawajua na tutawashughulikia,” alisema.

Alisema askari mwingine, Abiasi Mwanza anadaiwa kushirikiana na mfanyakazi wa Kampuni ya Swisspot, Lucas Mwaganda kuiba mizigo ya abiria uwanjani hapo.

“Nina taarifa Agosti 26, 2014 saa 8 usiku, Mwanza na Mwaganda walinaswa na kamera za usalama (CCTV) wakiiba mizigo ya abiria iliyokuwa kule ‘Cargo’. Mwaganda aliingia na kuitoa mizigo hiyo kisha aliwasiliana na Mwanza ambaye alifika na pikipiki na kuichukua na kuondoka nayo,” alisema.

Alisema tukio hilo liliripotiwa polisi, hata hivyo Mwanza alihamishwa na kupelekwa makao makuu ya jeshi hilo ambako alipandishwa cheo na kuwa Inspekta.

“Pamoja na hayo, nataka muwasilishe ofisini kwangu ndani ya siku 14 mikakati yenu endelevu ya namna ya kuepukana na aibu hii kwa viwanja vyote vya ndege nchini.

“Upande wa Idara ya Uhamiaji, nimechukua ripoti yao nakwenda kuiangalia kuona kama mapato ya visa tunayopata yanaendana na idadi ya wateja wanaoingia nchini, maana tumepata taarifa kuna vijana wanataka kupata utajiri wa haraka haraka hapa, tutachunguza suala hili,” alisema.

Naye Kamanda wa Jeshi la Zimamoto na Uokoaji kwenye uwanja wa JNIA, Martin Otieno, alisema wamekuwa wakikabiliana na changamoto mbalimbali uwanjani hapo, ikiwamo upungufu wa askari.

“Tumefanikiwa kupunguza uhalifu, bado tunakabiliwa na changamoto ya wizi wa mafuta ya ndege, na tuna upungufu wa askari 99 kwa ajili ya kuimarisha ulinzi hapa uwanjani katika maeneo 31 tunayoyasimamia,” alisema.

Waziri huyo pia alikutana na maofisa wakuu wa jeshi hilo katika kikao cha ndani makao makuu ya jeshi hilo.

“Niliwaagiza kuwa wanatakiwa kuanzisha mara moja kitengo maalumu cha kupokea malalamiko ya wananchi,” alisema.

Taarifa ya mabadiliko katika ratiba ya shughuli za Kamati za Bunge

TAARIFA KWA UMMA

Kufuatia mabadiliko ya tarehe ya kupokea Mapendekezo ya Mpango na kiwango cha Ukomo wa Bajeti ya Serikali kwa Mwaka wa Fedha 2016/2017, Ofisi ya Bunge imefanya mabadiliko ya tarehe za shughuli za Kamati za Bunge kuelekea Mkutano wa tatu wa Bunge (Mkutano wa Bajeti) ili kuendana na masharti ya Kanuni za Bunge kuhusu shughuli hizo.

Kwa mabadiliko hayo, ratiba ya shughuli za Kamati itakuwa kama ifuatavyo:-
  1. Tarehe 29/3/2016 hadi tarehe 4/4/2016 Kamati za Kudumu za Kisekta zitatembelea na kukagua utekelezaji wa miradi iliyotengewa Fedha kwa Mwaka wa Fedha 2015/2016 kwa mujibu wa Kanuni ya 98(1) ya Kanuni za Bunge. Hapo awali kazi hii ilipangwa kufanyika tarehe 31/3/2016 hadi 6/4/2016.
  2. Tarehe 5/4/2016 – Kwa mujibu wa Kanuni ya 96 ya Kanuni za Bunge, Serikali itawasilisha Dondoo na Randama za Vitabu vya Bajeti kwa Mwaka wa Fedha 2016/2017. Awali kazi hii ilipangwa kufanyika tarehe 29/3/2016;
  3. Tarehe 6/4/2016 – Kwa mujibu wa Kanuni ya 97(1)-(2) ya Kanuni za Bunge kutakuwa na Mkutano wa Wabunge wote ambapo Serikali itawasilisha Mapendekezo ya Mpango na kiwango cha ukomo wa Bajeti ya Serikali kwa Mwaka wa Fedha 2016/2017. Awali kazi hii ilipangwa kufanyika tarehe 30/3/2016;
  4. Tarehe 7/4/2016 hadi 15/4/2016 – Kwa mujibu wa Kanuni ya 98 (2) ya Kanuni za Bunge, kwa kipindi cha siku tisa (9) Kamati za Kudumu za Kisekta zitachambua taarifa za utekelezaji wa Bajeti za Wizara zinazosimamiwa na Kamati hizo. Katika kipindi hicho, Kamati ya Bajeti itafanya uchambuzi wa Mapendekezo ya Mpango na kiwango cha ukomo wa Bajeti kwa Mwaka wa fedha 2016/2017. Awali Kamati ya Bajeti ingefanya kazi hii kuanzia tarehe 31/3/2016 hadi 6/4/2016;
  5. Tarehe 15/4/2016 – Kwa mujibu wa Kanuni ya 98(3) ya Kanuni za Bunge kutakuwa na Kikao cha pamoja kati ya Kamati ya Uongozi na Kamati ya Bajeti ili kujadili mambo muhimu yaliyojitokeza kwenye Kamati za Kisekta wakati wa kujadili utekelezaji wa Bajeti za Wizara mbalimbali;
  6. Tarehe 16 na 17 Aprili, 2016 kama ilivyokuwa imepangwa awali Wabunge wataelekea Dodoma tayari kwa Shughuli za Mkutano wa Tatu wa Bunge ambao utaanza tarehe 19 Aprili, 2016.

Makabidhiano ya ofisi TBC kati ya Mkurugenzi Mkuu anayeingia Dk Ryoba na anayetoka Mshana


Mkurugenzi mstaafu wa Shirika la Utangazaji Tanzania (TBC) Bw. Clement Mshana (kulia) akimkabidhi Mkurugenzi mkuu mpya wa shirika hilo Dk. Ayoub Ryoba, Taarifa ya Makabidhiano ya ofisi juzi jijini Dar es Salaam.

Waziri asitisha usajili wa asasi, vyama, misikiti na vikundi

WAZIRI wa Katiba na Sheria, Dk Harrison Mwakyembe ameuagiza Wakala wa Usajili, Ufilisi na Udhamini (RITA) kusitisha mara moja usajili mpya wa wadhamini wa asasi, vyama, misikiti na vikundi mbalimbali vya kijamii kwa lengo la kufanya uhakiki wa uhalali wa kuwepo wa taasisi hizo kisheria.

Ameagiza kuwa uhakiki huo ukamilike ndani ya miezi mitatu (siku 90) kuanzia sasa na orodha kamili ya wadhamini ikiwa ni pamoja na picha zao, anuani ya posta na makazi, na taarifa nyingine muhimu za utambuzi wa taasisi hizo mahali zilipo. Taarifa hizo ziwasilishwe RITA na nakala wizarani kwa uhakiki na kumbukumbu.

Dk Mwakyembe alitoa agizo hilo, alipokutana na watendaji na uongozi wa Bodi ya RITA, Dar es Salaam jana kwa lengo la kuboresha utendaji wa Wakala na kuendana na kasi ya Serikali ya Awamu ya Tano. RITA ina zaidi ya wadhamini 5,000 walio kwenye vitabu vyao vya usajili.

Aidha, Waziri huyo ameitisha kikao wiki ijayo cha mamlaka zote zinazohusika na usajili wa vikundi vya kijamii, mashirika, kampuni na asasi mbalimbali kwa lengo la kuimarisha taratibu za usajili na uendeshaji na kuboresha mawasiliano baina ya vyombo vya usajili vya dola ili kulinda maslahi mapana ya Taifa.

RC Makonda aendelea kugonga milango kuomba baraka za viongozi wa dini na busara za wazee


Mufti Zubery, akifanya mazungumzo na Makonda.

Rais Magufuli ahudhuria ibada ya Ijumaa Kuu


Paroko wa Parokia ya Mtakatifu Petro Stephano Kaombwe akiongoza Ibada ya Ijumaa kuu katika Kanisa la Mtakatifu Petro Oysterbay jijini Dar es salaam leo Ijumaa, Aprili 25, 2016

Kusimamaishwa kazi Wakurugenzi wa TFS na kukamatwa tumbili 61 waliokuwa wasafirishwe ng'ambo

Waziri Maghembe (kulia) akizungumza katika Mkutano na Waandishi wa Habari kuhusu kumsimamisha kazi Mtendaji Mkuu na Wakurugenzi watatu wa TFS katika ukumbi wa Ngorongoro Makao Makuu wa Wizara hiyo Mpingo House Jijini Dar es Salaam juzi. Kushoto ni Naibu Waziri wa Wizara ya Maliasili na Utalii Eng. Ramo Makani

WAKATI Waziri wa Maliasili na Utalii, Profesa Jumanne Maghembe akiwasimamisha kazi mara moja wakurugenzi wanne na mameneja saba wa Kanda wa Wakala wa Huduma za Misitu Tanzania (TFS) na Idara ya Wanyamapori kutokana na usimamizi mbovu wa rasilimali za nchi, ndege iliyokuwa ikisafirisha tumbili 61 nje ya nchi imekamatwa.

Mbali ya ndege hiyo ya mizigo ya Afrika Kusini, serikali inawashikilia watu kadhaa kwa kosa la kutaka kusafirisha nyani hao, rubani wake na watu waliohusika kutoa vibali vya kusafirisha nyani hao kinyume cha sheria.

Aidha, Profesa Maghembe amesema magogo yenye thamani ya Sh milioni 500 yaliyokuwa yamekatwa katika msitu wa Kalambo wilaya ya Kalambo mkoani Rukwa hivi karibuni, yametekezwa kwa moto na kuisababishia hasara serikali.

Waliosimamishwa kutoka TFS ni Mtendaji Mkuu wa Wakala huo, Juma Mgoo, Mkurugenzi Rasilimali Misitu, Zawadi Mbwambo na Mkurugenzi wa Matumizi Rasilimali Misitu, Nurdin Chamuya huku aliyesimamishwa kutoka Idara ya Wanyamapori ni Mkurugenzi Msaidizi Idara ya Wanyamapori Matumizi Endelevu, Dk Charles Mulokozi.

Baada ya kuwasimamisha hao amewateua watu wengine kushika nafasi zao wakati mchakato wa kuwapata watendaji wapya ukifanyika na walioteuliwa kukaimu nafasi hizo ni Kaimu Mtendaji Mkuu TFS, Gerald Kamwendo, Kaimu Mkurugenzi Rasilimali Misitu, Mwanaidi Kijazi, na Kaimu Mkurugenzi wa Matumizi Rasilimali Misitu, Haji Mpya na Kaimu Mkurugenzi upande wa Utawala, Emmanuel Winfred.

Profesa Maghembe alisema amewasimamisha kazi vigogo hao kwa kushindwa kusimamia na kudhibiti uvunaji haramu wa magogo, kusimamia ukusanyaji wa mapato na kushindwa kudhibiti usafirishaji wa wanyamapori.

Mbali na wakurugenzi hao, pia amewasimamisha kazi mameneja saba wa kanda wa TFS kwa kushindwa kusimamia ukusanyaji mapato yatokanayo na misitu katika maeneo yao.

Waliosimamishwa kazi na kanda zao katika mabano ni Hubert Haule (Kusini), Bakari Rashid (Mashariki), Cuthbert Mafipa (Kaskazini), Emmanuel Minja (Magharibi), Haji Khatibu (Ziwa) na Bruno Mallya (Nyanda za Juu Kusini).

Profesa Maghembe alisema amewasimamisha kazi maofisa hao kwa kushindwa kusimamia na kudhibiti uvunaji haramu wa magogo aina ya mkurungu na kusababisha uharibifu mkubwa katika Msitu wa Kalambo.

Jambo lingine ni ukusanyaji mapato ya serikali yatokanayo na misitu, lakini wakashindwa kuyapeleka benki na waliopeleka walipeleka kiwango kidogo kuliko walichokusanya na wengine hawakupeleka kabisa mapato hayo.

Kuhusu Mkurugenzi Msaidizi wa Idara ya Wanyamapori Matumizi Endelevu, Dk Mulokozi, alisema amemsimamisha kazi kupisha uchunguzi kutokana na kutoa kibali cha kusafirisha nyani 61 kati ya 450 waliokamatwa katika maeneo mbalimbali ya Kilimanjaro na Arusha wakati alimpa maelekezo ya kutokutoa vibali hivyo kwa siku nane.

Mapato

Kuhusu mapato, alisema Januari mwaka huu aliagiza kufanyika ukaguzi wa makusanyo ya fedha, zilizotokana na mapato ya maliasili na namna mameneja wa TFS walivyoshiriki kukusanya fedha na kuziwasilisha serikalini.

Alisema Kamati iliundwa kuchunguza ukusanyaji wa mapato katika kanda mbalimbali. Alisema kamati hiyo ilibaini mapungufu makubwa na ilitoa mapendekezo ya kufanyiwa kazi.

“Kamati imepitia na wametoa maelekezo zichukuliwe hatua za kinidhamu mapema iwezekanavyo.Wale ambao wa kufukuzwa kazi wafukuzwe, wale wa kusimamishwa kazi na wasimamishwe na kushtakiwa na wale wa kupata makaripio makali wapate,” alisema Profesa Maghembe.

Aliongeza kuwa licha ya mapendekezo hayo, TFS haikuchukua hatua zozote juu ya watumishi hao. Waziri huyo alisema anaona biashara zinaendelea kama kawaida bila hatua zozote.

Magogo

Alisema hivi karibuni walipokea taarifa ya uvunaji wa magogo katika msitu wa Kalambo kutoka kwa Mkuu wa Wilaya ya Kalambo, William Ndile na aliyekuwa Mkuu wa Mkoa wa Rukwa, Magalula Magalula wakiomba msaada wa wizara juu ya udhibiti ilhali TFS ikiwa kimya.

Alisema baada ya taarifa hiyo, ilitumwa timu maalumu ya kuchunguza makosa makubwa kwenda kufanya uchunguzi.

Alisema timu hiyo iliona ni kweli magogo jamii ya mninga, yanakatwa na kutayarishwa huko huko na kisha kupakiwa katika makontena na kufungwa na rakili ya Mamlaka ya Mapato Tanzania (TRA) na nyaraka zinatengenezwa Zambia kwa kuwa Tanzania hairuhusu kusafirisha magogo nje ya nchi.

“Kwa kuwa inajulikana sisi kwa sheria zetu hairuhusiwi kusafirisha magogo nje ya nchini, rakili inafungwa huko huko porini na nyaraka zinatoka Zambia na wakati mwingine makontena hayo hupitishiwa Zambia na kuingizwa nchini na kupitishwa hadi bandarini,” alibainisha Waziri.

Alisema yote hayo yalikuwa yakifanyika huku TFS wakifahamu juu ya uvunaji huo wa magogo, ambao Meneja wa Wilaya na Mkoa walikuwa na taarifa na hata yeye alipofika huko, alishuhudia uharibifu huo wa misitu.

Alisema kuwa aliagiza magogo hayo, yaliyopo msituni yatolewe msituni, yapelekwe Matai yaliko makao makuu ya wilaya kwa ajili ya kuyapiga mnada ili fedha zake zikasaidie shughuli nyingine za serikali kama kununua vifaa tiba.

Lakini baada ya wao kuondoka huko Machi 9, mwaka huu na kudhani kuwa magogo yote sasa yatakuwa yametolewa hadi Matai ili uandaliwe utaratibu wa kuyapiga mnada, ameambiwa kuwa magogo yale yamemwagiwa petroli na kuchomwa moto yakiwa na thamani ya Sh milioni 500.

“Kwa wiki mbili tangu tuagize magogo haya yawe yametolewa msituni, kama TFS wangechukua hatua haraka za kutoa magogo hayo, fedha za serikali zisingeweza kuchomwa moto na kukaa kuhangaika kupata fedha za kununulia dawa wananchi,” alieleza Profesa Maghembe.

Alisema kuna matatizo mengi katika TFS katika uvunaji wa misitu na wamekuwa wakifanya uchunguzi. Alisema kuna wavunaji misitu husafirisha mazao hayo kwa kutumia vivuli vya vibali, badala ya vibali halisi.

Maeneo mengine aliyoyasema yana matatizo ni katika vivuko vya ukaguzi, ambako alisema wapo watu ambao hawalipishwi ushuru kutokana na urafiki wao.

Hivyo alisema wamekubaliana na serikali, kubadilisha uongozi wa TFS ili kupata watu wengine, watakaoweza kusimamia vyema mapato ya serikali na rasilimali za misitu.

Nyani (tumbili)

Katika tukio lingine, Profesa Maghembe alisema juzi usiku kwenye Uwanja wa Ndege wa Kimataifa wa Kilimanjaro (KIA), wamekamata watu wakitaka kusafirisha nyani ‘Velvety Monkey’ 61 kwenda nje ya nchi kwa kutumia ndege ya mizigo ya kukodi kutoka Afrika Kusini.

Alisema watu hao kutoka Ulaya Mashariki na washirika wao wa hapa nchini, walikodisha ndege ili kuwaondoa tumbili hao kwenda Ulaya Mashariki. Alisema harakati za kukamata tumbili hao porini zilianza wiki iliyopita na jumla ya idadi yao ni 450 ilhali kuna taasisi zinazolinda hayo mapori bila walinzi wa mapori hayo kujua.

Maghembe alisema tumbili hao walikamatwa kutoka Upare, Hanang, Manyara na Mlima Kilimanjaro na aliwaita wasimamizi na kuwapa taarifa juu ya watu hao, wanaokamata tumbili porini.

“Nikiwa Moshi katika Ofisi ya Mkuu wa Mkoa nilimuita Mkurugenzi Msaidizi Idara ya Wanyamapori Matumizi Endelevu, Dk Charles Mulokozi na kumuarifu juu ya kamata kamata hiyo na kumuagiza kutotoa kibali cha kusafirisha wanyama ili tuwakamate watu hao, lakini baadaye tukagundua yeye ndio amesaini kibali hicho kutoka Dar es Salaam,” alisema Maghembe.

Alisema watu hao hawakufuata taratibu, kwani hawakuwa na kibali cha kukamata wanyama hao na ofisi yake ina taarifa za kutokuwepo mtu aliyeomba kukamata.

Alimtaka Katibu Mkuu, Meja Jenerali Gaudence Milanzi kufanya uchunguzi wa kina tangu kukamatwa kwa twiga waliokuwa wakisafirishwa nje na waangalie wanaotoa vibali hivyo na wanaohusika na biashara ya wanyamapori.

Polisi yazungumza

Kwa upande wake, Polisi mkoani Kilimanjaro imesema imewakamata watu wawili raia wa Uholanzi kwa tuhuma za kusafirisha wanyamapori aina ya tumbili kupitia KIA; anaandika Arnold Swai kutoka Moshi.

Kamanda wa Polisi mkoani Kilimanjaro, Wilbroad Mutafungwa alisema watu hao walikamatwa Machi 23, saa moja jioni, wakiwa katika uwanja wa Kia tayari kuwasafirisha wanyama hao.

Kamanda Mutafungwa alisema wanyama hao walikuwa 61 ambao walikuwa kwenye masanduku sita ya mbao na walikuwa wakisafirishwa kwenda Armenia kwa kutumia Kampuni ya Arusha Fright Limited. Alisema wanyama hao walikamatwa eneo la mizigo la CAGO na walikuwa wasafirishwe kwa ndege binafsi yenye namba EW/36 4G.

Aliwataja watuhumiwa waliokamatwa ni Artem Vardanian (52) mwenye hati ya kusafiria namba NWF8CKJR8 na Edward Vardanian (46) mwenye hati ya kusafiria namba NY969P96, wote wakiwa ni raia wa Uholanzi.

Alisema watuhumiwa wanashikiliwa katika Kituo cha Polisi KIA na wanyama wamehifadhiwa na uchunguzi unaendelea kufanyika kwa kushirikiana na Wizara ya Maliasili na Utalii.
Baadhi ya Waandishi wa habari Waliohudhuria Mkutano huo wa Waziri wa Maliasili na Utalii Prof. Jumanne Maghembe katika ukumbi wa Ngorongoro Makao Makuu wa Wizara hiyo Mpingo House Jijini Dar es Salaam leo