Leadership tips on Negotiations Skills - Simon MacDowell


Leaders today face complex and diverse challenges in their day-to-day functions and in the effort to deliver sustainable development in their respective capacities. Therefore, leaders - in Africa and beyond – need the requisite capabilities, skills and competencies to tackle these challenges.

UONGOZI Institute’s training tips on ‘Negotiation Skills’ are therefore designed to equip present and future leaders in Africa with the basic and practical tools needed to communicate with their counterparts when brokering a deal on behalf of their countries and organizations.

The training tips also act as an introduction to the relevant training workshop (see www.uongozi.or.tz), what it entails and if it matches your needs assessment as an organization and individual. Your organisation may choose any single leadership workshop or a package of them – and we will work with you in order to provide an exclusive leadership training experience.

This video was filmed and distributed by UONGOZI Institute 

Contact us by Email: [email protected] Tel +255 (0) 22 2602917, Fax +255 (0) 22 2602918, Address Plot 1131A, Msasani Rd., P.O. Box 105753, Dar es Salaam, Tanzania.
Website: www.uongozi.or.tz

Paneli ft Blue - Ghetto [official video]


Babu Tale atamka yupo tayari kuwasaidia wasanii wote wanaotumia dawa za kulevya


Taarifa ya habari ChannelTEN, Machi 26, 2016





Hofu ya kutemwa? DC amtishia mwandishi wa habari: "umeamua kutumaliza, tutamalizana…"

Karen Yunus
Karen Yunus
Mkuu wa Wilaya ya Magu, Karen Yunus amemtolea maneno ya vitisho mwandishi Neema Emmanuel na kumhoji iwapo kuna mtu anamtuma kutokana na kile alichodai kuwa ni mwandishi huyo kumchafua kwa namna anavyong’ang’ania kuripoti hali mbaya ya Shule ya Msingi Lupemba iliyopo wilayani kwake.

Shule hiyo iliyoanzishwa mwaka 2006 na kuwa na wanafunzi 651, ilifungwa kwa muda usiojulikana mapema mwaka huu ili kupisha ujenzi wa vyumba walau vinne vya madarasa.

Nipashe iliripoti Jumapili iliyopita (Machi 20) kuwa uamuzi wa kuifunga shule hiyo ulitolewa Februari 8, ikiwa ni siku moja tu baada ya gazeti hili kuripoti changamoto mbalimbali zinazokwaza maendeleo ya shule hiyo.

Taarifa ya Nipashe ilikua siku mbili tu baada ya Rais John Magufuli kueleza katika maadhimisho ya kilele cha miaka 39 ya Chama Cha Mapinduzi (CCM) mkoani Singida kuwa wakuu wa wilaya, wakurugenzi wa halmashauri na wakuu wa mikoa watakosa sifa katika serikali yake ikiwa kwenye maeneo yao kutakuwa na wanafunzi wanaoketi chini kwa kukosa madawati.

Aidha, Nipashe ilieleza katika habari hiyo ya Jumapili iliyopita (Wanafunzi wachunga ng’ombe Magu wakisubiri madarasa kujengwa), kuwa baada ya kufungwa kwa shule ya Lupemba huku wanaoendelea na masomo wakiwa ni wanafunzi wa madarasa ya nne na saba peke yake, baadhi ya wanafunzi wamekuwa wakijihusisha na shughuli nyingine zisizokuwa za masomo nyumbani kwao ikiwa ni pamoja na kuchunga ng’ombe.

Baada ya kuchapishwa kwa habari hiyo, DC Karen alimpigia simu mwandishi na kumpa vitisho kutokana na kile alichodai kuwa hajamtendea haki. DC Karen alipiga simu hiyo Jumapili iliyopita, majira ya subuhi.

“Haya mambo unayoyafanya siyo mazuri kwa sababu tunajitahidi… lakini wewe unaendelea kutuchafua tu, hujatenda haki,” alisema DC Karen katika moja ya matamshi yake kwa mwa mwandishi na kuongeza:

“…kwa sabababu haya mambo unayoyaandika yanasomwa na wengine ambao wana maamuzi makubwa… wee unatumwa nini? Kuna mtu anakutuma? Na kama hakuna mtu anakutuma kwa nini unang’ang’ania hivyo?”

Aidha, katika vitisho vyake hivyo kwa mwandishi, DC Karen aliyehamishiwa Wilaya ya Magu akitokea Sengerema kutokana na mabadiliko aliyoyafanya Rais Jakaya Kikwete Februari mwaka jana, alimuonya mwandishi kwa kumuelezea kuwa ni mtoto mdogo anayelingana na mtoto wake wa mwisho na kwamba, kitendo chake cha kuripoti suala la Shule ya Lupemba bila ‘kubalance’ ni sawa na kutaka kuwamaliza na hivyo ajue kuwa "tutamalizana".

“Mi nakwambia... halafu wee bado mtoto mdogo… wee una miaka mingapi… wewe ni mwanangu wa mwisho… mi nakwambia Neema… lakini kwa sababu umeamua kutumaliza, tutamalizana… lakini na wewe you should wait for your chance (usuburi nafai yako), na hayo mambo yapo nakwambia," alisema DC Karen katika baadhi ya vitisho alivyotoa kwa mwandishi.

"Andika neno karma… usipende kuharibia watu wanajihangaikia maisha yao, kwa miaka mingi, eeh.”

Kwa mujibu wa kamusi ya Kiingereza ya Oxford, neno ‘karma’ lina asili ya Kibudha na Kihindi na maana yake ni malipo anayoweza kuyapata mtu kutokana na matendo yake; kwamba akitenda ubaya hulipwa ubaya na akitenda mema atalipwa kwa wema wake.

UKWELI KUHUSU SHULE YA LUPEMBA

Nipashe imekuwa ikiripoti mfululizo wa taarifa kuhusiana na ukosefu wa miundombinu na changamoto mbalimbali zinazoikabili shule hiyo ya Lupemba yenye wanafunzi 651, na ambayo ilijengwa mwaka 2006.

Kwa mara ya kwanza, Nipashe iliripoti taarifa hiyo Jumapili ya Februari 7, 2016 huku ikiwa na kichwa cha habari ‘Elimu ya bure mtihani mzito’, pamoja na picha ya ukurasa wa mbele inayoonyesha baadhi ya wanafunzi wakiwa wamekalia vitofali katika mojawapo ya banda la miti na nyasi lililokuwa likitumiwa kama darasa.

Wiki iliyopita, Nipashe iliripoti tena juu ya shule hiyo, kwa kueleza athari zitokanazo na uamuzi wa Feberuari 8, wa uongozi wa wilaya ambao ni kuifunga kwa muda usiojulikana ili kupisha ujenzi wa vyumba vya madarasa walau vinne na kwa ujumla kuboresha mazingira ya upatikanaji wa elimu shuleni hapo.

Aidha, katika taarifa hiyo, zilioenekana picha za wanafunzi wa shule ya Lupemba wanaolazimika kusaidia wazazi wao shughuli za kila siku ikiwamo kuchunga ng’ombe baada ya shule yao kufungwa kwa muda usiojulikana.

Katika tarifa hiyo, mwandishi alikutana na wanafunzi kadhaa na kuzungumza nao ambapo walielzea masikitiko kutokana na uamuzi wa kufungwa kwa shule yao na wao kurudishwa nyumbani badala ya kuhamishiwa walau kwa muda katika shule nyingine.

Aidha, mwandishi alizungumza pia na wazazi wakiwamo Mathias Musuka na Salome Makoye, Mwalimu Mkuu wa Shule ya Lupemba, Daniel Matemi; mwalimu wa kawaida, Johannes Rutaihwa; Kaimu Afisa Elimu ya Msingi wilayani Magu, Veronica Justine; Mkurugenzi Msaidizi wa Udhibiti wa Ubora wa Shule Wilaya ya Magu, Joseph Kaswa; Mkurugenzi wa Halmashauri ya Wilaya ya Magu, Ntinika Paul ; aliyekuwa Mkuu wa Mkoa wa Mwanza, Magesa Mulongo na pia yeye mwenyewe, Mkuu wa Wilaya ya Magu - Karen Yunus.

“Ni kweli nimepata vitisho kutoka kwa Mkuu wa Wilaya… lakini sioni nilichokosea kwa sababu hakuna lisilokuwa la kweli katika ripoti hiyo,” alisema mwandishi Neema wakati akizungumza na mwandishi wa habari hii kuelezea vitisho alivyopata kuhusiana na ripoti juu ya hali ya shule ya msingi Lupemba.

"Shule imefungwa na wanaosoma ni madarasa ya nne na saba, kuna watoto hivi sasa huishia kuchunga ng’ombe. Yote hayo ni kweli tupu."

Je, hivi sasa hali katika shule hiyo ya Lupemba ikoje? Usikose kufuatilia mwenendo wa ripoti maalum kuhusu shule hiyo katika gazeti hili kesho).

Tanzania haina mpango wa kutekekeza meno ya tembo - Waziri amwambia Balozi wa Marekani

SERIKALI YA TANZANIA HAINA MPANGO KWA KUTEKETEZA MENO YA TEMBO YALIYOHIFADHIWA

Prof. Jumanne Maghembe na Balozi wa Marekani nchini Tanzania, Mark Childress
Prof. Jumanne Maghembe na Balozi wa Marekani nchini Tanzania, Mark Childress

Serikali ya Tanzania imetoa tamko kuwa kwa sasa haina mpango wowote wa kuteketeza meno ya tembo yaliyohifadhiwa ambayo yametokana na vitendo vya ujangili na vifo asilia vya tembo.

Tamko hilo limetolewa hivi karibuni na Waziri wa Maliasili na Utalii Prof. Jumanne Maghembe akizungumza na Balozi wa Marekani hapa nchini Bw. Mark Childress alipotembelewa na balozi huyo ofisini kwake kujadili maendeleo ya sekta ya Maliasili mchini.

Prof. Maghembe alisema hayo baada Balozi huyo wa Marekani hapa nchini kutoa pendekezo kwa Serikali ya Tanzania kuchoma sehemu meno ya tembo yaliyohifadhiwa ili kutoa ujumbe mzito duniani juu ya dhamira ya Serikali kukomesha biashara hiyo haramu.

"Naomba niweke wazi kuwa kwa sasa hatupo tayari kuteketeza meno haya, tunaweza kuyatumia kwenye tafiti za kisayansi au vielelezo kwa ajili ya kesi za ujangili ambazo zipo mahakamani na nyingine ambazo bado zinafanyiwa uchunguzi" Alisema Prof. Maghembe.

Zipo nchi mbalimbali duniani ambazo zimechukua hatua ya kuteketeza meno yake ya tembo yaliyohifadhiwa ikiwemo nchi jirani ya Kenya na Malawi ambapo inaaminika kuwa kufanya hivyo ni njia mojawapo ya kushawishi Ulimwengu kukomesha biashara hii haramu ya meno ya tembo.

Nchi nyingine ni Chad, Ubelgiji, Ufaransa, China, India, Marekani na Ureno. Kwa upande wa nchi ambazo zina msimamo sawa na Tanzania katika kuendelea kuhifadhi meno yake ya Tembo ni pamoja na Afrika ya Kusini, Botswana na Zimbabwe.

Akizungumzia kuhusu kuendeleza sekta ya Maliasili nchini, Prof.Maghembe amemuomba Balozi wa Marekani Bw. Mark Childress kushirikiana na Serikali ya Tanzania katika kukuza sekta hiyo kwa kuleta wawekezaji mbalimbali kutoka Marekani kuja kuwekeza Tanzania pamoja na kusaidia kwenye mapambano dhidi ya Ujangili.

Aliongeza kuwa Tanzania ina fursa nyingi ambazo zinahitaji uwekezaji mkubwa ikiwemo hoteli za kitalii, fukwe za kisasa na kuendeleza vivutio mbalimbali vilivyomo hapa nchini.

Prof. Maghembe amemshukuru balozi huyo kwa misaada mbalimbali kutoka Serikali ya Marekani ya kuendeleza sekta ya Maliasili nchini ukiwemo wa hivi karibuni wa mbwa maalum (Snifer Dogs) kwa ajili ya kusaidia utambuzi wa rasilimali za Maliasili zinazoweza kutoroshwa nje ya nchi kupitia bandari na viwanja vya ndege.

Katika taarifa iliyowasilishwa kwenye kikao baina ya Waziri wa Maliasili Prof. Jumanne Maghembe na Balozi wa Marekani hapa nchini Bw. Mark Childress imeonesha kuwa katika kipindi cha miaka mitano iliyopita Serikali ya Marekani imetoa misaada mbalimbali ambayo jumla yake ni dola za kimarekani Milioni 41.35 katika kusaidia eneo la uhifadhi hapa nchini.

Akizungumzia mahusiano baina ya Tanzania na Marekani Balozi Mark Childress alimueleza Prof. maghembe kuwa Serikali ya Marekani itaendeleza mahusiano mazuri yaliyopo baina ya nchi hizi mbili ambapo pia ofisi yake ya ubalozi imeshatafuta wadau mbalimbali ambao wapo tayari kusaidia fedha, vifaa na mafunzo kwa ajili ya kuimarisha uhifadhi na mapambano dhidi ya ujangili.

Agizo la Wizara kwa waajiri kuhusu kitambulisho cha kazi kwa mtumishi

KITAMBULISHO CHA KAZI KWA MTUMISHI WA UMMA

Ni wa wajibu wa kila mwajiri kuhakikisha kila mtumishi mahala pa kazi anakuwa na kitambulisho rasmi cha kazi, na HAKIUZWI kwa watumishi. 

Ni wajibu wa mwajiri kutenga fedha kwa kazi hiyo.

RC Arusha: Kazi inayofanywa na Makonda ni wazo langu

MKUU wa Mkoa wa Arusha, Felix Ntibenda amesema kazi ya kuhakiki silaha iliyoanza kwa wakazi wa Dar es Salaam, ilishaanza mkoani mwake takribani miezi miwili iliyopita na kwamba ndiyo maana matukio ya kihalifu kwa Arusha yamepungua.

Ntibenda alisema hayo jana katika kikao cha Baraza la Ushauri la Mkoa wa Arusha na kusema yeye ndiye mwanzilishi wa wazo la kilichoazishwa na Mkuu wa Mkoa wa Dar es Salaam, Paul Makonda hivi karibuni.

Alisema wakati wakisubiri kuapishwa katika viwanja vya Ikulu, Dar es Salaam aliwaeleza wakuu wa mikoa jinsi alivyofanikiwa kudhibiti uhalifu kwa kuwataka wakazi wa Jiji na mkoa wa Arusha kuhakiki silaha zao.

‘Kazi inayofanywa na Mkuu wa Mkoa wa Dar es Salaam, Paul Makonda ni wazo langu kwani sisi Arusha si mnaona uhalifu umepungua kwa asilimia kubwa sana? Hiyo ni kwa sababu wengi wana silaha, lakini si mali zao,’ alisema.

Akizungumzia ulinzi, Ntibenda alisema hiyo inatokana na jitihada za kamati ya ulinzi na usalama kuthibiti kwa kiasi kikubwa uhalifu na matukio yasiyokuwa na amani na sasa Jiji la Arusha liko katika hali ya utulivu wa hali ya juu.

Alisema katika kipindi cha Januari mwaka jana hadi Desemba mwaka jana, jumla ya magunia 270 ya bangi yenye uzito wa kilo 2,500 na ekari 25 za mashamba ya bangi yaliteketezwa kwa kuchomwa moto.

Mkuu huyo alisema operesheni hiyo ilifanyika katika vijiji vya Imbibya, Ngarelaoni, Kisimiri Juu na Oldonyosambu na watuhumiwa 180 walikamatwa na kesi 160 zilifikishwa mahakamani.

Akizungumzia zuio la kutocheza ‘Pool’ saa za kazi, Ntibenda alisema wakuu wa wilaya na wakurugenzi ni lazima washiriki kikamilifu kupiga vita mchezo huo kuchezwa wakati wa kazi kwani jukumu la kila mmoja hapa na sio la mtu mmoja mmoja.

ChannelTEN: Barua - Ziara ya Waziri Mkuu Majaliwa katika Kanda ya Ziwa Machi 2016


Wasemavyo kuhusu Dk Rutengwe aliyekuwa Mkuu wa Mkoa wa Morogoro


Majadiliano kwenye 'social media' baada ya video iliyopachikwa hapo juu. Mmoja ameandika...
Katika vitu ambavyo siwezi kuvifanya KAMWE ktk maisha yangu ni kujidhalilisha, kujikomba, kujipendekeza au kushusha thamani ya utu wangu kwa sababu tu ya madaraka. Angalia video hii, huyu ni Dr.Rajab Rutengwe (PhD) aliyekua Mkuu wa mkoa wa Morogoro akatemwa kwny uteuzi wa wakuu wa mikoa wapya.

Ameamua kujidhalilisha kwa kiasi kikubwa kwa sababu ya madaraka. Msikilize katika hotuba yake aliyoitoa wakati anakabidhi ofisi kwa Mkuu wa Mkoa mpya Dr.Stephen Kebwe. Dr.Rutengwe anatia huruma, anamuomba Magufuli amhurumie eti anatoka familia duni sana na hana pa kwenda wala pa kushika.

Hivi kweli PhD holder hana pa kwenda? Dr.Rutengwe ana PhD ya Food Security &Technology kutoka Chuo kikuu cha Vaal, South Africa aliyoisomea mwaka 2000 hadi 2004 lakini leo anasema hana pa kwenda. Mbona siasa inatufanya kuuza utu wetu kwa kiasi hiki? Ina maana hadi umri huu alikua hajajiandaa kimaisha hadi aje kulialia kwa Magufuli amhurumie?

Anamnyenyekea Magufuli kama Mungu. Anamuomba Magufuli amhurumie kama vile anaomba sala ya toba.. eti "nimekosa mimi, nimekosa mimi, nimekosa sana".. This is bullshit. Unawezaje kumwabudu mwanadamu mwenzio kwa kiwango hiki?

Aisee kanipa hasira sana. Kama wasomi wetu ndio hawa wa kujidhalilisha hivi kuna haja gani ya kusoma sana? Mpuuzi kabisa huyu. Natamani ningekuwepo ukumbini nimkate makofi ya kutosha. Hivi watoto wake, ndugu na marafiki wakimuona anavyojidhalilisha hivi watamfikiriaje? #Big_Shame.!
Mwingine ameandika...
Nimefanya kazi na Dkt Rajabu Rutengwe ni mtu mzuri na mchapa kazi mzuri sana, amekuwa mkuu wa Wilaya Ulanga amefanya kazi mzuri sana,akapanda Ukuu wa Mkoa akaenda Katavi nako alifanya kazi mzuri sana kabla hajahamishiwa Tanga ambako hakukaa sana kabla hajaletwa Morogoro mimi nikiwa Dc kilombero.

Kauli alizotoa siku anakabidhi ofisi ni Kauli za kusikilizwa mara mbili na sio kama tafsiri za baadhi ya watu kwamba Dkt hana la kufanya baada ya kutemwa kuwa Mkuu wa Mkoa.

Matatizo ya wakulima na wafugaji ndani ya Mkoa wa Morogoro yameanza muda na yataendelea kama serikali haitochukua hatua za makusudi za kutenga pesa Kwa ajili ya kusimamia mipango bora ya Ardhi,kujenga majosho na kuanzisha ranchi za kisasa ambazo zitaondoa muingiliano kati ya wafugaji na wakulima.

Kama pesa hazitatengwa hata akipelekwa Brigedia wa jeshi watu bado wataendelea kupigana tu kutokana na kutafuta mahitaji Kwa ajili ya mifugo ambayo inaendelea kuongezeka siku hadi siku wakati Ardhi haiongezeki

Wakuu wa mikoa walioachwa ni wengi lakini aliyetolewa sababu za kuachwa ni mmoja tu, hapa ndio pametengeneza maswali mengi sana Kwa Dkt ndio maana ameona aombe radhi kama amekosa Kwa jambo ambalo ni la kimfumo ambalo halikutokana na uzembe wake.

USHAURI

Ili Wakuu wa mikoa wanaopelekwa Morogoro wasionekane wazembe ni lazima serikali ya awamu ya tano ni lazima itenge bajeti maalum na itengeneze kikosi kazi ambacho kitazama ndani kushugulikia masuala ya wafugaji na wakulima

Nakutakia kila la kheri Dkt Rutengwe wewe ni kiongozi na mwenyezi mungu atakuvusha ktk kipindi hiki.

Mwl Masala
Nachingwea