Download Windows ISO from Microsoft if you have a valid license


If you want to create a custom installation of Windows 7 from a USB drive or just do a fresh install which requires an ISO file of the disc, Microsoft has a Software Recovery Center where you can download them for free.
However, to avoid piracy, you still need a valid Windows license to download the ISO and register Windows. 

If you purchased a retail version of Windows, enter the product key from the package (if you can't find it, you may search online for solution). 

Head over to Microsoft's official page for more: microsoft.com/en-us/software-recovery

Windows 8.1 users can download ISOs with Microsoft's tool here.

NOTE: If your computer came with Windows, however, it's probably an OEM version, which will not work on Microsoft's new site. 

Lema, Mr II Sugu msibani nyumbani kwa Komba

Wabunge wa Chadema, Joseph Mbilinyi 'Sugu' (kushoto) na Godbless Lema (kulia) wakizungumza na Mhe. William Lukuvi msibani
(picha: GPL)

Nape atamka maamuzi ya CCM kuhusu Chenge, Ngeleja, Prof. Tibaijuka na wasaka Urais

Mwenyekiti wa CCM, Rais Jakaya Kikwete akiongoza kikao cha Kamati Kuu ya Halmashauri Kuu ya Taifa huko Ikulu jijini Dar es Salaam siku ya Jumamosi ya Februari 28, 2015. Wa pili kulia ni Rais wa Zanzibar Dkt. Ali Mohamed Shein na wawatu kulia ni Makamu wa Rais Dkt. Mohamed Gharib Bilal.K ushoto ni Katibu Mkuu wa CCM Ndugu Abdulrahman Kinana.

Kamati Kuu ya CCM (CC) imewasimamisha uongozi wa vikao vya chama, vigogo watatu wa chama hicho, akiwemo Waziri wa zamani wa Ardhi, Nyumba na Maendeleo ya Makazi, Profesa Anna Tibaijuka kutokana na kuhusishwa na sakata la Escrow.

Wengine waliosimamishwa kuhudhuria vikao vinavyohusu uamuzi wa chama ni pamoja na Mbunge wa Bariadi Magharibi, Andrew Chenge na Mbunge wa Sengerema, William Ngeleja.

Hatua hiyo inatokana na uamuzi wa Kamati Kuu iliyoketi Januari, mwaka huu Zanzibar, kuagiza Kamati ndogo ya Maadili kuwaita na kushughulikia suala la viongozi wa chama hicho, waliokuwemo katika vikao vya uamuzi ya chama hicho waliohusishwa na sakata la Escrow.

Akitoa taarifa ya kikao cha Kamati Kuu ya CCM kilichofanyika Ikulu Dar es Salaam jana, Katibu wa Itikadi na Uenezi wa Halmashauri Kuu ya Taifa (NEC) ya CCM, Nape Nnauye alisema hatua hiyo imefikiwa baada ya Kamati ya Maadili inayoongozwa na Makamu Mwenyekiti wa Chama hicho (Bara), Philip Mangula kuwahoji vigogo hao.

Alisema Kamati hiyo ya Maadili iliwasilisha ripoti yake kwa Kamati Kuu jana, ndipo ukafikiwa uamuzi wa vigogo hao kusimamishwa kuhudhuria vikao vya chama vya Kamati Kuu na Halmashauri Kuu kwa Profesa Tibaijuka na Halmashauri Kuu kwa Chenge na Ngeleja.

"Uamuzi wa Kamati Kuu ni kuwasimamisha uongozi wao kwenye vikao vya chama, kwamba wasihudhurie vikao vya chama vya Kamati Kuu kwa yule mjumbe wa Kamati Kuu na Halmashauri Kuu kwa wajumbe wake, kwa kipindi ambacho Kamati hii ndogo ya Maadili wakiendelea kupitia nyaraka mbalimbali zinazohusu suala hili," alisema Nape.

Akizungumzia vigogo sita wa chama hicho waliokuwa kwenye adhabu baada ya kuthibitika kukiuka maadili ya Chama na kuanza kampeni mapema, Nape alisema tathimini ya mwenendo wao bado inaendelea.

Vigogo hao ambao tathimini ya mwenendo wao bado inaendelea, ni pamoja na waliokuwa mawaziri wakuu, Edward Lowassa na Frederick Sumaye na Waziri wa Mambo ya Nje na Ushirikiano wa Kimataifa, Bernard Membe.

Wengine ni Naibu Waziri wa Mawasiliano, Sayansi na Teknolojia, January Makamba, ambaye ameshatangaza nia ya kugombea urais, Waziri wa Kilimo na Ushirika, Stephen Wasira na Mbunge wa Sengerema, William Ngeleja.

Alisema kanuni za usalama na maadili ya chama iliyotumika kuwahukumu, ni inayosema onyo kali alilopewa mwanachama, maana yake atakaa chini ya uangalizi kwa kipindi kisichopungua miezi 12.

"Sasa baada ya ile miezi 12 kuisha, kamati ndogo ya maadili inaendelea na kazi yake ya kuchunguza mienendo ya hao waliokuwa wamepewa adhabu, katika kipindi chao cha adhabu ya miezi 12 wametekeleza masharti ya adhabu zao," alisema.

Alisema baada ya hapo, kamati hiyo itawasilisha ripoti ya uchunguzi wake kwa Kamati Kuu ambapo kama kutakuwa na taarifa yoyote, itatolewa kwa umma.

Aidha, Nape alitumia fursa hiyo kuwaonya baadhi ya wanasiasa wengine waliojitokeza na kutangaza nia zao za kugombea urais kwa kuvunja sheria na taratibu za chama hicho, wasije kukilaumu chama hicho.

"Kila mmoja ambaye atavunja kanuni katika mchakato mzima wa kutafuta kuteuliwa na Chama Cha Mapinduzi, atachukuliwa hatua, hakuna atakayepona katika mkono wa sheria na taratibu za chama kama atazivunja, ni suala la muda kama kuna mtu anaendelea kuvunja.

“Msisitizo wa Kamati Kuu ni kwamba watu wote wanaotaka uteuzi wa chama, wafuate taratibu ili tusije tukalaumiana baadae, kwa sababu wakati mwingine wanadhani ni suala la Nape au Katibu Mkuu kuwa mkali, hii ni kanuni, hakuna atayepona.

“Hili suala la watu sita lilianza muda mrefu, lakini yapo maneno wako na wengine wanavunja sheria na taratibu lakini, msimamo wa chama hiki hakuna atakayevunja sheria akaachwa salama," alisema.

  • HabariLeo

Kifo cha John Komba na baadhi ya kumbukumbu alizoziacha


Ni huzuni kwa Chama Cha Mapinduzi (CCM), Jeshi la Ulinzi la Wananchi wa Tanzania (JWTZ), Jimbo la Mbinga Magharibi, Taifa, marafiki na familia, baada ya kufikwa na msiba mkubwa wa kiongozi, Mbunge, Kapteni wa Jeshi, Mjumbe wa Halmashauri Kuu ya Taifa (NEC) na msanii mashuhuri wa Bendi ya Tanzania One Theatre (TOT), Kapteni John Komba.

Msiba huo ulitokea jana wakati Kamati Kuu ya CCM, ikiwa katika kikao cha kawaida, kilichokuwa na ajenda muhimu, ikiwemo ya kujadili makada sita waliokuwa wakitumikia adhabu, baada ya kukiuka maadili ya chama na kuanza kampeni za urais mapema.

Mbali na makada hao, kikao hicho pia kilikuwa na ajenda ya kujadili makada wengine watatu, waliokuwa wakikabiliwa na kashfa ya kupokea fedha zilizokuwa katika iliyokuwa akaunti ya Tegeta Escrow, iliyokuwa Benki Kuu (BoT).


Lakini kabla hata uamuzi wa kikao hicho kutangazwa, Kapteni Komba aliaga dunia na taarifa za awali zilieleza kuwa alikuwa nyumbani kwake Mbezi Beach, akajisikia vibaya na kukimbizwa katika Hospitali ya TMJ, Mikocheni Dar es Salaam, ambako aliaga dunia wakati akipata huduma.

Taarifa zilizotufikia zilieleza kuwa mtoto wa marehemu, Jerry Komba, alisema kifo cha baba yake kilisababishwa na kushuka ghafla kwa sukari.

Kwa mujibu wa taarifa hizo, Kapteni Komba alikimbizwa katika Hospitali ya TMJ Mikocheni ambako alifariki dunia.

Baada yakifo hicho, taarifa kutoka kwa Katibu wake, Gasper Tumaini, zilieleza kuwa mwili wa Kapteni Komba ulipelekwa katika Hospitali ya JWTZ ya Lugalo, ambako umehifadhiwa ukisubiri taratibu za mazishi.

Muda mfupi baadaye, Rais wa Jamhuri ya Muungano wa Tanzania na Mwenyekiti wa CCM, Jakaya Kikwete alituma salamu za rambirambi kwa Spika wa Bunge, Anne Makinda na Katibu Mkuu wa CCM, Abdulrahman Kinana.

Akizungumzia kifo cha Kapteni Komba, Katibu wa Itikadi na Uenezi wa Halmashauri Kuu (NEC), Nape Nnauye alisema, kifo hicho kimeleta mshituko mkubwa katika chama hicho na ni pigo kwao.
"Kamati Kuu ya Chama Cha Mapinduzi, imepokea kwa mshituko mkubwa taarifa za kifo cha Mjumbe wa Halmashauri Kuu, msanii wetu na kada wa siku nyingi na tegemeo kubwa kwa Chama Cha Mapinduzi,” alisema.

Alimkariri Mwenyekiti wa chama hicho, Rais Kikwete alipowaambia kuwa “kifo hicho ni pengo kubwa kwa chama hicho na gumu kuzibika hasa kwa wakati huu wa kuelekea katika Uchaguzi Mkuu”.

Alisema wimbo ambao aliutunga katika sherehe za miaka 38 ya chama hicho, uliwasisimua wengi na pengine msisimko huo ulikuwa ni namna ya kuwaaga Watanzania na wanachama wa CCM.

Nape alitoa pole kwa familia ya Kapteni Komba na wanachama kwa ujumla, ambapo alisema Komba ataendelea kubaki katika historia iliyotukuka ya chama hicho.

Miongoni mwa waliotuma rambirambi kupitia ukurasa wake wa Facebook, ni Naibu Katibu Mkuu wa CCM, Tanzania Bara, Mwigulu Nchemba.

“Natoa pole sana kwa Wananchi wa Mbinga, WanaCCM na Watanzania wote kwa Msiba Mzito uliotokea wa kifo cha Mpendwa wetu Mh. Kapt. John Komba na Mjumbe wa Halmashauri Kuu CCM Taifa. Pumzika kwa Amani,” aliandika katika ukurasa wake.

Taarifa zingine zilizotufikia, zilieleza kuwa jana mchana, muda mfupi kabla ya kufikwa na mauti, alifanya kazi ya mwisho ya kutumikia jimbo lake.

Kwa mujibu wa taarifa hizo, Kapteni Komba alikwenda katika viwanda vya bati na chuma vya MMI Steel Industries vilivyoko Mikocheni, akalipia mzigo wa mabati unaofikia lori mbili, kwa ajili ya kupeleka jimboni kwake Mbinga.

Inadaiwa baada ya kulipa, aliacha maagizo kwa Keshia kiwandani hapo aitwae Jastin, kuwa madereva watakuja kuubeba mzigo huo na yeye anakwenda kupima sukari na shinikizo la damu katika Hospitali ya TMJ.



SALAM ZA RAMBIRAMBI ZA RAIS KIKWETE ZILIZOTOLEWA IKULU


Mheshimiwa Jakaya Mrisho Kikwete amepokea kwa mshtuko mkubwa na huzuni nyingi taarifa za kifo cha ghafla cha Mheshimiwa Kepteni John Damian Komba, Mbunge wa Jimbo la Nyasa, Mjumbe wa Halmashauri Kuu ya taifa ya CCM na msanii hodari sana wa kizazi chake.

Katika salamu zake za rambirambi kwa Spika wa Bunge, Mheshimiwa Anne Semamba Makinda na Katibu Mkuu wa CCM, MheshimiwaAbdulrahman Kinana, Mheshimiwa Kikwete amesema: “Nimepokea kwa mshtuko mkubwa na huzuni nyingi taarifa za kifo cha ghafla cha Mheshimiwa Kepteni John Komba, ambacho nimejulishwa kuwa kimetokea mchana wa leo, Jumamosi, Februari 28, 2015, kwenye Hospitali ya TMJ, Dar es Salaam.”

“Kwa hakika, sina maneno ya kutosha kuelezea kwa fasaha hasara ambayo taifa letu na chama chetu kimepata kutokana na kifo cha Kepteni Komba. Taifa letu limepoteza hazina kubwa na mtu muhimu. Nimejua Kepteni Komba kwa muda mrefu sana, nimefanya naye kazi. Alikuwa msanii ambaye kiwango chake cha usanii kilikuwa hakipimiki, alikuwa na sifa kubwa za uongozi, alikuwa mpenzi, mzalendo na mtu mwaminifu sana kwa taifa lake na katika jambo lolote aliloliamini.,” amesema Rais Kikwete katika salamu hizo na kuongeza:

“Akiwa mwalimu, lakini hasa akiwa Mlinzi wa Taifa katika Jeshi la Wananchi wa Tanzania (JWTZ), Kepteni Komba alithibitisha sifa zake kama mlinzi wa taifa kwa kipaji chake cha kutunga na kuimba nyingi za kuhamamisha wanajeshi wetu katika ulinzi wa nchi yao. Alikuwa na uwezo mkubwa wa kisanii kutunga nyimbo za aina zote – ziwe za maombolezo, ziwe za kutoa hamasa, ziwe za makaribisho, ziwe za kampeni za kisiasa na kijamii ama ziwe za kampeni maalum.”

“ Mheshimiwa Komba alikuwa Mbunge hodari sana na wananchi wa Nyasa wamepoteza mtetezi wa uhakika. Mheshimiwa Komba alikuwa mcheshi, aliyependa sana utani na alikuwa na uongozi mkubwa wa kutambua na kulea vipaji vya sanaa na wasanii kama alivyothibitisha katika kuanzisha na kulea Kikundi cha Tanzania One Theatre (TOT) na kabla ya hapo .”

“Kupitia kwenu Waheshimiwa, naomba mnifikishie salamu zangu za dhati kabisa kwa Wabunge wote ambao wameondokewa na mwenzao na wananchi wa Jimbo la Nyasa na Mkoa wote wa Ruvuma ambao wamepoteza mwakilishi na kiongozi wao. Ndani ya Chama chetu, naomba salamu zangu ziwafikie wanachama wetu wote kwa kupoteza mwanachama mwenzao, ziwafikie viongozi na hasa wajumbe wa Halmashauri Kuu ya Taifa (NEC) ambayo imepoteza mwakilishi mwenzao na wasanii wote wa Tanzania One Theatre (TOT) ambao Kiongozi wao ameondoka duniani,” amesema Rais na kumalizia:

Naungana na wanafamilia kuomboleza kifo cha rafiki yetu, ndugu yetu na kiongozi mwenzetu. Napenda wanafamilia wajue kuwa natambua uchungu wao katika kipindi hiki na tahayari yao ya kuondokewa na mhimili wa familia. Niko nao katika maombolezo na katika kumwomba Mwenyeji Mungu aiweke peponi roho ya Marehemu Kepteni John Damian Komba. Amen.”

----------------------

BARAKA MFUNGUO ANAVYOMKUMBUKA MAREHEMU KOMBA

via Mtwara Kumekucha blog

Mbunge wa Mbinga na Mjumbe wa Halmashauri Kuu ya Taifa ya CCM Kapteni John Damian Komba amefariki dunia ktk Hospitali ya TMJ, Dar es Salaam leo saa kumi jioni.

Binafsi niliweza kumfahamu kapteni John Komba nikiwa mwanafunzi wa shule ya Msingi Mlimani. Siku hiyo kulikuwa na ujio wa mwanapinduzi Komredi Walter Sisulu pale Chuo Kikuu Mlimani na kwaya ya Jeshi ikiongozwa na kapteni Komba ilikuwa ikitumbuiza pale kwenye mti maarufu unaojulikana kama Mdigrii. Hata wimbo wake ulikuwa wa kimapinduzi kweli kweli nanukuu "we are happy Africa, to see you again Sisulu, dear leader dear father welcome to O.A.U eeeh", .... liberation is our goal ulikuwa kama kibwagizo.

Baadaye akaamua kuwa mwanasiasa baada ya kustaafu jeshi. Kapteni Komba ni msanii,mwanasiasa wa pekee aliyeweza kuhudumu katika awamu zote na ni mwanamuziki mwenye kuifahamu vyema historia na matukio ndani ya chama chake cha Mapinduzi. Kapteni Komba ndiye aliyefungua milango kwa wasanii kuingia katika vinyang'anyiro vya siasa hususan ubunge.

Hili ni pigo kubwa kwa C.C.M kwa kuweza kumpoteza mhamasishaji mkuu na ni pigo pia kwa wasanii ambao wangependa kufuata nyayo zake katika muziki. Ni pigo kubwa pia kwa wananchi wa Mbinga ya Magharibi aliokuwa anawatumikia, wananchi wa Tanzania wapenda Maendeleo na wale wote wanaotoka katika mkoa wa Ruvuma. Ni pigo kubwa kwa familia yake iliyokuwa ikimtegemea kwa hali na mali.

Raha ya milele umpe ee bwana...... Na mwanga wa milele umwangazie .....Apumzike kwa Amani.

Bwana ametoa Bwana ametwaa jina lake lihimidiwe.

Maoni ya Mwl. Mabala kuhusu lugha na mfumo wa elimu


Ni dhahiri kwamba mabadiliko ya lugha peke yake hayatafufua mfumo wa elimu. Iwapo mtu ana kisukari, shinikizo la damu na UKIMWI, kupunguza sukari peke yake haitatosha.

Pili kwangu mimi ni dhahiri kwamba watu wanashindwa kutofautisha kati ya umuhimu wa Kiingereza kama lugha kwa wanafunzi wetu na umuhimu wa Kiingereza kama lugha ya kufundishia. Nadhani hakuna anayebisha juu ya umuhimu wa Watanzania kujua Kiingereza. Lakini wengi tunabisha sana kwamba njia bora ya kufanya watu waelewe Kiingereza ni kukitumia kama lugha ya kufundishia. Mimi nimefundisha shule za sekondari na ninajua kwamba

a) Wako wanafunzi wanaokataa mapema sana Kidato cha Kwanza kwa sababu hawaelewi kitu.

b) Wapo wachache ambao waliweza kupambana vikali na lugha hadi waliweza kuwashinda waliotoka kwenye English Medium Schools. Lakini hawa ni wachache.

c) Mimi kama mwalimu wa masomo mengine kama historia au fizikia nakereka sana kupata shida kufundisha somo langu na kueleweka kwa sababu ya kutumia lugha ambayo wanafunzi hawaielewi.

Kupigania wanafunzi wasome kwa lugha wanaoielewa haina maana kwamba tunafikiri wote watafaulu lakini inatoa nafasi ya akili ya mtu kufanya kazi zaidi. Narudia utafiti tuliofanya TAMASHA (ambayo inafanana na ile waliofanya Uwezo na watu wengine). Katika shule 16 za sekondari katika wilaya nane tofauti tulitoa kipande cha kiingereza cha darasa la pili na kuuliza maswali. Ni 25% tu walioweza kusoma kipande kile na kujibu maswali bila wasiwasi. Katika wilaya moja hakuna aliyeweza kujibu. Si Kidato cha Pili, ni darasa la pili. Sasa tungetoa ya darasa la nne sijui katika hawa 25% wangapi wangeanguka.

Vinginevyo tulitoa kipande cha Kiswahili cha darasa la pili ambalo lilikuwa more complex kuliko kile cha Kiingereza lakini 75% waliweza kujibu bila wasiwasi. Ni dhahiri kwamba 25% walishindwa hatukatai lakini inaonyesha kwamba uwezo wa uelewa ulikuwa mkubwa zaidi mara dufu.


Mimi pia sikatai kwamba kuanzia darasa la nne nilimpeleka mwanangu kwenye English Medium School lakini haikuwa kwa sababu ya lugha. Ilikuwa kwa sababu shule aliyokuwa anasoma kulikuwa na wanafunzi mia katika darasa na niliona alihitaji kuangaliwa zaidi na walimu hivyo ile shule nyingine ilikuwa na wanafunzi 25 kwa darasa ... na vitabu ... na zana za kufundishia n.k. Aidha nadhani kuna kitu kingine ambacho hatujaangalia. Lipo tabaka fulani ambalo linaishi katika English Medium Environment (runinga, vitabu, lugha ya wazazi) ambayo inaifanya iwe rahisi wasome kwa Kiingereza pia). Kwa wale walio wengi ambao hawako katika EME hiyo itabidi wawe na akili ya ziada kufanikiwa hata kama wanasoma katika English Medium School. English medium siyo uchawi wa kuwageuza watu ghafla ingawa nadhani wazazi wengi wamedanganyika hivyo.

Hivyo, tusitumie Kiingereza kama kisingizio cha matatizo ya elimu lakini pia tusiponde ukweli kwamba wanafunzi walio wengi hawawezi kusoma masomo ya sekondari kwa lugha ya kiingereza. Kisha tufundishe kiingereza vizuri kabisa kama somo. Haina maana kukataa kutengeneza kufuli ya gari kwa kisingizio kwamba gari ni mkweche. Tutengeneze gari ndio lakini pia kufuli iii watu waweze kuingia na kufaidi gari.

Picha chemsha bongo: Umemwona'pi sungura?


Why comparing to others is a money mistake in wealth creation

Wealth is the abundance of something in such surplus that no conditions can destroy it. Making a lot of money is one thing, getting rich another. Creating wealth, well, that’s what very few people ever learn. You have heard the expression "get rich quick," but you will never hear "get wealthy quick."

Thus says Rant Cardone in his article at the Entrepreneur, "8 Money Mistakes to Avoid on Your Way to Being Wealthy." The International Sales Expert goes on to say:

Comparing your finances to others will ensure you never create wealth. People often compare their situation to some starving nation in a remote part of the world to justify being "better off." Another person’s finances, good or bad, will not pay your bills, won’t fund your retirement and will not provide you peace of mind. Don’t compare your finances to someone else’s.

Hit the link to read the other 7 points.

Zanzibar: "Ni kweli tumekamata kobe 250 tayari kwenda Malaysia"

Kobe wadogo 250, wamekamatwa katika Uwanja wa Ndege wa Kimataifa wa Abeid Amani Karume, wakiwa njiani kusafirishwa kwa njia ya magendo kwenda Malaysia.

Kamanda wa Polisi Mkoa wa Mjini Magharibi Unguja, Mkadam Khamis Mkadam, alisema kobe hao walikamatwa wakiwa wamehifadhiwa katika masanduku yaliyowekwa maembe ndani yake, katika hatua za mwisho za kusafirishwa.

“Ni kweli tumekamata kobe 250 wakiwa wamehifadhiwa vizuri katika masanduku yakiwa yameingizwa maembe tayari kusafirishwa kwenda Malaysia,” alisema.

Hata hivyo Kamanda Hamdani alikataa kumtaja mtu aliyekamatwa na kobe hao kwa madai kwamba uchunguzi unaendelea na kitendo cha kumtaja moja kwa moja, kinaweza kuharibu uchunguzi wa tukio hilo.

“Jeshi la Polisi kwa sasa halipo tayari kumtaja mtuhumiwa aliyekamatwa na kobe hao kwa sababu uchunguzi zaidi unaendelea...unajuwa ukianza kumtaja mtuhumiwa pamoja na watu wengine, unaharibu uchunguzi mzima wa tukio hilo,” alisema.

Katika miaka ya hivi karibuni kumekuwa na matukio ya wizi wa kobe kutoka Zanzibar kupelekwa sehemu nyingine duniani ikiwa ni pamoja na Tanzania Bara.

Kobe hao wanalindwa na sheria za kimataifa, wakiwa katika orodha ya viumbe ambao wapo katika hatari ya kutoweka duniani, kama ilivyo kwa kasa kwa hivyo wamekuwa katika udhibiti mkubwa.
Kwa upande wa Zanzibar, kobe wanahifadhiwa katika kisiwa kidogo cha Chumbe kilichopo nje ya Bandari ya Malindi umbali wa kilometa 40, ambapo hata hivyo kumekuwepo matukio ya wizi wa mara kwa mara.

Ofisa mmoja kutoka Kamisheni ya Utalii Zanzibar, ambaye moja ya majukumu yake ni kulinda na kuhifadhi kobe waliopo katika kisiwa kidogo cha Changuu, alikiri kuwepo wizi katika nyakati tofauti, unaofanywa na watu wasiokuwa waaminifu wanaotembelea kisiwa hicho kwa shughuli za utalii.

“Yapo matukio ya wizi wa kobe katika kisiwa cha Changuu kwa nyakati tofauti, kwani watu hufika katika kisiwa kwa shughuli tofauti ikiwemo za matembezi ya utalii,” alisema.

Katika miaka kumi iliyopita, zaidi ya kobe 1,500 wameibwa katika kisiwa cha Changuu, wakiwemo kobe wadogo ambao huhifadhiwa katika sehemu maalumu.

  • HabariLeo

Amnesty International: Tanzania Report 2014/15



United Republic of Tanzania 
Head of state: Jakaya Mrisho Kikwete 
Head of government: Mizengo Peter Pinda 
Head of Zanzibar government: Ali Mohamed Shein
The constitutional review process continued, although challenges threatened to hinder the process. A Commission of Inquiry was established to investigate human rights abuses including at least 13 killings committed by security agencies during an anti-poaching operation conducted in October 2013. People with albinism remained at risk of being killed for their body parts and violence against women continued with impunity.
Constitutional developments
In February 2014, the Constituent Assembly was inaugurated to discuss the draft Constitution proposed by the Constitutional Review Committee. Proceedings suffered a setback in April when a coalition of opposition parties walked out in protest, accusing the ruling party of interfering with the process. In October, the Constituent Assembly adopted the draft Constitution amid claims by the opposition and civil society groups that the voting process was irregular. President Kikwete announced that the constitutional referendum would take place in April 2015 despite a September agreement by all political parties to postpone it until after the 2015 elections.
Excessive use of force
In October 2013, security agencies including the armed forces used excessive force against civilians in an anti-poaching operation called Operation Tokomeza. At least 13 civilians were killed and many more suffered serious injuries. There were also reports of torture, including rape, destruction of property and killing of livestock by security agencies during the operation. In June 2014, President Kikwete, on the recommendation of Parliament, established a Commission of Inquiry with a three-month mandate to investigate human rights abuses committed during Operation Tokomeza. The Commission of Inquiry started its work in mid-August by visiting victims in affected regions. The Commission had not completed its investigations by the end of the year.
Discrimination – attacks on people with albinism
There was one report of an albino person who was killed for his body parts. At least five attempted killings were reported. In one such case, a man was killed as he defended his spouse. The government's efforts to prevent human rights abuses against people with albinism remained inadequate.
International scrutiny
In June 2014, the African Court on Human and Peoples' Rights found that Tanzania had violated the African Charter on Human and Peoples' Rights by prohibiting individuals from contesting presidential and parliamentary elections unless sponsored by a political party. The Court directed Tanzania to take constitutional and legislative measures to remedy the violation, publish a summary of the judgment within six months in both English and Kiswahili languages, and to publish the entire judgment on the government's website for one year. By the end of the year, Tanzania had not reported to the African Court on the measures taken to comply with the judgment.
Violence against women and girls
Sexual and other forms of gender-based violence, particularly domestic violence, remained widespread. In the towns of Mbeya and Geita alone, domestic violence resulted in the deaths of 26 and 27 women respectively during the first half of the year.

Uzinduzi wa kivuko cha Dar es Salaam

Kivuko cha Mv Dar es Salaam kikiwasili katika eneo la Magogoni kwa ajili ya kuanza safari ya majaribio ya kwenda Bagamoyo mkoani Pwani. 
Kivuko hicho kina uwezo wa kubeba abiria 300. 
Kimegharimi fedha za Kitanzania shilingi bilioni 7.9/=


Waziri wa Ujenzi Dkt. John Pombe Magufuli akiwaita wakazi wa jiji la Dar es Salaam katika eneo la Ferry kwa ajili ya safari ya kwenda Bagamoyo na kurudi kwa safari ya majaribio kwa kutumia kivuko cha MV Dar es Salaam alichokikagua jana.


Kivuko cha MV Dar es Salaam kikiwa njiani kuwasili eneo la Magogoni kwa ajili ya kuanza safari ya kwanza ya majaribio ya kwenda Bagamoyo mkoani Pwani. Kivuko hiki kinauwezo wa kubeba abiria zaidi ya 300.


Wakazi wa jiji la Dar es Salaam wakipanda kivuko cha MV Dar es Salaam kwa ajili ya Safari ya majaribio ya kwenda Bagamoyo.


Mkuu wa Mkoa wa Pwani Evarist Ndikilo akimpokea Waziri wa Ujenzi Dkt. John Pombe Magufuli mara baada ya kuwasili Bagamoyo na Kivuko cha MV Dar es Salaam.


Waziri wa Ujenzi Dkt. John Pombe Magufuli (katikati) akiwa na Kaimu Mkuu wa Mkoa wa Dar es Salaam Raymond Mushi kushoto wakiwa safarini kuelekea Bagamoyo Mkoani Pwani, akiwa na Kamanda wa Navy, Meja Jenerali Rogastian Laswai.


Wakazi wa jiji la Dar es Salaam waliopata fursa ya kupanda kivuko hicho wakitazama madhari ya jiji wakati wakiwa safarini.


Waziri wa Ujenzi Mheshimiwa Dkt. John Pombe Magufuli amekagua kivuko cha MV Dar es salaam kinachotarajia kutoa huduma zake kati ya Dar es salaam na Bagamoyo na kuahidi kuwa kivuko hicho kitaanza kazi siku chache zijazo mara baada ya kukamilika kwa vituo vya maegesho.

Akizungumza mara baada ya ukaguzi huo, Waziri Magufuli amewataka wakazi wa Dar es salaam na Bagamoyo kukitumia kivuko hicho ambacho kitawawezesha kufika katika maeneo yao kwa haraka na kuepuka usumbufu wa msongamano katikati ya jiji la Dar es salaam.

“Tumieni kivuko hiki kwa uangalifu ili kidumu kwa muda mrefu, na sisi Serikali tutahakikisha tunaweka nauli nafuu ili kuwezesha wananchi wengi kumudu kutumia usafiri wa kivuko hiki, amesema Waziri Magufuli”.

Waziri Magufuli amemtaka mkandarasi wa Ujenzi wa maegesho ya kivuko hicho ambae ni Kamandi ya Wanamaji wa Jeshi la Wananchi Tanzania (JWTZ), kukamilisha ujenzi wa maegesho ya kivuko hicho mapema iwezekanavyo ili huduma za usafirishaji zianze mara moja.

Kwa upande wake Mkuu wa Mkoa wa Pwani Eng. Evarist Ndikilo ameipongeza Wizara ya Ujenzi kwa kuwezesha kupatikana kwa kivuko cha MV Dar es salaam ambacho kitafungua fursa za kiuchumi na kuleta maendeleo kwa wananchi.

Aidha, Eng. Ndikilo ameiomba Wizara ya Ujenzi kuiendeleza barabara ya Bagamoyo- Zinga hadi Mbegani na kuhakikisha kuwa na usafiri wa basi moja kutoka Bagamoyo kwenda Mbegani na kuwepo maegesho ya magari yenye usalama.

Nae Mtendaji Mkuu wa Wakala wa Ufundi na Umeme nchini (TEMESA) Eng. Marceline Magessa, amesema kuwa maandalizi kwa ajili ya kuanza kazi kwa kivuko hicho yamekamilika ambapo tayari manahodha, mabaharia na mafundi watakaohudumia kwenye kivuko hicho wameshaajiriwa.

Aidha Eng. Magessa alibainisha kuwa Kivuko cha MV Dar es salaam kimetengenezwa na kampuni ya Western Marine Shipyard kutoka Denmark kwa takriban Shilingi bilioni 8 na kina uwezo wa kubeba abiria 300 wakiwa wamekaa.

Mkuu wa Kamandi ya Jeshi la Wanamaji ya JWTZ Meja Jenerali Rogasian Laswai, amemshukuru Waziri kwa kupewa kazi ya kujenga maegesho hayo na kuahidi kukamilisha kazi hiyo kwa wakati ili wananchi wanufaike na huduma za kivuko hicho mapema.

Takriban vituo saba vinatarajiwa kujengwa kwa ajili ya maegesho ya kivuko hicho ikiwemo Magogoni, Kawe, Jangwani, Rungwe Oceanic, Mbweni, Kaole na Mbegani.


IMETAYARISHWA NA KITENGO CHA MAWASILIANO SERIKALINI, WIZARA YA UJENZI

Mwenyekiti wa CCM UK aelezea dhana ya mtawi ya chama ughaibuni

MWENYEKITI WA CHAMA CHA MAPINDUZI NCHINI UINGEREZA NDUGU KANGOMA H KAPINGA (KK) AUNGURUMA - TUELEWE DHANA YA MATAWI YA NJE YA CHAMA CHA MAPINDUZI.

Mwenyekiti wa Chama Cha Mapinduzi nchini Uingereza Ndugu Kangoma H Kapinga (KK).

Kamati kuu ya CCM iliridhia kuanzishwa kwa matawi nje ya Tanzania kule ambako kuna wanachama na wapenzi wa kutosha wa CCM takribani miaka 9 iliyopita. Nchi ya kwanza kufungua tawi ilikuwa ni UK (wakati huo CCM London) na kuanzia hapo matawi mengine yalifunguliwa sehemu zingine duniani ambako kulikuwa na wanachama au wapenzi wa CCM.

Nini hasa ilikuwa vision/lengo la kamati kuu kuruhusu ufunguzi wa matawi hayo?Je lengo limetimia? Nani anatakiwa kupima viwango hivyo? Kamati kuu yenyewe au wapenzi wanaccm katika matawi hayo?

Mimi kama kiongozi wa sasa wa CCM UK nimetafakari kwa kina hali halisi ya mwenendo wa matawi haya (diaspora) na kuona kuwa nina jukumu la kuandika chochote ili kisomwe na wadau wa CCM diaspora na pia napenda kufungua hoja hii makusudi ili wengi wetu tuweze kuendeleza mjadala huu kwa manufaa ya chama chetu na matawi ya diaspora ili kupata namna bora ya kuendeleza shughuli za chama kwenye diaspora na hivyo kupata majibu ya maswali niliyouliza hapo mwanzoni.

Ni dhahri chama chochote cha siasa hupendwa na wananchi kutokana na uwezo wa taasisi hiyo wa kubuni na kujitahidi kutekeleza agenda ambazo zinawahusu watu wake. Chama ambacho sera na mikakati yake haikidhi matarajio ya watu wake, idadi ya wanachama wake hupungua siku hadi siku. Na matarajio hayo ya wanachama hutofautiana kutokana na tabaka lao; kwa mfano wakulima wadogo wana mahitaji tofauti na wakulima wakubwa hali kadhalika kada zingine za kwenye jamii hiyo hupokea sera zinazowapendeza kwenye tabaka husika.

 Ni nini mahitaji ya wanachama na wapenzi wa CCM kwenye diaspora?

Wana-diaspora wengi wapo huku kwa sababu za kijamii na kiuchumi, hivyo kwa ccm kuweza kuendelea kuwa na wanachama na wapenzi wake kwenye diaspora ni  lazima chama kujipanga vizuri kwenye agenda hizo ili kiweze kujijenga kwenye tabaka hilo muhimu. Na hakika waTanzania wengi kwenye diaspora wamefanikiwa kuondokana na dhiki mbalimbali kwani wana vipato vya kuridhisha na kuweza kumudu mahitaji yao na ya familia zao hata kule nyumbani. Na wengi wanategemewa sana na familia zao huko Tanzania na wapo waliovuka viwango vya familia na hata kuhudumia jamii pana Zaidi kule nyumbani; wapo waliosaidia kwenye shule, miradi ya maji na huduma mbalimbali za jamii husika. Kwa kifupi mahitaji ya wana-diaspora ni Zaidi ya chai na mkate!
Ili kuelezea hoja yangu vizuri ni bora nikaichambua kidogo jamii yenyewe ya diaspora (Ulaya na Amerika) na kwa uelewa wangu ina makundi kama matatu;

1.       Kundi la kwanza lilikuja diaspora kwa makusudi ya kujikomboa kiuchumi moja kwa moja na hao wapo kwenye makundi madogo mengi tu ikiwa ni pamoja na kutumia njia za ukimbizi na aina zinguine za uhamiaji. walijiingiza kwenye kazi yoyote waliyoikuta ili mradi mahitaji yao ya kijamii na kiuchumi yapatikane na waliweza kuleta wategemezi wao kama watoto na hata wadogo zao.
2.       Kundi la pili lilikuja kusoma na wengi wao walifanikiwa kumaliza shule zao lakini hawakurudi tena Tanzania bali walijiunga na maisha ya diaspora. Na kwa kweli kundi hili ndilo kubwa na iliwachukua watu hao muda mrefu Zaidi kujihalalisha rasmi kwenye mfumo wa maisha ya nchi husika (citizenship).
Na wengi  wana knowledge ya kutosha. Makundi hayo mawili pamoja na kuwa na elimu pia yamefundishwa stadi mbalimbali za kazi kwenye mazingira ya uzalishaji wa kisasa (best practice) hivyo wengi wao ni mabingwa wa kutumia zana mbalimbali za kisasa za uzalishaji na katika sekta za huduma huku kwenye diaspora.

3.       Kundi la tatu ni la vijana wanaotokana na makundi mawili ya mwanzo; yaani watoto na hata wategemezi wao. Na hilo ndilo kundi linalochipukia kwa sasa nami sitasita kuliita 2nd generation ya diaspora ya Tanzania. Wengi waliopo kwenye kundi hilo hawana matatizo ya msingi kama ya makundi ya mwanzo kwani wao walinufaika moja kwa moja na waliowatangulia (wazazi au wasimamizi wao) hao wamesoma bila vikwazo kwa aliyehitaji elimu na wengi wao wapo kwenye vyuo vya elimu kwenye viwango mbalimbali. Tatizo kubwa la tabaka hili ni kutokuwa na habari za kutosha kuhusu nchi yao ya asili (Tanzania) na wengi wana mapenzi na nchi yao (hiyo) ya asili na wangependa kwenda kuitumikia kwenye sekta mbalimbali wakati utakaporuhusu.

HALI YA CHAMA KATIKA MASHINA YETU:

    Kuna aina nyingi za wanachama tuliowapata kwenye mashina ya diaspora; sehemu kubwa ya wanachama hao wanatokana na :

Kundi  (a).  Wapenzi na wanachama wa ccm waliotoka huko Tanzania ambao walihamishia uanachama wao mara moja kwenye mashina yetu ya diaspora, na

Kundi (b). Watanzania waliohamasika na uzalendo wa nchi yao ambao walidhani kujiunga      na ccm kwenye diaspora ni njia mojawapo ya kuimarisha mshikamano miongoni mwetu huku kwenye diaspora.

Sasa nini kifanyike kuongeza wanachama kwenye diaspora ndilo suala ambalo sisi viongozi tunatakiwa kuliangalia kwa makini. Tujiulize pia tufanye nini ili kuwafikia vijana niliowataja kwenye kundi la tatu hapo juu kama tunataka kuongeza idadi ya wanachama .Na je kamati kuu/ Halmashauri kuu yenyewe ya ccm kwenye diaspora yetu inao uwezo wa kusukuma dhana yenyewe ya ccm matawi ya nje? Je tuna uelewa wa kutosha kuhusu sera za chama chetu?

Kwa kweli sisi viongozi huku kwenye diaspora tunajukumu kubwa la kueneza na kuzitetea sera za chama cha mapinduzi kijamii, kisiasa na kiuchumi. Mashina ya diaspora lazima yawe na viongozi wanaoelewa na wako tayari kujifunza kila siku ili wawe ’point of contact’.

KIJAMII
Ni lazima viongozi wa ccm kwenye diaspora wawe ni watu wanaounganisha watanzania katika miji yao wakati wa shida na raha ili kuwafanya watanzania waone kuwa ni sehemu muhimu ya jamii yao. Wawe ’reliable and trustworthy’ na kuwafanya wawe ni kimbilio la Wanachama na watanzania kwenye mambo muhimu kama habari za misiba na hata graduation za watoto wetu na pia kusaidia kutambulisha vipaji mbalimbali vya watoto wetu ‘talents’ kwenye jamii husika na ndipo tutaweza kuwavuta wazazi na watoto wenyewe kuja upande wetu na hivyo kuongeza umaarufu wa chama katika ngazi hizo.

KISIASA:
Viongozi wa mashina lazima wawe na weledi na ufahamu wa kutosha kuhusu maendeleo ya nchi yetu yanayosimamiwa na chama cha mapinduzi. Panapotokea mkanganyiko wa habari kutokana na kutokuwa na taarifa sahihi kwenye jamii ccm diaspora lazima ishike hatamu ya kuelewesha jamii na kuondoa hisia potofu kuwa ccm ni chama cha wezi kama wapinzani wetu wanavyotaka kupotosha.

Ninayo mifano miwili ya vijana ambao hapo siku za nyuma walikuwa ni wagumu kujiunga na jamii zetu kama ccm,mmoja ni kijana nilimfahamu kwenye mji wa Reading ambaye alikuwa anamwaga maneno machafu kuhusu uongozi wa nchi yetu pamoja na chama chetu chama mapinduzi kuwa wa hovyo na hawafanyi chochote kwenye maendeleo ya nchi yetu, na wa pili kijana ambaye nimeishi naye kwenye mji wa Southampton kwa muda mrefu sasa na ambaye alikuwa anakiponda chama chetu pamoja na uongozi wake huko nyumbani na hivyo kutuona hata sisi ambao tunaongoza chama kwenye diaspora hatufai! Lakini siri ni kwamba vijana hao wote wawili hawakuwahi kurudi nyumbani kwa miaka mingi kutokana na matatizo mbalimbali, Vijana hao wote wamefanikiwa kwenda nyumbani miezi michache iliyopita na wamerudi wakiwa ni watu tofauti kabisa!!! Wote wanaisifu nchi yetu na wanakubali kuwa ccm imeleta maendeleo makubwa na raisi wetu amefanya kazi nzuri sana na wameahidi kurejea nyumbani kuangalia fursa mbalimbali.

 Muono wa vijana hao wawili pia wanao vijana wengi pamoja na watanzania wa kwenye diaspora ambao hawajabahatika kufika nyumbani miaka mingi. Kwa maoni yangu ccm diaspora lazima iwe na habari za kutosha kuhusu maendeeo ya sekta mbalimbali, kuwe na uelewa wa kutosha kuhusu ilani ya uchaguzi wa chama chetu na mambo yote yanayotekelezwa ili kuweza kutoa majibu kwa wale wenzetu ambao hawapati bahati ya kurudi nyumbani kwa sababu mbalimbali.

Tutumie mitandao ya kijamii na uwepo wetu kwenye miji mbalimbali kukusanya habari sahihi kuhusu maendeleo ya Tanzania kisiasa na kijamii wakati huohuo lazima tuwe wakali na kukosoa viongozi mbalimbali kule nyumbani na kwenye taasisi za serikali wanakuwa chanzo cha ccm kupakwa matope. Tufanye hivi kwa kufuata taratibu zetu za kichama na hata ikibidi kutumia mitandao ya kijamii kulaani viongozi wasio waaminifu wanaokipaka chama matope kwa matendo yao.

Mwaka huu ni mwaka wa uchaguzi mkuu kule nyumbani. CCM diaspora isinyamaze huku na kuacha viongozi waovu waingie ikulu! Tusaidie kutoa elimu kwa viongozi na wajumbe mbalimbali wa mkutano mkuu kupitia channels mbalimbali ikiwa ni pamoja na influence kwenye mikoa na wilaya mbalimbali ili apatikane kiongozi mwenye maadili na uwezo wa kusukuma gurudumu la nchi yetu ipasavyo na pia kulinda heshima ya nchi yetu iliyojengwa kwa miaka mingi. Pia tufanye hivyo kwa kufuata utaratibu (ethical) ili kuto kuwapaka watu matope na/au kutumiwa na makundi yanayopinzana. Tuwe na semina na mikutano ya mara kwa mara kuweza kupeana habari kuhusu maendeleo ya nchi yetu yanayosimamiwa na ccm na pia tuwe mabalozi wa chama katika diaspora husika.

KIUCHUMI:
Watanzania kwenye diaspora kama nilivyoandika hapo juu wametumia muda mwingi sana uliopita kupigania uhalali wa kuishi kwenye nchi husika (citizenship),Sasa ni lazima wahamasishwe ili waweze kuingia awamu ya pili ya maisha halisi ya kwenye diaspora zao ambayo ni ‘economic engagement’. Vikao vyetu vitumike kupeana habari mbalimbali za kifursa, ili baadhi yao waingie kwenye uchumi mkubwa kwa kuingia kwenye ujasiriamali.

 Hii ndio kada inayokosekana miongoni mwa wa-Tanzania wa kwenye diaspora. Yaani kuweza kuwafanya wakatumia uwepo wao kwenye masoko makubwa kama ya hapa UK ili kuwa kiungo kwa makampuni au huduma mbalimbali zinahusika na makampuni hayo ulimwenguni pia hata nyumbani! Tuwasaidie kuweza kujenga mtandao na makampuni ya kule nyumbani na kuweza kujua demand zao za kibiashara au ku-extend service mbalimbali kwa faida ya pande zote mbili (win-win); yaani faida iweze pia kuwafikia wao wenyewe na vizazi vyao hapa kwenye diaspora na nyingine iende kwenye taasisi husika.

 Hivyo viongozi wa mashina ya ccm lazima wawe mbele katika kuwahamasisha wanachama na watanzania kwa ujumla kushiriki forums mbalimbali zinazojitokeza sio lazima ziwe za kitanzania pekee!! Pia tuandae forum na makampuni ambayo yanaweza ku-hire skills za watanzania na kulipwa vizuri ili best practice zetu ziweze ku-flow kwenda kwenye taasisi hizo nyumbani kwa faida ya pande zote mbili. Kwa ujumla tuwe sehemu muhimu ya uanzishwaji wa dhana ya diplomasia ya uchumi kwa nchi yetu.

CHANGAMOTO:
    Na hakika waTanzania kwenye diaspora wana ujuzi wa taaluma mbalimbali na wamepata mafunzo yanayowafanya waweze kutoa huduma katika masoko makubwa katika nchi husika. Miongoni mwao ni PAUL;-( mtanzania) nilimkuta nikiwa nasafiri na train ya Crosscountry kutoka Birmingham nikielekea Manchester Piccadilly ndipo nilipomsikia akijitambulisha kuwa yeye ni service manager wa route hiyo!

 PAUL amepewa dhamana ya kuhakikisha kuwa wasafiri wote wanaotumia train hiyo wanapata huduma bora inayolingana na walicholipia (Value for money), Na watanzania wa aina ya PAUL wapo wengi tu huku diaspora wenye majukumu kama hayo na hata Zaidi ya hayo na wamepata mafunzo ya fani mbalimbali yenye uwezo wa kutoa huduma katika soko kubwa kama la hapa UK.

 Paul sio mwajiriwa wa kampuni kubwa ya Crosscoutry trains bali ni kampuni ndogo tu lakini yenye uwezo wa kutoa huduma kwa wateja wa kampuni kubwa kama ya Crosscoutry trains. Na kilichoisaidia kampuni hiyo ndogo kupata tenda hiyo sio kujuana au kupigiwa pande na mzito wa serikali ya UK, Bali ni mazingira sawa ya kifursa au kwa kiingereza Levelled Playing Field (LPF). Ambapo wenye sifa na uwezo wa kutekeleza jukumu Fulani ndio wanaopewa nafasi ya kuchukua hiyo fursa. Akina PAUL na Watanzania wengine ndio wanaoogopa kurudi nyumbani  kwa kuogopa kuwa hawatakuwa na nafasi sawa za kifursa kwenye jamii pamoja na kuwa na ujuzi na uwezo wa kutoa huduma za kiwango cha juu kwa sababu wanaamini nyumbani hakuna LPF.

 Hivi karibuni tumeshudia shirika la reli likiingiza mabehewa mapya ya kutoa huduma za uchukuzi kwa nchi yetu, Ni dhahiri watu wa kada kama za bwana Paul wanatakiwa wapewe mrahaba wa kutoa huduma kwenye train hizo ili kuleta mapinduzi ya huduma kwenye taasisi hizo. Wengi tunajua aina ya huduma zinazopatikana kwenye taasisi kama za TRC hivyo hata kama mabehewa yatakuwa mapya hatutarajii huduma bora kutoka kwenye taasisi hiyo kama sio kuleta wageni toka India au kwingineko,hivyo sisi viongozi wa diaspora pia tunatakiwa kupigania watu wetu ili kuhakikisha kila inapobidi wapewe fursa hizo na hii ndiyo LPF ninayoizungumzia. 

HALI HALISI YA TANZANIA:
Mimi ni mmoja wa Watanzania wanaosafiri mara kwa mara kuja nyumbani na hakika safari zangu hazikomi Dar peke yake huwa mara zote naenda hadi huko Mbinga kijijini kwangu kwa asili. Kwa hakika ninalo la kuwaambia wenzangu wa diaspora ni nini kinaendelea kwenye uchumi wa nchi yetu. Kwa kifupi nchi yetu bado ni salama na nzuri kwa maana ya hali ya hewa na usalama wa raia.

Nina hakika hata mali asili nyingi bado zingalipo tofauti na wengi wetu tunavyodhani. Ukitoka songea mjini kuelekea mbinga katikati yake utakutana na wawekezaji wakubwa wa kilimo cha kisasa na hata vijana wanaochimba madini kwa kutumia zana duni sana lakini wanapata wanachofanikiwa kupata. Nadhani hata huko mererani na kwingineko hali ni hiyo. Bado mito na maziwa yetu makuu hayajatumiwa ipasavyo kwa  uvuvi na kilimo cha umwagiliaji. Bado milima na mabonde yetu hayajatumiwa vya kutosha kuzalisha bidhaa nyingi na kuyafikia masoko makubwa kama ya huku diaspora, na vijiji vyetu bado vinakaliwa na wakulima na wafugaji wadogo.

Hivyo mtaona kuwa moja ya tatizo kubwa la nchi yetu ni uzalishaji mdogo unaotokana na zana duni na maarifa kidogo (primitive production) lakini kilicho wazi pia ni ukosefu wa masoko ya uhakika ya bidhaa hizo! Ni juzi tu nimesoma kuwa huko New York wauzaji wakubwa wa madini yetu ya Tanzanite ni India kiasi cha USD 600, wakifuatiwa na Kenya kiasi cha 300USd na sisi wenye madini hayo tunaambulia ‘market share’ asilimia kidogo sana. Wafanyabiashara wa India hawapelekwi huko Mererani na serikali yao na wala wenzetu wa kenya hawatumwi na chama tawala cha nchi yao bali ni ujasiria mali tu, wanalijua soko na wanatafuta bidhaa iliko basi.!! Watanzania wenzangu tunashindwa wapi? Ccm diaspora lazima ianze kuongoza mijadala ya kuzitambua fursa hizo kwenye sekta ya madini.

 Kwa mfano ni kwenye sekta ya uchimbaji mdogo wa madini tuwahamasishe wanachama wetu waweze kutafiti zana mbalimbali zinazotumika kwenye utafutaji wa madini hayo na kwa vile sasa serikali imedhibiti utoaji holela wa madini kuja kwenye masoko ya nje upenyo ambao wageni walikuwa wanautumia kusafirishia madini yetu hivyo ‘Vacuum’ hiyo lazima izibwe na wanadiaspora kwa kufanya hivyo tutakuwa tunaisaidia pia nchi yetu kukusanya kodi mbalimbali. Na sisi wenyewe kujihusisha rasmi na uuzaji wa mali hizo. ‘Mali za Tanzania ziuzwe na watanzania wenyewe’
 
Pia wanadiaspora wengi hatujui tena mikoa yetu ya asili kila mmoja anazungumzia Dar pekee! Mnyamwezi wa Tabora yupo diaspora hajishughulishi na kutafuta soko la asali kwa vile hana habari sahihi kuhusu uzalishaji wa asali kule kwao Tabora! Where is the missing link? Matawi ya nje ya ccm lazima yasaidie kupata majibu ya maswali haya, tusisubiri chama kingine kije kitoa majibu kwani tutakuwa tumechelewa na tusiruhusu watanzania mpaka waanze kutafuta sababu ya kumtafuta mtu wa chama kingine aje atoe majibu

CHANGAMOTO 2:

Ni kweli nchi yetu ipo salama na inakwenda kwa kasi kimaendeleo katika sekta mbalimbali za kijamii na kiuchumi. Kuna miundombinu inayojengwa na serikali ya awamu ya nne ya chama cha mapinduzi na sasa nchi yetu inafikika kirahisi karibu sehemu nyingi, ardhi yetu bado ni salama na inapatikana kwa bei nafuu huko mikoani japo ushindani wa kuipata unaongezeka siku hadi siku.

Hakika sisi wana- diaspora tuna nafasi ndogo sana iliyobaki ya kukutana na kupanga mikakati au kupeana taarifa sahihi za namna ya kujiingiza kwenye sekta rasmi za uzalishaji kule nyumbani na kwa wale ambao hawajahamasika kwenda kuwekeza huko nyumbani wanaweza kujiingiza kwenye masoko ya bidhaa mbalimbali toka Tanzania. Ni wakati sasa wa diaspora kuji-organize ili kama kuna taasisi za nyumbani zitakuja kutafuta namna ya kufanya kazi pamoja na wanadiaspora watukute tupo tayari. Tuzitambue fursa mbalimbali zilizoko kwenye sekta za uzalishaji kule nyumbani ili tuwe wa kwanza kwenda kuwekeza kila fursa inapoonekana badala ya kuwaachia wageni.

Moja ya sababu zinazotolewa na wengi ni kukosekana kwa mitaji! Katika sera zangu za matawi ya nje mara nyingi nimezungumzia suala la sisi wenyewe kwanza kuanza kuwekeza mitaji kwa njia ya umoja wa SACCOS na ndipo tutakuwa na jeuri ya kutafuta taasisi zinazoweza kutuunga mkono katika kuongeza mitaji hiyo. Wana-diaspora tujipange kiuchumi hakuna mtu atakaye kuja kutugawia mapesa ya uwekezaji na hata makampuni mengi hutoa mikopo kwa masharti ya mkopaji kuwa na kianzio, hivyo suala la SACCOS ni la muhimu sana na mimi kama kiongozi wa tawi la UK nimeshaanza maandalizi ya kuanzisha chombo hicho na ni wajibu wa viongozi wa mashina kuhamasisha wanachama na watanzania kwa ujumla kujiunga na kikundi hiki.

Pia biashara ya utalii kwa wale vijana wa kundi la tatu ambao wanahitaji taarifa sahihi kuhusu vivutio vyetu na aina ya vyakula vyetu ambavyo wanaweza wakasaidia kuviboresha na kufikia viwango vya kimataifa na kupendwa na watalii wanaokwenda nchini kwetu.      Tunatakiwa kuingia masoko hayo bila kutumia taasisi za nyumbani kwani zina ukiritimba ambao utatukatisha tamaa kwani moja ya changamoto kubwa tulizonazo nchini kwetu ni ugumu wa taasisi hizo kuruhusu kuingiza watu wapya kwenye uchumi na kwa kweli kama tutasubiri LPF kutoka kwenye taasisi za serikali kule nyumbani ni dhahiri wanadiaspora tutaendelea kuwa watazamaji kwenye uchumi. Jitihada zitumike kuwahamasisha wanadiaspora kufanya maamuzi ya kujiunga na uzalishaji bila kuzibembeleza taasisi hizo zinazokumbatia ukiritimba.Tukutane nao sokoni!

Mfano ni majuzi nilikwenda pale Sunderland kushuhudia uzinduzi wa klabu hiyo kutumika kama tangazo la utalii kwa kushirikiana na bodi yetu ya utalii ya Tanzania (TTB) na baadae nilimtafuta Mkurugenzi mkuu wa TTB ili atusaidie kwenye diaspora tuwe na programme za vijana wale niliowataja kwenye namba 3 hapo juu ili waweze kufaidika na information za TTB kuhusu utalii wetu na vivutio vyake na baadae watumike kama mabalozi wa utalii wa Tanzania kwenye ground ya UK na hata baadhi yao kujiajiri kwenye sekta hiyo!

 Programme iwe ni ku-extend nyenzo za TTB kama information fliers,na hata semina mbalimbali hukuhuku diaspora badala ya kutegemea wazungu pekee! Kwani vijana hao wana connection Zaidi na familia za hapa na wamesoma na wezao ambao ndio tabaka la watalii linalokuja, Jibu la yule mama(mkurugenzi) lilikuwa rahisi sana kwamba hawana mpango wa kuingiza ‘Ideas’ za mtu mwingine yeyote wao wenyewe TTB wanatosha kufanya kazi hiyo dunia nzima! Yule mama anashindwa kuelewa jinsi gani tunapaswa kujibu maswali makazini kwetu hapa diaspora pindi watu wanapobaini kuwa tunatoka sehemu hiyo ya dunia, lakini kwa vile hatuna habari za kutosha kuhusu vivutio vyetu tunakwama kutoa majibu! haelewi kuwa tumechelewa sana kutangaza vivutio vyetu vya utalii na kuwa sasa tunahitaji kuongeza ‘pace’ ya kuitangaza nchi yetu.

Ndugu zangu wa diaspora tukisubiri LPF tutakwama. Atitude ya kiongozi wa TTB pia wanayo viongozi wa taasisi nyingi kule nyumbani, Mindset zao sio kuongeza uzalishaji(production capacity) ili pato liongezeke litutoshe wote la hasha, bali wao ni wajuzi wa kugawa hicho kidogo kinachozalishwa tena kwa wachache na hawajali nani hakikumfikia!(Strict distribution of what is being produced) ndo maana hoja zao ni budget na inatokana na nani apewe na nani asipewe ‘’Haoni mantiki ya kupanua wigo wa kutangaza utalii wa Tanzania ili watalii waende wengi na wapate huduma bora na hatimaye mapato yaongezeke na ndio tuweze ku-solve hilo tatizo la budget analolijua’’! Maadam wao na marafiki zao wanakula kutokana na hicho kidogo hawana haja ya kupigania kuongeza uzalishaji kitu ambacho ndo tatizo kubwa la nchi yetu; ”Uzalishaji mdogo’’.

Tuna viongozi wengi ambao ni mafundi wa kugawa hicho kidogo badala ya kuwa na viongozi wanaoweza kusimamia kuongeza uzalishaji. Na ili kuongeza uzalishaji ni lazima makundi yote yanayoweza kusaidia kubuni na kusukuma uzalishaji mpya yaingizwe kwenye mikakati (system).  Makundi kama diaspora lazima yasaidiwe ili yaweze kuingiza Skill/best practice zao kwenye sekta mbalimbali za uzalishaji na kusaidia kutengeneza kazi kwa vijana.

Hivyo sisi kama viongozi wa ccm kwenye diaspora inatakiwa tukisaidie chama ku-organize hili kundi ili liwe tayari kwa changamoto hizo. Maana ni rahisi kulalamikia ukiritimba wa serikali na taasisi zake lakini je tupo tayari?

Hivi karibuni niliona picha ya wazee wetu waliokuwa diaspora mwaka 1959 hapa London, walijikusanya na kuanzisha tawi la TANU hapa UK wakati huo! Majukumu ya wakati huo yalikuwa ni pamoja na kuhamasisha namna ya kuharakisha juhudi za kupata uhuru wa nchi yetu. Na kati yao kweli walikuja kuwa viongozi wa mwanzo wa Tanganyika huru, akiwemo mhesh. Mark Bomani na marehemu Oscar Kambona ninaowakumbuka kwenye ile picha yao ya London 1959. Kwa hiyo harakati za ukombozi zina historia na UK nami kama kiongozi wa ccm hapa UK nimeona ni bora tuanzishe harakati za ukombozi wa uchumi kwa wana diaspora hapahapa UK.

Tutumie fursa kadhaa ambazo serikali yetu imezitengeneza ili sasa tuanze kuyafikia masoko na pia kuanza kujenga tabaka la “knowledge economy” kwa nchi yetu maana nchi yetu inahitaji ’innovators’ kwenye sekta zote za uzalishaji Kuanzia kilimo,uvuvi,uchimbaji mdogo wa madini n.k ili kusaidia kupunguza tabaka la sasa la wazalishaji holela. Kwa manufaa yetu wenyewe na vizazi vyetu vya huku diaspora na kwa ndugu zetu kule nyumbani kwani tutakuwa chanzo cha ajira na kuhamisha hizo best practice kwenda kwenye vikundi vya uzalishaji kule nyumbani kwa njia ya partnership na vikundi vya huko. Kamwe tusiruhusu soko hilo lichukuliwe na wageni kwa kukosekana kwa watanzania wenye ‘knowledge and skill’. 
   Zana zote za uzalishaji,uchukuzi na usafirishaji na hata viwanda vidogo zinapatikana huku tuliko, tujadili namna ya kupata mitaji sisi wenyewe ili tuondokane na urasimu wa taasisi za serikali kule nyumbani! Kwa namna hiyo ndo tutakuwa tunakisaidia chama chetu cha mapinduzi kutekeleza kwa vitendo sera mbalimbali za uzalishaji wa kisasa.

Kuanzia sasa nataka mashina yetu yaanze kuweka agenda za kiuchumi na kijamii kwenye orodha ya mikutano wanayotarajia kufanya kwenye mashina hayo na hata kwenye vijiwe vyetu kwenye miji mbali mbali maongezi yaanze kubadilika nitajitahidi ku-organize semina za viongozi ili tuweze kuongeza uelewa kwenye Nyanja hizo. Narudia tena technology zote zinazotumika kwenye uzalishaji duniani zinatoka kwenye nchi hizi tunazoishi na best practice tumefundishwa hukuhuku diaspora ni jukumu letu kujipanga na kuziundia mikakati ili tuachane na mijadala isiyotuhusu inayoendelea kwenye jamii zetu ikitokea kule nyumbani.

Tunapoteza muda mrefu kuongelea vitu vilivyoliwa tayari kama ESCROW,EPA N.K na tunaacha kujadili na kujua nini kimebaki ili tukitafute. Hizo kashfa hazitaisha kwani tuliowengi hatujui mali zipi ziko wapi mpaka zimeliwa ndo tunaamka na kujadili! Sasa si wakati huo kwa wana-diaspora tuanze kutafuta fursa zitakazotupelekea kuona mali zilizobaki ili tushiriki kuziendeleza kwa manufaa ya nchi yetu na vizazi vyetu.

Naomba nimalize kwa kusisitiza kuwa matawi ya nje ya ccm pamoja na;

1.       kulinda itikadi ya chama chetu,
2.       kutafuta wanachama wengi Zaidi,
3.       kulinda taasisi za serikali kwenye diaspora husika, , kwa hapa ccmUK kwanza tunajukumu la kuzilinda taasisi mbalimbai za serikali yetu kama ubalozi wetu Kwani sisi ni chama tawala kwa sasa. Na tunatakiwa kuitetea taasisi hiyo katika mfumo wake wa sasa huku tukiendeleza mawasiliano ya kitaasisi ya namna bora ya taasisi hiyo ya serikali inavyoweza kusaidiana na vikundi vingine vya kijamii na kiuchumi hapa UK katika kusaidia na hata kuwezesha watanzania ku-engage process  za kuzitambua fursa mbalimbali zilizoko hapa na nyumbani ikiwa ni pamoja na kusaidia kuandaa forums  mbalimbali.
4.       kuandaa makada wenye muono mpana Zaidi ili waje kusaidia na kuongoza chama huko siku za mbeleni,
5.      Pia lazima yawe chachu ya mabadiliko ya kiuchumi na kijamii kwa nchi yetu na ndipo tutakapokuwa na uwezo wa kupima kwa kiasi gani tumefikia malengo ya kamati kuu ya kuanzishwa kwa matawi hayo.

Imetolewa na Abraham Sangiwa – Katibu wa Itakadi Siasa na Uenezi
Chama Cha Mapinduzi – TAWI LA UINGEREZA (UNITED KINGDOM).

Makala hii inapatikana kwenye blog yetu  CCMUK.ORG/BLOG



Wanablogu Tanzania kujumuika leo kwenye party @ Serena Hotel



Mwenyekiti wa Tanzania Bloggers Network na mmiliki wa Blog ya The Habari.com, Joachim Mushi (katikati) akizungumza wakati wa mkutano na waandishi wa habari. Kutoka kushoto ni Mkala Fundikira, Afisa wa kampuni ya mawasiliano na matangazo ya AIM Shafiq Mpanja , Ofisa Uhusiano wa NMB bi. Doris Kilale na Khadija Kalili.

Katika mkutano huo TBN imesema leo Jumamosi jioni Bloggers takriban 100 kutoka sehemu mbalimbali nchini watakutanika katika ukumbi wa hoteli ya Serena jijini Dar es Salaam kwa ajili ya hafla ya mwaka mpya itayohudhuriwa pia na wadhamini na marafiki wa Bloggers.


Ofisa Uhusiano wa NMB Doris Kilale akifafanua jambo wakati wa mkutano.



Mmiliki wa Blog ya Bongoweekeend Khadija Kalili akizungumza wakati wa mkutano.



Father Kidevu (kulia) akifafanua jambo wakati wa mkutano.



Baadhi ya Bloggers na waandishi wa vyombo mbalimbali vya Habari wakifuatilia jambo wakati wa mkutano uliofanyika katika Ofisi za Idara ya Habari Maelezo Dar es Salaam.

Rais Kikwete ashiriki kuuaga mwili wa Mama yake Dk Hosea


Rais Jakaya Mrisho Kikwete na Mama Salma Kikwete wakitoa heshima zao za mwisho kwa Marehemu Esther Gigwa Hosea, Mama Mzazi wa Mkurugenzi Mkuu wa TAKUKURU, Dkt Edward Hosea huko Masaki jijini Dar es Salaam, Februari 27, 2015.


Rais Jakaya Mrisho Kikwete na Mama Salma Kikwete wakimfariji Mkurugenzi Mkuu wa TAKUKURU, Dkt Edward Hosea Msaki jijini Dar es salaam leo walipofika heshima zao za mwisho kwa mama yake mzazi Marehemu Esther Gigwa Hosea huko Masaki jijini Dar es Salaam, Februari 27, 2015.


Rais Jakaya Mrisho Kikwete na Mama Salma Kikwete pamoja na Makamu wa Rais Dkt Mohamed Ghariv Bilali, Katibu Mkuu kiongozi Balozi Ombeni Sefue wakiwa pamoja na wafiwa wakati wa kuaga mwili wa Marehemu Esther Gigwa Hosea, Mama Mzazi wa Mkurugenzi Mkuu wa TAKUKURU, Dkt Edward Hosea huko Masaki jijini Dar es Salaam, Februari 27, 2015.


Sehemu ya wafiwa na waombolezaji wakati wa kuaga mwili wa Marehemu Esther Gigwa Hosea, Mama Mzazi wa Mkurugenzi Mkuu wa TAKUKURU, Dkt Edward Hosea huko Masaki jijini Dar es Salaam, Februari 27, 2015.

Picha: Ikulu

Mistari yenye maneno ya busara na hekima

Mistari hii nineichomoa kwenye ujumbe uliotumwa na rafiki via WhatsApp...

Those who like to pay the bill when you go out, do so not because they are loaded but because they value friendship above money.

Those who take the initiative at work, do so not because they are stupid but because they understand the concept of responsibility.

Those who apologize first after a fight, do so not because they are wrong but because they value the people around them.

Those who are willing to help you, do so not because they owe you any thing but because they see you as a true friend.

Those who often text you, do so not because they have nothing better to do but because you are in their heart.

One day, all of us will get separated from each other,  we will miss our conversations of everything & nothing, the dreams that we had. Days will pass by, months, years, until this contact becomes rare... One day our children will see our pictures and ask 'Who are these people?' And we will smile with invisible tears because a heart is touched with a strong word and you will say: 'IT WAS THEM THAT I HAD THE BEST DAYS OF MY LIFE WITH'.

[updated] Ndege ya jeshi yaripotiwa kuanguka Mwanza


Jeshi la Ulinzi la Wananchi wa Tanzania (JWTZ) linapenda kutoa taarifa ya ajali ya Ndegevita moja (1) iliyotokea leo tarehe 27 Februari 2015 katika uwanja wa ndege wa kijeshi wa Mwanza.

Ndegevita za JWTZ zilikuwa katika mazoezi ya kawaida ya kivita, Wakati rubani wa ndegevita iliyopata ajali akijiandaa kuruka ndipo ndege mnyama akaingia katika moja ya injini zake na kusababisha ndegevita kuwaka moto. 

Hata hivyo, rubani wa ndegevita hiyo Meja Peter Lyamunda alipoona ndege yake inawaka moto alifanikiwa kujirusha nje ya ndege hiyo kwa kutumia vifaa maalum na kufanikiwa kuokoa maisha yake ingawa amepata majeraha katika mguu wakati wa kujiokoa. Kwa sasa hali yake ni nzuri anaendelea na matibabu ya kawaida .

Wananchi wasiwe na hofu hii ni ajali ya kawaida , waendelee na shughuli kama kawaida na kwamba sehemu ilipoangukia haikuleta madhara yoyote ya binadamu, nyumba wala miundombinu.



















Imeripotiwa katika mitandao ya kijamii kuwa ndege ya kijeshi imeanguka leo katika uwanja wa ndege wa Mwanza na kuwaka moto kama inavyoonekana pichani, wakati ikitoka kaskazini mwa uwanja huo kuelekea kusini ambapo rubani wake, Peter Augustino Lyamunda amevunjika mguu.

Chanzo cha ajali hiyo kimeelezwa kuwa ni ndege (kiumbe) aliyeingia kwenye moja ya injini za ndege hiyo ilipotaka kuruka, ikashindwa na kuanguka.

Taarifa ya uteuzi wa Rais wa Wenyeviti wa Tume ya Utumishi wa Umma na wa CMA

Rais wa Jamhuri ya Muungano wa Tanzania, Mheshimiwa Jakaya Mrisho Kikwete, amefanya uteuzi wa Wenyeviti wa Tume ya Utumishi wa Umma na Tume ya Usuluhishi na Uamuzi (CMA).

Katika uteuzi huo, Rais amemteua Mhe. DKT. STEPHEN JAMES BWANA, Jaji Mstaafu wa Mahakama ya Rufani, kuwa Mwenyekiti wa Tume ya Utumishi wa Umma na BWANA EDRISSA R. MAVURA, kuwa Mwenyekiti wa Tume ya Usuluhishi na Uamuzi (CMA), Bw. Mavura ni Naibu Katibu Mkuu Mstaafu.

 Sambamba na uteuzi huu, Rais amewateua Makamishna katika Tume hizo, ambapo Makamishna wa Tume ya Utumishi wa Umma ni:
(i)
Bwana George D. YAMBESI, Katibu Mkuu, Ofisi ya Rais, Menejimenti ya Utumishi wa Umma.  
(ii)
Alhaj Y. F. MBILA, Katibu Tawala wa Mkoa mstaafu.
     
(iii)
Bwana Mgeni Mwalimu ALLY, Kamishna wa Tume ya Utumishi wa Umma iliyomaliza muda wake.
(iv)
Bibi Adieu H. NYONDO, Mkurugenzi wa Maadili mstaafu.     
 (v)
Bibi Salome S. MOLLEL, Mkurugenzi wa Utawala na Rasilimali Watu mstaafu, Ofisi ya Mdhibiti na Mkaguzi Mkuu wa Hesabu za Serikali    
(vi)
Bibi Evelyne ITANISA, Katibu Tawala wa Mkoa mstaafu.
Aidha Makamishnawa Tume ya Usuluhishi na Uamuzi (CMA) ni:
(i)
Bwana Paul Herbert Kinemela, Kamishna wa Kazi, Wizara ya Kazi na Ajira  
(ii)
Bwana Mathias Bazi Kabunduguru, Mkurugenzi wa Uendeshaji Sera, Ofisi ya Rais, Menejimenti ya Utumishi wa Umma.
(iii)
Bwana Njaa Ramadhani Kibwana, Naibu Katibu Mkuu, Chama Cha Wafanyakazi wa Serikali za Mitaa (TALGWU).
(iv)
Bwana Jones Kyaruzi Majura, Naibu Katibu Mkuu, Chama Cha Wafanyakazi wa Sekta ya Biashara na Viwanda – (TUICO).
(v)
Bwana Jaffari Ally Omari, Mwanasheri Kiwanda cha Sukari – TPC, na Kamishna wa Tume iliyomaliza muda wake.
(vi)
Bibi Suzanne Charles Ndomba, Afisa Sheria wa ATE na Wakili wa Mahakama Kuu.
Uteuzi huu umeanza tarehe 23 Februari, 2015.

Imetolewa na:
Kurugenzi ya Mawasiliano ya Rais,
Ikulu,
DAR ES SALAAM.
26 Februari, 2015